MIKA 1:2 - DAÜLANGPÜ LAIHING (BSI)

² Bangtuh, Oh jatli nanglakthü peü, Bangtuh, Oh am kahdok shak kü nyupüthü peü, Jeiyong Shembüpai am khüei denpü shuohhen, Shembüpai büpalei daülangpü moila shem kübü enyüke.

MIKA 1:2 Referans Kwoze

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.

MENVIH KESHO 11:4

Shembüpayü büpalei daülangpü phopshemei nyüke; Shembüpalei ong uoshing vangsholei nyüke. Büpalei müki hangku kü veinyeih, büpalei müki jom doknyeih.

SHAKEI VAMPÜ 3:22

Üpa kü banghen dhaong nyu, Laanghai attoithü kü mehe enya bangtuh.”

SHAKEI VAMPÜ 3:13

Üpa kü banghen dhaong nyu, Laanghai attoithü kü mehe enya bangtuh.

SHAKEI VAMPÜ 2:7

Üpa kü danhen dhaong nyu, Laanghai attoithü kü mehe enya ha bangtuh. Vehok neüpü peü kü Kahvangei Paradise leipü yangnyuyem pü kübü hahhen ngei shuohhen.”

MALAKI 3:5

Hanangkü shahphenhen shingvaishi ngei am yopailei peikahen. Phongyompüthü, mükbongjuyungpüthü, shahshem denbüthü, nang shapü kü nanglat shuohhen kü doiteipüthü, vaümnyü hatü hashihha kü, hatü kung shennyak kü depünaampüthü khüei ngei lomi denpü shuohhen, shejao am payü ngei kü tenyem shei Shembüpa Kahvangi enyüke.

HABAKKUK 2:20

Shejao Shembüpayü laophülei daülangpü khümshemei nyüke; kahdoknyü peüi büpa touei nenmü nyutuh!

JONAH 2:7

Mechem ngelei yangnyu lemnyong kü daipa, ngei Shembüpa deih-ei dang, hatü ngei nüng kü phoppü nüngei phopshemei pei.

JEREMIAH 22:29

Oh kahdok, kahdok, kahdok, Shembüpalei shah bangtuh!

MENVIH KESHO 50:7

Bangtuh, Oh ngelei nanglak, hatü ngei ephanüng, Oh Israel, ngei nüng khüei denpü shuohhen. Ngeiyü Kahvang, ammei Kahvang.

SHAKEI VAMPÜ 3:6

Üpa kü banghen dhaong nyu, Laanghai attoithü kü mehe enya bangtuh.”

SHAKEI VAMPÜ 2:29

Üpa kü banghen dhaong nyu, Laanghai attoithü kü mehe enya bangtuh.

SHAKEI VAMPÜ 2:17

Üpa kü banghen dhaong nyu, Laanghai attoithü kü mehe enya, ha bangtuh. Üami vehok neünya, ngei jom kü joshi nyupü manna shuohhen, hatü ngei yaong shola hük hapa kü yahbüi nyingpü mü lenei üpaiyao nenyinghen mü men ja hük nyangtü shuohhen.

SHAKEI VAMPÜ 2:11

Üpa kü danhen dhaong nyu, Laanghai attoithü kü mehe enya ha bangtuh. üami vehok neünya, nyipabü dipai jom kü nehongpih.

MALAKI 2:14

“Büpai mehekei neyahnya?” shei ammi phenyüke. Mehenangkü am nethe hepak ammei nyüha mü lahtükpü mangtük. Pinnyü ammei nyüha nyuteke, hatü ammi pinnyü mü jiüshangi nyuhen shei Kahvang toumü lahtükpü shaitükteke.

JEREMIAH 29:23

Mehenangkü jomi Israel kü nyembenüng mang dükteke; chingyowpalei nyüha mü mükbongjuyung dükteke, hatü ngei neshomshomi ngelei men kü shahshem eteke. Ngei ha nyingnyeih hatü ngei ha kü denpü shuohnyeih shei Shembüpai enyüke.”

JEREMIAH 6:19

Bangtuh, Oh kahdoknyü; Veituh, ngei hapa nanglak kü shanghah koei peihen, hayü jomi linghahpü kü vampü betjük; mehenangkü jomi ngelei shah kü nehaka, hatü ngei nyuhpüvenpü kü nenyakneken, jomi ha yaktükteke.

MENVIH KESHO 50:12

Ngei paoh aeiyei nyujao nüng kü ha ne-ehen, kahdoknyü hatü halei nyupüthü peü ngelei.

MENVIH KESHO 50:1

Vanghe aongpü kübü shüpü thahshi, Jeiyong Kahvang, Shembüpai enyüke, hatü nyüknyüke.

MENVIH KESHO 28:2

Ngei nüng kü sheühpü yüei lenpü ngeü danlangshih. Longi Daülangpü Shing philei ngelei lak haongnyüpeih.

MENVIH KESHO 24:1

Kahdok hatü halei nyupü lemphü Shembüpalei; kahdoknyü hatü halei nyupüthü peü;

SHAHKÜP 32:1

Bangtuh, Oh vangshothü hatü ngei ephüshah; Bangtuh, Oh kahdok, ngelei ju kübü shahthü kü.

SHAHPHENBÜTHÜ 11:10

Gilead am mübüthüi jangei, “Shembüpayü jen aa kü denbü nyukahen, hatü nüngi epükei hamphongi dükhen” shei e.

1 ONGPATHÜ 22:28

Mikaiah-i jangei, “Nüng yemmü nyokei leiküjema Shembüpai ngei kü ne-epü nyemvai” shei e. Hatü büpai shao, “Ngei mehe e, ha kü am peüi bangtuh!” shei e.

2 SHÜPPÜKENGPÜ 18:27

Mikaiah-i, “Nüng hingmei yemmü leiküjema Shembüpai ngei homei ne-epü vaihen” shei e. Hapheikü büpai shao, “Ngelei shah bangtuh, am nanglakthü peü!” shei e.

ISAIAH 18:3

Kahdoknyülei nyupü am hangkuli peü, mechem kahshangei khüamlung hük haongkahen, veituh! Mechem amit vüngkahen, bangtuh!

ISAIAH 50:7

Shembüpa Kahvangi ngei kü sheühnyeih, hanangkü ngei veü nepong. Hanangkü ngei ngelei dhe yaonglang kei leitükpeih, hatü ngei veü neponghühen shei nyingnyüpeih.

JEREMIAH 42:5

Hahepak kü jomphongi Jeremiah kü, “Shembüpa, nüngei Kahvangi nüng homei ham kü shompü shah aimü hami nedükjema, ham khüei Shembüpayü shahhing hatü hingshangpü denbü vaikahen.

KANDOK 8:4

Oh nanglakthü, ngei amphong kü nyüknyüpeih, ngei hangkuli peü kü lennyüpeih.

JONAH 2:8

Üami angsha lajeithü khümnya, jomi nüng kü vaipü yaktükteke.