MIKA 3:11 - DAÜLANGPÜ LAIHING (BSI)

¹¹ Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MIKA 3:11 Referans Kwoze

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

JEREMIAH 7:4

‘Hapayü Shembüpalei shem, Shembüpalei shem, Shembüpalei shem’ shei lueilempü shahthü kü hingtelem.”

1 PETER 5:2

Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

ISAIAH 48:2

Am nyingi daülangpü chingnyü kübü bümeiyangma hih shei, hatü Israel Kahvang, Jeiyong Shembüpa kü mongnyangshi nyunyeih shei ehahnyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

BHEI-IE 16:15

Mosai mongshih-ei Shembüpa kü, “Hathü shennyakthülei moila teyah; ngei jomphong üpayao nenyonghüangpih, nevaijü jom leipü gadu hük dangkao neyah-angpih” shei eteke.

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

AMOS 9:10

Ngelei nanglak khong kübü mang shennyakthü peü kemei, hatü üami, “Mehe tenao jen kü nedhaümküpih nevaijünepongpih” shei epüthü peü vepalei lak kü mahkemhen.

HOSEA 4:18

Mechem yiü yingei kemhenshang, jomi mükbongjuyung düknyüke; Jomei vanglem lempüthüiyao veüpü lem kü kennyüke.

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

MATHI 3:9

Ammi laophü nyingi, ‘Abrahamü hamei bü’ shei te-ehah; mehenangkü Kahvangi hathü yaong kübü yah-ei Abraham shing hapeüthü vamhüaokhen hih.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

ZEPHANIAH 3:3

Pinnyülei lakchongbüthüyü ngüngpü mailangthü khih; pinnyülei shahphenbüthüyü phu-ao neao-i hahteipü shuwthü khih.

EZEKIEL 22:27

Jomei lakchongbüthüyü shahhing ne-epü mop danghen shingvaishi shuwi yemhimak jüei shaakpükei nyüke, iy yenhüei jünyüke.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

KANDOK 17:23

Nemeipü shennyaki joshi yawhdou yahnyüpeih, hatü shahhing lemthü nyongtüknyeih.

ISAIAH 5:23

Yawhdou nangkü mang kü mang shei nedeihpü, shejao mang neshiüpüthü kü jiüpü nedükpüthü!

JEREMIAH 23:17

Ngei yakphongpüthü kü jomi düngei, “Am mü chingmei nyuhen” shei enyüke, hatü mongdang vaanpüthü peü kü, “Mepa shanghah-ao nepeiküpih” shei enyüke.

JEREMIAH 26:7

Shembüpalei shemei Jeremiah-i hathü shah epü ngongpathü, thibüthü hatü nanglak peüi dan.

EZEKIEL 34:2

Shennyak ha, Shembüpa Kahvangi hapakei enyüke shei Israel am mi yombüthü khüei teteivanei etuh: Oh, Israel am mi yombüthü, amphongi laophü mon moh-ei hahtü mithü nehaümnyu.

HOSEA 4:8

Jomi ngelei nanglakthü mang thahhütü shemmei leinyüke, hatü nyeinya mang nyemthah shei deihnyüke.

AMOS 5:14

Am yemmü nyuhen shingvaishi ten nevai mei yemtuh. Shejüang ammi epükei Jeiyong Shembüpa am mü nyukahen.

MALAKI 2:9

Hanangkü hangkuli peüei shesha kü ngei am vüshihpeih, hatü maanpü am leihüpeih; mehenangkü ammi ngelei lemthü kü nekam, shejao shahkungnyü noshingkü baong hanei noteke.

BHEI-IE 22:7

Hanangkü Moab hatü Midian am mübüthüi thaüvaüpü kü shuohhen lat kotü Balaam yemei daiyei Balaki shompü shahjang ejateke.

JEREMIAH 5:12

Jomi Shembüpa nang shahshem eteke, hatü, ‘Büpai meheyao nedükphapih. Jen kü mehe tenao nepeiküpih; münghishaü, hokpüheipü meheyao ne-eepih’ ” shei eteke.

ZEPHANIAH 3:4

Pinnyülei thibüthüyü changmeipü, lawlüppü mon nyüke. Pinnyülei ngongpathüi daülangpü shing sheihtüknyüke, hatü jom kü jiüpükei shahkungnyü yeiyatüknyüke.