MIKA 1:5 - DAÜLANGPÜ LAIHING (BSI)

⁵ Hathü kemei Jakobi mang thahpü nangkü, hatü Israel ami mang dükpü nangkü ha vamkahen. Jakobi mang thahpü kü üpa nyonghühen? Hapayü Samaria am nevaipü je? Judah am lajei kü khümpü kü üpa nyonghühen? Hapayü Jerusalem nevaipü je?

MIKA 1:5 Referans Kwoze

AMOS 8:14

Üami Samaria amei lajei kü, hatü Dan amei kahvang kü, nevaijü Beer-sheba amei kahvang men kü shei vangeishuwnya, jom dohen, hatü haleipü hajük kü nepao-aokhen.”

JEREMIAH 2:19

Ammei mangi am kü hanghi shuohhen, hatü am ngaümpheilei shinei leidaipai am nyonghühen. Shembüpa, ammei Kahvang yakphongpeyü mang, hatü shahyaki nyukahen shei nyingtuh; Ngei kü nyempü ammei mongkü neshiü shei Jeiyong Shembüpa Kahvangi enyüke.

YOUNG LAI 5:16

Hamei shangjing leipü hon athen vüdai, Onyükei, hami mang thahteke.

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

JEREMIAH 4:18

Ammei nyuhichong hatü ammei dükhiling homei ha koei leihahpü khih. Hayü ammei shanghah; hapayü shahyaki! Hapai ammei mongdang kü hümnyüke.

JEREMIAH 2:17

Büpai nüng müyaki nüngi Shembüpa, nüngei Kahvang yakphongpü nangkü laophü nyingi koei leihahpü nevaipü je?

1 ONGPATHÜ 13:32

Mehenangkü Bethel leipü moidüthü hatü Samaria jilathü kübü shangtaothü leipü khümshingthü khüei Shembüpalei shah büpai epeyü hingmei vamkahen” shei e.

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

HOSEA 7:1

Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;

JEREMIAH 5:25

Ammei mangi hathü keütükpeih, hatü ammei mangi meipü nedangi leitükpeih.

2 SHÜPPÜKENGPÜ 34:3

Büpa vanglem lempü bong shetpabü maanpü hashih hük nyushi büpai chebü Davidei Kahvang yemhen chongpang. Bong anpünyipabü kü büpai Judah hatü Jerusalem kübü vaümchongthü, Asherah nyüha kahvangei lajeithü hatü lebü lajeithü peü mangei yaktükhen chongpang.

2 SHÜPPÜKENGPÜ 34:4

Büpai epü aimü Baal kahvangei moidü kemei bentük; büpai hathü kü jakpü ayingshü moidü kemei bentük, hatü Asherah nyüha kahvangei lajei hatü lebü lajeithü peü nihtük. Büpai hathü kemei nihtü hathü kü moila shuohteipüthülei mahngchongei haitük.

ISAIAH 7:9

Israel amü jomei chingnyü Samaria mü wong kohpü nevai, hatü Samariayü Pekah ongpa mü wong kohpüba nevai. Nüngi hinglempü kü wong nekohjema, nüng shenei nenyuaokpih.”

AMOS 7:9

Isakei hühihathü khümshing mangtükhen, hatü Israel amei daülangpü shingthü bentükhen; Ngei yanlu yah-ei Jeroboam ongpalei ongching khüei yaonghen.”

MIKA 1:13

Üam Lakhishlei nyu, vehok koyeithü kü ve-ow temtü deishihtuh. Zion yiükhathü kü mang panghüpeyü amphong nyuhampeih; mehenangkü Israel amei mangthüyü am kübü vampeih.

1 ONGPATHÜ 11:7

Jerusalem heongphi kahshangei Solomoni jiühitnalaipü Moab amei Kemosh kahvang, hatü Ammon amei Molekh kahvang kü khümhen khümshing veteke.

1 ONGPATHÜ 16:24

Büpai Shemer leipü ngin haja vok shuohtü Samaria kahshang shakteke. Omri-i hapa kahshang kü chingnyü ling, hatü büpai hapa kahshang kü Samaria shei shongpü hapa kahshangei shembüpalei men menteke.

JEREMIAH 23:13

Samaria am thibüthü khongkü ngei hapa jiühitbenüng dou eepeih: Jomi Baal kahvangei men kü teteivannyüke, hatü ngelei nanglak Israel am lemnyongei münyüke.

JEREMIAH 23:14

Shejao Jerusalem am thibüthü khongkü nyeinya nemeipü dou ngei eepeih. Jomi mükbongjuyung düknyüke, hatü shahshem kü kamnyüke; Jomi douten dükpüthülei lak wong kohhünyüke; hapai üpayao mang kübü nyokei neleinyu. Ngei touei jom peü Sodom am keiha, hatü Jerusalemü Gomorrah kei nyüke.

EZEKIEL 16:46

Anya bahhenyü-ü Samaria am pinnyülei yiükhathü mü am mü apshaphi lemei nyuhampeih, hatü anaü-ü Sodom am pinnyülei yiükhathü mü am mü pehephi lemei nyuhampeih.