MIKA 1:13 - DAÜLANGPÜ LAIHING (BSI)

¹³ Üam Lakhishlei nyu, vehok koyeithü kü ve-ow temtü deishihtuh. Zion yiükhathü kü mang panghüpeyü amphong nyuhampeih; mehenangkü Israel amei mangthüyü am kübü vampeih.

MIKA 1:13 Referans Kwoze

2 ONGPATHÜ 18:17

Assyria ongpai Tartan, Rabsaris, hatü Rabshakeh hathüi mütü veshan longi Lakhish leipü Jerusalemei Hezekiah ongpa touei shom. Jomi Jerusalemei peiyei Dokpa Yungkuk leipü yunghow touei ashak dhopüthülei lemei yaong.

2 SHÜPPÜKENGPÜ 32:9

Hapheikü mechem Assyria am Sennakerib ongpa büpalei veshanthü mü Lakhishlei nyupa, büpai laophülei chongphobüthü Jerusalemei Judah am Hezekiah ongpa hatü Judah nanglakthü peü touei shomei hapakei e,

JOSHUA 10:3

Hanangkü Jerusalem ongpa Adoni-zedeki Hebron am Hoham ongpa, Jarmuth am Piram ongpa, Lakhish ong Japhia, hatü Eglon ong Debir kü shah shomei,

SHAKEI VAMPÜ 2:20

Shejao ngei am khüei ha nyüpeih: Ammi hapa nyüha Jezebel, üpa pinnyü nyingi thibüla shei etü ngelei chongphobüthü kü mükbongjuyunghen hatü lajeithü kü moila shuohtükpü hahying hahhen nyuh-ei lemnyong kü mülang, ammi pinnyü hei-üng veishi tuhnyüke.

SHAKEI VAMPÜ 2:14

Shejao ngei am khüei dou hanei nyüpeih: Israel ami lajeithü kü moilapü hahying hah-ei moila shuohhühen hatü iyjeiphaileihühen shingvaishi Balak kü Balaami nyuhshuohpü nyuhpüvenpü kü shoungshi am hanei nyüke.

MIKA 1:5

Hathü kemei Jakobi mang thahpü nangkü, hatü Israel ami mang dükpü nangkü ha vamkahen. Jakobi mang thahpü kü üpa nyonghühen? Hapayü Samaria am nevaipü je? Judah am lajei kü khümpü kü üpa nyonghühen? Hapayü Jerusalem nevaipü je?

EZEKIEL 23:11

Chenaü Oholibah-i ha eeteke, shejao pinnyü-üng nemeipüba lei, hatü Oholah mao nyeinya büm yupü am leipeih.

JEREMIAH 4:29

Koyei veshan hatü phung nopüthülei ngeü kü jilathü kemei nyaidainyüke; jom phaüyingei shüdaikemnyüke, yaongnyü kü bakei aongnyüke; jilathü kemei tuhphongteke, üpayao halei nenyu.

JEREMIAH 3:8

Ngei hingnelempü Israel kü yanhen lai shuohpeih, hatü pinnyüi mükbungjuyung dükpü nangkü yanei leishihpeih. Shejao ha eetü hingnelempü chenaü Judah-i nyemei nedeih; pinnyüao daiyei mükbungjuyung dükteke.

ISAIAH 37:8

Lakhish leipü Assyria ongpa leidaiteke shei danei veshan mübü leijajü ongpayü Libnah am mü hokei nyuteke.

ISAIAH 10:31

Madmenah am nyaidaiteke; Gebim am yanglem yemei mokdaikemnyüke.

2 SHÜPPÜKENGPÜ 11:9

Adoraim, Lakhish, Azekah,

2 ONGPATHÜ 8:18

Büpai Ahab am shemi dükpükei Israel ongthülei lem kü kam; mehenangkü büpai Ahabei yiükha yah. Büpai Shembüpa touei mang dou dükteke.

1 ONGPATHÜ 16:31

Büpai Nebatei cheha Jeroboamei lemthü kü kampü mongnehami büpai Sidon ongpa Ethbaalei yiükha Jezebel mü shem yem, hatü Baal kahvang chongphoei khüm.

1 ONGPATHÜ 14:16

Jeroboami thahpü büpalei mang hatü Israel am kao hapa mang thahhüpü nangkü Shembüpai Israel am yakphonghen shei e.

JOSHUA 15:39

Lakhish, Bozkath, Eglon,

MÜLANGPÜ 32:21

Mosai Aaron kü, “Nüngi hathü nanglakthü hajükjük longpü mang thahhen mü jomi nüng kü mehe lingphopa?” shei e.

KAHBHAO 19:17

Mechem jijinyi-i hathü ching haolei müei deipa, jijinyi-i, “Yanglem yemei nyaidaituh, ngaümpheilei yaakei tevei nevaijü kahjilei metoueiyao teyaong; kahshang lemei aongdaituh, hei nevaijema amao mahhen” shei e.

1 ONGPATHÜ 4:28

Jomphongi epü shing ngoiyei barley hah hatü hahtang, koyei khari, koyeithü hatü lebü koyeithü shingvaishi shuoh.

2 ONGPATHÜ 14:19

Jerusalemei Amaziah jühen shei phaüshah show, hanangkü büpa Lakhishlei paüdai, shejao jomi vepa shomei büpa halei jütük.

ISAIAH 36:2

Assyria ongpai Lakhish leipü Jerusalemei nyupü Hezekiah ongpa touei veshan mübü hük veshan khong longi mütü shom. Büpai ashak dhopüthülei kahlei shapü lemei Dokpa Yungkuk touei yaong,

JOB SHAHSHA APPÜ 39:10

Nüngi büpa kü vü hüki shentü kah haokhüaokhen je? Kah haokei mükahen je?

JEREMIAH 34:7

Hahepak kü Babylon ongpalei veshanthü Jerusalem khüei hatü lebü Judah jilathü mü Lakhish hatü Azekah nyiyao omshi hah-ei nyuteke; Judah kü penyü showtükpü chingnyüthü mon aoei nyuteke.