MIKA 1:7 - DAÜLANGPÜ LAIHING (BSI)

⁷ Pinnyülei pü lajeithü khih mü nihtükhen; hatü phopshemei büm yupüthü kü shuohpü lakleithü peü awi shamtükhen, hatü halei nyupü pü lajeithü peü ngei mahtükhen. Mehenangkü Samaria ami büm yuei hathü dangpü vütei-i büm yupü am kü-üng shuoh-ei kemtükhen.

MIKA 1:7 Referans Kwoze

SHAHKÜP 23:18

hatü hapakei büm yuei latpü lop Shembüpa, ammei Kahvangei shemei lahpü jiühühen shingvaishi koei nepeihen; mehenangkü Shembüpai henüng kü jiühitnyeih.

HOSEA 2:12

“Ngelei maithüi yahphopeih shei pinnyüi epü nyalingngupai kah, hatü adhapüthü peü ngei mahtükhen, hatü ha phaükong leitükhen, hatü phaüyemthüi hahtükhen.

SHAKEI VAMPÜ 18:3

Mehenangkü jatthü peü pinnyülei mükbongjuyungpü mongshih yiüi chokkemteke; hatü kahdoknyü ongthüi pinnyü mü mükbongjuyungteke, hatü kahdoknyü kü bhei leihpüthüi pinnyüi dameihupü mopi shemmei leiteke.”

HOSEA 8:6

Hathüyü Israel leipü nyüke! Lajei lingbüi lingteke; hayü Kahvang nevai. Samaria amei mohoh lajeiyü khih mü nihtükhen.

SHAKEI VAMPÜ 18:9

Pinnyü mü mükbongjuyung dükei pinnyü mü nyiushemmei kü nyupü kahdoknyü ongpathüi pinnyü kü aw bahpü awshit eeyei pinnyü kü mahng thephen hatü younghen.

JOEL 3:3

Jomi ngelei nanglakthü yahhen phongyomteke, hatü bahanaüthü büm yuhen nangkü yutük. Jomi yiü yinghen tata kü nyühanaüthü yutükteke.

HOSEA 2:5

Mehenangkü pinnyüi mükbongjuyung dükteke; pinnyüi neveü gühshe shatü jom büh-ei paümteke. Pinnyüi, “Ngei kü nük, yung, phümphah ashak hatü nyemin ashak, olive mainga, hatü yiü shuohpü maithü touei daihen” shei eteke.

ISAIAH 27:9

Hanangkü Jakobei mang tüktükhen, hatü hapayü jomei mang kemei tüktükpü betjük vaihen. Mechem yaongdhon khih mü ngümpü keiha büpai moidü yaongthü peü linghenshang, nyüha kahvang Asherahlei lajeithü, nevaijü hapalei moidüthü hükao yaongshi nechongkahen.

2 SHÜPPÜKENGPÜ 31:1

Mechem moei kempa, halei thaipü Israel am kemei Judah jilathülei yanei daiyei daülangpü yaong shemnyüthü hatü Asherah nyüha kahvangei lajeithü mangtük. Jomi Judah, Benjamin hatü Ephraim hi Manasseh kü nyupü vaümchong hatü moidü peü bentük. Jomi hathü peü mangtükpheikü Israel ami laophü laophülei ching hatü kahphei shemshing yemei leidaikem.

SHAHKÜP 9:21

Ngei ammei mang dou mohoh chehayao yah-ei aw kü jaktük. Hapheikü ngei ha khih mü mangei bhihla kei ngümtük hatü ha yah-ei daiyei kahshang leipü yenei shapü yungyenei yaktük.

LEVI 26:30

Ngei ammei khümshingthü mangtükhen, ammi ayingshü jakteipü moidüthü bentükhen, hatü ammei mahng doei nyupü lajeithü shangkü shükphonghen. Ngei am yakphonghen.

1 SAMUEL 5:4

Shejao mechem jomi nepphei paoei veipa, hapa Dagonü kahdokei dhe shüshi Shembüpalei Vangpüshuwpü Pela touei doei chongjateke, hatü Dagonei shangjing hatü lak nyiphen bhagei shaden tüngei shükshi chongjateke; Dagonei büm mon haüshi nyu.

ISAIAH 2:18

Lajeithü chemjalak kü mahdaihen.

ISAIAH 23:17

Bong pejempüan pheikü Shembüpai Tyre thümhen, hatü pinnyüi shao kahdok shak kübü ongchingthü peü mü bhei leihhen.

EZEKIEL 6:6

Melei am nyuhenshang, hapa shingü lavüngtoiyei tuhphonghen, hatü lajeithü bentükhen, shejüang ammei moidüthü bendaitü vüngmaki leidaihen, ammei lajeithü nihtü yaktükhen, ammei ayingshü jakpü moidü peü bentükhen hatü ammei lakdou kemei thitei yaktükhen.

HOSEA 2:14

Hanangkü shaang ngei pinnyü yawh-ei yingmongei yah-ei daihen, hatü pinnyü kü bampai shah ehen.

HOSEA 8:5

Oh Samaria am, ammei mohoh lajei yaktüktuh! Hathü khüei ngei mongshihnyeih. Jom mang neshiüi nyuhen mechemang vamkahenang?