MIKA 2:7 - DAÜLANGPÜ LAIHING (BSI)

⁷ Israel nanglakthü-ü thaüvaü phangkü nyüpeih shei nüngi deihnyu je? Shembüpai büpa nenteiaokpü mahtükpü je? Hingmei büpai henüng douthü düknyu je? Üami jiüpü düknya, hathü kü Shembüpai mei nedüknyu je?

MIKA 2:7 Referans Kwoze

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

JEREMIAH 15:16

Ngei nüngei shah dangei ngei ha hahpeih, hatü nüngei shahthü ngelei mongkü mongongbenüng leiteke; Mehenangkü ngei kü nüngei men menteke, Oh Shembüpa, Jeiyong Kahvang.

MENVIH KESHO 15:2

Üpai eela neshiüi kamnya, hatü mehe jiü, ha düknya, mongdang kübü shahhing enya;

ZEKHARIAH 4:6

Büpai ngei kü, “Hapayü Zerubbabel kü Shembüpai epü shah nyüke: ‘Wongi nevai, ngani nevai shejao ngelei laanghai’ shei Jeiyong Shembüpai enyüke” shei e.

HOSEA 14:9

Üami nahnya, jomi ha yaonyüke, üami yepaoknya, büpai hapa nyingaoknyüke. Shembüpalei lemthüyü daülangi nyüke; Daülangpüthü ha kü kamnyeih, shejao mangthü ha kü huluh shuohnyeih.”

ISAIAH 50:2

Ngei leishingkü mehekei hükao nenyupa? Ngei nyükshingkü mehekei üpaiyao nejangpa? Am angei leihen ngelei lak shohdaipü je? Nevaijü am yanghen ngei wong neshiüpü je? Loh mon lohjü ngei yungchingao jeptüknyeih, ngei yungnyüthü bhih kahdok leitüknyeih; Haleipü nyahthü yung neshiüi, hatü yung lepai dinyüpeih.

KANDOK 28:18

Üpai shahhing kü kamnya, büpa yanghen, shejao üpai nejiüpü lem kü kamnya, ngangahük kü mahhen.

KANDOK 10:29

Daülangpüthü shingvaishi Shembüpalei lemü jom loishing, shejao nemeipü dükpüthü shingvaishi mahhen nyüke.

KANDOK 10:9

Üami shahhing kü kamnya, nenyemi kamnyüpeih, shejao üami lemkaok kü kamnya, yephahshasha.

2 TIMOTI 3:5

shakdoki Kahvang nyingnyu kei shejao hingshangpü büpalei ngan yaktükpüthü vamkahen. Hathü kübü khaatei nyutuh.

2 KORINT 6:12

Hami am kü bampü nedohangpih, shejao ammi ham kü bampü dohdaiteke.

ROM SHAHSHA APPÜ 7:13

Shejema mehe mei, hapai ngei kü dipü koei peipü je? Lanshei nevai! Mangü mang shei huhen shingvaishi hatü shahkungnyü homei mangü shethen neaoki nyeinya mang leihühen shingvaishi mehe mei ha homei mangi ngei kü dipü koei peipeih.

JOHAN 8:39

Jomi büpa kü, “Abrahamü hamei pa hih” shei e. Jisui jomphong kü, “Amphong Abrahamei hapeüthü vailangmeyü Abrahami dükpü douthü ammi dükhah shepeih,

MATHI 3:8

Mong lepei leipü shangshi betjük jüktuh.

MIKA 3:9

Ha bangtuh, am Jakob phang mübüthü, hatü am Israel phang kü vanglem lembüthü, ammi shahhing yaktüknyüke, hatü jiüpü peü nyongnyongi lingtüknyüke.

JEREMIAH 2:4

Shembüpalei shah bangtuh, Oh Jakob am shem, hatü Israel am phangthü kemei.

ISAIAH 58:1

Nenmü nenyui wongmü lentuh! Ngelei nanglakthü kü jomi khüei yaongpü, hatü Jakob phang kü jomei mang baongeishuoh.

KANDOK 14:2

Kangshangi kampüthüi Shembüpa kü nyemnyüpeih, shejao üpai ten düknya, hapa shennyaki büpa yakphongnyeih.

KANDOK 2:7

Büpai kangshangpüthü shingvaishi kihikon jaoei nyüpeih; Eela neshiüi kampüthü shingvaishi büpayü inyüshung nyüke;

MENVIH KESHO 119:65

Nüngei shah aimü nüngei chongphobü kü mei dükshih, Oh Shembüpa.

BHEI-IE 11:23

Shembüpai Mosa kü, “Shembüpalei nganhiwong maani mon nyüpü hiang? Ngei epü jiüshi nevamkahen hi vamkahenshang nüngi shaang eehen” shei e.

MENVIH KESHO 119:68

Nüngü meiangke hatü mei dükshih, nüngei shahkungthü ngei kü nyuhshih.

MENVIH KESHO 18:26

daüshi nyupüthü touei nüngi daülangi hunyeih. shejao laülüki nenyupüthü touei nüngi kon kohshi düknyüke.