MIKA 2:4 - DAÜLANGPÜ LAIHING (BSI)

⁴ Hapa nyih shennyakthüi am kü naamei, mongkü yabenüng kesho lokphahen, hatü shahyaki mongkü tüngei thepei ehen, “Ham chemjalak kü bentükteke, ngelei nanglakthülei mophimo hantükteke, büpai ngei leipü yahlangteke, hamei kahthü vepathü kü hantükteke.”

MIKA 2:4 Referans Kwoze

HABAKKUK 2:6

Henüng keipü shennyakthü khüei peüi ne-ienelemi, vüshih-ei hapakei eela-ei ne-ehen je? “Gühdoui shem maei nyupüthü amphong Onyükei!” Meshükpa am aetpüshepü doui shemmei leiyei nyuaokhenang?

MIKA 1:15

Mareshah kü nyupü nanglakthü, ngei amphong neütükhen wong kohpü vepa hükei lak kü shuohtükhen, Israel mübüthü Adullamei heih-ei yaongshalei johen.

JEREMIAH 9:10

Ngei kahshangthü nangkü thephen; mehenangkü üpaiyao nelongteihen mü lavüngtoiyei nyüke; halei mohoh vaüpü nedannyu; Ouhiyüh hatü yemhimak peü lüdaikemneshiü.

ISAIAH 24:3

Hapa kahdokü chemjalak kü lavüngtoiyei meheyao neshiüi tuhphonghen shei Shembüpai hapa shah eteke.

ISAIAH 6:11

Hahepak kü ngei, “Oh Shembüpa, nyih meshük lushi hapakei tuhhen?” shei phe. Büpai ngei kü, “Chingnyüthü kü, hatü shemthü kü nyuhen shennyak neshiüi, hatü kahdok chemjalak kü lavüngtoiyei manglei thahshi;

SHAHKÜP 28:29

Mükphüngpa kei amphong heshotapa kao bomei longteihen. Amphongi dükpü lemphü kü aokpü nedanghen. Üpayao neshiüi nyihjeih amphong hanghihühen hatü gühlanghen.

BHEI-IE 23:7

Hahepak kü Balaami hapa tetpüvanpü shah eteke: “Balaki Aram leipü ngei nyük, Moab ongi heong kahshangthü leipü ngei müei leiteke. Peikütuh, ngei leimao Israel am kü thaüvaütükkütuh shei ephüteke.

MARK 12:12

Mechem jomi hapa shahlapü jomphong khüei epü khih shei nyingpa, jomi büpa yephüei deih, shejao jomi khongkü nyem. Hanangkü jomi büpa tuhphongtü lüdai.

ZEPHANIAH 1:2

Shembüpai enyüke, kahdok shak kü nyupü lemphüli ngei chemjalak kü maoei yaktükhen.

MIKA 2:10

Paotuh hatü daituh; mehenangkü hapayü nüng nyiumeishing nevai; Mehenangkü meihen neaoki ammei mangi sheihtük, hatü tentükteke.

AMOS 5:17

Nyalingngupai kah peülei theppü hatü youngpü nyuhen. Mehenangkü ngei am khong homei daihen shei Shembüpai enyüke.

AMOS 5:1

Oh Israel nanglakthü, hapa shah bangtuh, ngei am kü mangh kesho hük lokphanüng:

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JOEL 1:8

Yiük phepü nethe didaijü nela-i dhoila ashak ümtü theppü keiha, amphong thepeiyoungtuh.

EZEKIEL 16:44

Veituh, ammei nang eshingkü mih peüi, “Nyü kei-üng yiükhaao shüke” shei hapa kandok shah ehen.

EZEKIEL 2:10

Hapa laki laidü laiteke hatü hapa lai phinyiphen kü theppü youngpü hatü onyükei shahthü nyangei ngei eeteke.

JEREMIAH 14:18

Ngei kahlei shajajao yani mahpüthü mon eenyüke. Ngei chingnyülei shüjajao münghishaü homei dipüthü mon eenyüke. Thibü hatü ngongpathü peü jomi nenyingpü kahdokei shüei lüdainyüke.

JEREMIAH 4:13

Veituh! Büpa phum kei peikünyüke, büpalei koyei khari alüngleple kei; büpalei koyeithü alang mao shülangpüba peikünyüke– onyükei, jenü mahdainyu khih!

ISAIAH 14:4

ammi Babylon ongpa khüei hapa naamshah ehen: Mekei mih kü shüveipü shennyak dodaipa! mekei mih kü naampü shennyak dodaipa!

JOB SHAHSHA APPÜ 27:1

Jobi nedoh-i eteke:

2 SHÜPPÜKENGPÜ 35:25

Jeremiah-i Josiah kü mahng kesho hük ling hatü shaang thahshi nyüha baha kesho lokpüthüi jomei mahng kesho kü Josiah deih-ei loknyeih. Hapayü Israel kü bü vanglem hük leipeih hatü hapayü Mahng Kesho kü nyangei nyüpeih.

2 SAMUEL 1:17

Davidi Saul hatü cheha Jonathan nyi kü hapa yim kesho lok,

BHEI-IE 24:15

Hahepak kü Balaami hapa tetpüvanpü shah eteke: “Hapayü Beorlei cheha Balaami tetpüvanpü shah, Hapayü lekei eeaokpü shennyakei tetpüvanpü shah,

BHEI-IE 24:3

hatü büpai tetpüvanpü shah eteke: “Hapayü Beorlei cheha Balaami tetpüvanpü shah; hapayü lekei eeaokpü shennyakei tetpüvanpü shah;

BHEI-IE 23:18

Hahepak kü Balaami hapa tetpüvanpü shah eteke: “Heihkei Balak, Zipporlei cheha; Ngei mehe ekahen bangtuh:

JEREMIAH 6:12

Jomei shemthü, kah hatü nyühathü peü mih-ei vaidaihen; Mehenangkü hapa kahdokei nyupüthü khüei ngelei lak haonghen shei Shembüpai enyüke.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

MIKA 1:8

Hanangkü ngei thephen hatü younghen; ngei labha-i hatü bümkong kamhen. Ngei mahu-i kei mahng thephen, hatü Ostrikh ou kei youngei nanghen.

JEREMIAH 9:16

Jom nevaijü chebü chepai nenyingpü jatthü touei ngei jom haitükhen; jom mangmah thahshi ngei jom pheikü yan shomhen.