MIKA 3:4 - DAÜLANGPÜ LAIHING (BSI)

⁴ Hahepak kü jomi Shembüpa kü lenei wonghen, shejao büpai jom kü nejanghen. Hahepak kü büpalei dhe jom kübü jolanghen; mehenangkü jomi mang dükpü nangkü.

MIKA 3:4 Referans Kwoze

ISAIAH 1:15

Mechem ammi lak haongei phophenshang ngei am toueipü ngelei dhe jolanghen; Ngei am phoppü kü nebanghen; ammei lak iy mon maei nyüke.

KANDOK 1:28

Hahepak kü ammi ngei kü nyükhen; shejao ngei am kü nejanghen; Ammi ngei yemhen, shejao ngei nedanghen.

EZEKIEL 8:18

Hanangkü ngei mongshih wong kempai jom kü dou dükhen; ngei jom kü yahyangei nevaijü shinshangei neveihen. Jomi ngelei dhaong tüngei heih-ei lenjao ngei jomi epü nebanghen” shei eteke.

MENVIH KESHO 18:41

Jomi sheühpü yüei len, shejao jom yanghen hükao nenyu; Jomi Shembüpa kü nyük, shejao büpai jomi nyükpü kü nejang.

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

MATHI 7:22

Hapa nyih kü longshi shingi ngei kü, “Shembüpa, Shembüpa, hami nüngei men kü teteivanei ne-eangpü je, hatü nüngei men kü kahshihthü changei hatü nganhilong dou longi nedükangpü je?” shei ehen.

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.

JOHAN 9:31

Kahvangi mangthülei shah nebangnyih shei jeni nying, shejao üpai büpa kü khüm, hatü büpai mongpü dükpüthülei shah bangnyeih.

LUK SHAHSHA APPÜ 13:25

Shem shembüi yaongei sha küplang pheikü amphong chingshelei yaongtü sha kü khungei, ‘Shembüpa, ham kao apshih’ shei ejü büpai am kü jangei, ‘Amphong meleipü peipa ngei nenying’ shei ephahen.

ZEKHARIAH 7:13

“Mechem ngei nyükpa, jomi nebang; hapakei mechem jomi ngei kü phoppa, ngei jom kü nejangpeih” shei Jeiyong Shembüpai enyüke.

JEREMIAH 33:5

Hanei am Babylon am khüei hokhen peikahen, hatü ngei mongshihpai jüpü shennyakthülei mahmahngi hathü mahühen, mehenangkü jomi dükpü mang nangkü ngelei dhe hapa chingnyü leipü jodaipeih.

JEREMIAH 5:31

thibüthüi shahshem teteivannyüke, hatü ngongpathüi thibüthüi epükei vanglem lemnyüke; ngelei ngongpathüi hapa lümnyüke. Shejao hathü kemei dohjü jomi mehe dükhen?”

KANDOK 28:9

Üpai shahkungnyü kü dhaong neshaangnya, büpai phoppeyü jiühitbenüng.

1 SAMUEL 8:18

Mechem hathü nyih ngoikahenshang, ammi laophüi jehahpü ong nangkü leneiwonghen, shejao Shembüpai ha nyih am kü nejangphahen’ ” shei e.

JOB SHAHSHA APPÜ 27:9

Jom kü shanghah peishingkü, jomi nyükpü kü Kahvangi banghen je?

JOB SHAHSHA APPÜ 35:13

Hingmei, Kahvangi shahshemi lenpü kü nebangnyih. Jeiyong Kahvangi henüng kü dhaong neshaangnyih.

JEREMIAH 11:11

Hanangkü Shembüpai hapakei enyüke: Ngei jom neyangaokhen mü shanghah hük shuohhen. Jomi ngei kü nyükjao ngei jom kü nebanghen.

JEREMIAH 14:12

Jomi shüaeiyunglejao jomi lenpü ngei nedannyih, hatü jomi jakpü moila hatü hahying moila shuohjao ngei hathü neyahhen, shejao yani, münghishaü homei, hatü chami ngei jom mahtükhen.

MIKA 3:7

Eeaokpü mükngan nyupüthü veü ponghen, hatü manghkhang kohpüthü hai danghen. Kahvang leipü jangpü lanshei neshiüpü nangkü jomei ju kümei dhe kü jümlanghen.

MIKA 7:13

Shejao kahmük payü halei nyupü shennyakthüi dükpü mang homei lavüngtoiyei yakphonghen.