MIKA 1:14 - DAÜLANGPÜ LAIHING (BSI)

¹⁴ Hanangkü am Judah nanglakthü, Moresheth, hatü Gath kü nyupü shennyakthü kü nyue shei etuh; Israel ongthü shingvaishi Akhzib jila kü nyupüthüiyü lawlüppü am shei nyinghen.

MIKA 1:14 Referans Kwoze

JOSHUA 15:44

Keilah, Akhzib hatü Mareshah: jila kukshü mü chingthü omei nyuteke.

2 ONGPATHÜ 16:8

Ahaz-i Shembüpalei shem hatü ongshemei nyupü hon hi ngin yah-ei Assyria ongpa kü thintho hük vaishi shom.

JEREMIAH 15:18

Mehekei ngei kü tüngpü nedohdainya, hatü ngelei ma nemeidainya? Nüngi ngei keyü yung jepdaipü shoha kei lueilemhen je?

ISAIAH 30:6

Negeb leipü yemhimakthü nangkü epü shah: Shangpong yakyingpü kahdok homei, mailang chebi chebaongthü, biünyü biütamthü homei jom kü nanglei neshuohhen nanglakthü touei, jomi gadu kü jomei mophimothü, hatü ut kü jomei hon hi nginthü shetnyüke.

MENVIH KESHO 62:9

Maanpü shennyakthüyü ngü kei mon, longpüthüyü shahshem mon; dok kü dokjü jom peü kong; jom peü ngü kei mon nyüke.

2 SAMUEL 8:2

Büpai Moab amao neütük, hatü yeppüthü kemei kahdokei lemhütü büpai vü yanghük yah-ei jomphong kü shetteke. Büpai jütükhenthü kü vüyang nyipa shet, hatü yangei tuhhenthü kü vüyang hüki chem mon shet. Hanangkü Moab am David phangkü nyu, hatü jomi büpa kü bom ühhamteke.