MIKA 3:12 - DAÜLANGPÜ LAIHING (BSI)

¹² Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

MIKA 3:12 Referans Kwoze

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

MENVIH KESHO 79:1

Oh Kahvang, jatthüi nüngei mükjüp kahdokei peiteke; jomi nüngei daülangpü phopshem sheihtük; jomi Jerusalem mangtükteke.

MATHI 24:2

Hahepak kü büpai jomphong kü, “Amphongi hathü peü eenyüla? Hingmei ngei am kü enyeih, yaong hükao hük shangkü haüshi nenyuhen; peü noei shüktükkemhen” shei e.

MIKA 1:6

Hanangkü ngei Samariayü nyüp yakshing hük, nyalingngupai sheihen shing hük leihühen. Ngei haleipü yaongthü paangei kahjilei shantükhen, hatü pinnyülei chongnyiam shing kong leitükhen.

MENVIH KESHO 107:34

Shennyakthü nemeipü nangkü büpai betjük jükpü kahdok hüm kohpü kahdok leitüknyeih.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

JEREMIAH 17:3

Ammei kahmük kempülei ammei mang nangkü ngelei kahshang, ammei mophimo, hatü dounyünangba mü ammei vaümchongthü peü vepathü kü shuohtükhen.

JEREMIAH 22:6

Judah ongpalei ongshem nangkü Shembüpai hapakei enyüke: “Ngei touei amü Gilead keiha nyujao, Lebanon shangching leshi nyulangmao, ngei amü hingmei mü bhih kahdok leitükhen, shennyak nenyupü ching kei leitükhen.

JEREMIAH 35:17

Hanangkü Jeiyong Shembüpa Kahvang, Israel Kahvangi hapakei enyüke: Ngei Judah hatü Jerusalemei nyupüthü peü kü jom kü shuohhen shei epü shanghah shuohhen; mehenangkü ngei jom kü ephei shejao jomi nebang, ngei jom kü nyükjü jomi nejangnyu.

JEREMIAH 44:2

Jeiyong Shembüpa, Israel Kahvangi hapakei enyüke: “Ngei Jerusalem hatü Judah jilathü kü koei peipü shanghahthü ami ammei müki lekei eeteke. Shinnyih hathü kemei lavüngtoiyei, shennyak neshiüi nyüke;

JEREMIAH 52:13

Büpai Shembüpalei shem, ongshem hatü Jerusalem leipü shemthü peü kü awi hap. Shongnyü shemthü peü büpai shamtük.

YOUNG LAI 5:18

Zion Kahshang lavüngtoiyei leidaipü nangkü mahuthü vaüei longteinyüke.

ISAIAH 32:14

Mehenangkü ongshem yakphonghen, ngetnahcheüi nyupü chingnyü vüngmaki tuhphonghen; shangching hatü shangdü peü yakphonghen, hatü hapayü gaduthü ngaleshing, hatü mithü het yemhah shing leidaihen.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

JEREMIAH 22:5

Shejao nüngi hathü shahkungthü nebangjema, hapa ongshemü lavüngtoiyei leitükhen shei ngei lahnyeih” shei Shembüpai enyüke.