MIKA 1:6 - DAÜLANGPÜ LAIHING (BSI)

⁶ Hanangkü ngei Samariayü nyüp yakshing hük, nyalingngupai sheihen shing hük leihühen. Ngei haleipü yaongthü paangei kahjilei shantükhen, hatü pinnyülei chongnyiam shing kong leitükhen.

MIKA 1:6 Referans Kwoze

EZEKIEL 13:14

Ammi dhon nyiotükpü bhamü kahdok kü jeetshi benei haütükhen; hapa bham chongnyiam shing kong leitükhen, hatü mechem hapa laamhen, amao hapa mongei mahhen. Shejüang ami ngeiyü Shembüpa Kahvang shei nyinghen.

MIKA 3:12

Mehenangkü am tata kü Zionü kah kü han hokpükei hokei yaktükhen, Jerusalemü nyüp yakshing leitükhen, phopshemü pheni luplanghen.

YOUNG LAI 4:1

Mekei daülangpü hon dheshihlaümang leidaipa! Phopshem yaongthü mekei chingshongei haidaipa!

2 ONGPATHÜ 19:25

Nüngi ha nedanangpü je? ngei ha tempheikü hepak longi daiteke, penyü showtükpü chingnyüthü nyüp yakshing leitükhen shei ngei aivang den mebü küpjan tempeih, hatü ha shaang dhaümnyu khih.

MATHI 24:2

Hahepak kü büpai jomphong kü, “Amphongi hathü peü eenyüla? Hingmei ngei am kü enyeih, yaong hükao hük shangkü haüshi nenyuhen; peü noei shüktükkemhen” shei e.

HABAKKUK 3:13

Nüngi laophülei nanglakthü yanghen, nüngi thiteiphuei yanghen pei. Nüngi nemeipü amei mübü ngümtük, hatü büpa phei müpüthü peü jütük.

AMOS 5:11

Ammi taopathü kü la-i shoupnyüke, hatü jomei hah yahlangnyüke. Hanangkü ammi yaongshem velangmao, ha kü nenyuhen; ammi nyalingngupai longi sheiteke, shejao haleipü yiü ammi neyinghen.

HOSEA 13:16

Samaria ami jomei mang kohen; Mehenangkü jomi Kahvang khüteke; jom yani mahkemhen, jomei hapeüthü khih mü shaaktükhen, hatü büm nekongpü nyühathülei vom shaaktükhen.

JEREMIAH 51:37

Babylonü benpülangpü nyüp yakshing leitükhen, shahhishuwlei jep leitükhen, Üpaiyao nenyupü nyembenüng, hatü eelanyongnya shing leitükhen.

JEREMIAH 51:25

“Ngei nüng khüei nyüpeih, Oh kahdoknyü kemei mangteipü kahshang” shei Shembüpai enyüke. “Ngei nüng khüei ngelei lak haonghen, ammei kahshangthü kahji mü hükkei düei shantükhen, hatü am awmi leitükhen.

JEREMIAH 9:11

Ngei Jerusalemü benei shüngpü dou leitükhen, mahuthü nyuishing leitükhen, hatü Judah jilathü shennyak neshiüi lavüngtoiyei leitükhen.

ISAIAH 25:12

Büpai Moab amei chingnyü bham bentükhen, hatü büpai hathü benei kübhih kü kahdokei yaütükhen.

ISAIAH 25:2

Mehenangkü nüngi chingnyüao nyüp yakshing leitük, penyü showtükpü chingnyüao bentük; Kung amei chingnyü-ü ching neshiüi leitük, hapa sheyü nelingaokhen.

2 SAMUEL 17:13

Büpa chingnyü mongei shüdaijema, Israel am kemei vü thaiyei shentü hapa chingnyü kahjilei shüei shanhen hatü yaongphaang hükao kahshangei aoei netuhphongpih” shei e.

ISAIAH 17:1

Damaska am nangkü epü shah: “Veituh, Damaskayü hajük kü chingnyü nevaikahen, shejao nyüp shükshing vaihen.

JEREMIAH 31:5

Shao ammi Samaria kahshang kü nyalingngupai sheihen; Kahling ami hathü sheiyei hapalei betjük kü mongonghen.

2 ONGPATHÜ 18:9

Hezekiah ongpai vanglem lempü bong alipabü kü, hatü Israel am Elahlei cheha Hoshea ongpai vanglem lempü bong nyetpabü kü Assyria am Shalmaneser ongpai Samaria hahnüng aongei shüm,

2 ONGPATHÜ 18:10

hatü bong jempabü dohpü philei Assyria ami omei yahlang. Hanangkü Samariayü Hezekiah-i vanglem lempü bong vokpabü kü, hatü Israel kü Hoshea-i vanglem lempü bong shüpabü kü hahtükteke.

AMOS 6:8

Jeiyong Shembüpai büpa nyingi vangeishuwteke Jeiyong Shembüpai enyüke: “Ngei Jakob changmeipü nelümnyih, hatü jomei penyüsha kü jiühitnyeih. Ngei hapa chingnyü hatü halei nyupü lemphü vepa kü shuohtükhen.”