MIKA 1:1 - DAÜLANGPÜ LAIHING (BSI)

¹ Judah amei ongthü Jotham, Ahaz, Hezekiah, hathüi vanglem lempü denshem kü Samaria hatü Jerusalem nangkü Moresheth am Mikah touei shakei vampü Shembüpalei shah büpai eepü manghkhang.

MIKA 1:1 Referans Kwoze

JEREMIAH 26:18

Judah am Hezekiah ongpalei nyih kü Moresheth am Mikah-i teteivanei epeih. Büpai, Jeiyong Shembüpai hapakei enyüke” shei nanglakthü kü epeih; Zionü kah kü han hokpükei hoktükhen, Jerusalemü nyüp yakshing leitükhen, hatü phopshem shangü phaüying leidaihen.

ISAIAH 1:1

Judah kü Uzziah, Jotham, Ahaz hatü Hezekiah hathüi ong vaipü hepak kü Amozlei cheha Isaiah-i Judah hatü Jerusalem nangkü eepü manghkhang.

HOSEA 1:1

Judah amei ongthü, Uzziah, Jotham, Ahaz, hatü Hezekiah hepak kü, hatü Joashlei cheha Jeroboami Israel kü ong vaipü nyih kü Beerilei cheha Hosea touei Shembüpalei shah peiteke:

AMOS 1:1

Hapayü Judah kü Uzziah ongpa hatü Israel kü Joashlei cheha, Jeroboam ong vaipü hepak kü pedi vükhen bong nyi shekü Israel am nangkü Tekoa am miyombü Amos-i eepü manghkhang nyüke.

MIKA 1:5

Hathü kemei Jakobi mang thahpü nangkü, hatü Israel ami mang dükpü nangkü ha vamkahen. Jakobi mang thahpü kü üpa nyonghühen? Hapayü Samaria am nevaipü je? Judah am lajei kü khümpü kü üpa nyonghühen? Hapayü Jerusalem nevaipü je?

AMOS 6:1

Zionlei mong hüshemei nyupüthü, hatü Samaria kahshang kü mong nyaangpüthü, jatthü khongkü shongpü hamhiman vamshing, üam touei Israel nanglakthüi sheühpü yemei peinya, Onyükei!

HOSEA 8:14

Israel ami jom Lingbü betüktü ongshemthü veteke; hatü Judah ami jilathü kü pe showteke; Shejao ngei jomei chingnyüthü kü aw shomhen, hatü jomei penyüsha hahtükhen.

HOSEA 4:15

Oh Israel, nüngi mükbongjuyung düklangmao, Judah amao pungpü teleihü. “Amphong Gilgalei nevaijü Beth-Avenlei aongei tekhüm, nevaijü vanyangyem Shembüpa men kü tevangteshuw.”

ISAIAH 7:9

Israel amü jomei chingnyü Samaria mü wong kohpü nevai, hatü Samariayü Pekah ongpa mü wong kohpüba nevai. Nüngi hinglempü kü wong nekohjema, nüng shenei nenyuaokpih.”

HABAKKUK 1:1

Hapayü Habakkuk thibü touei SHEMBÜPAleipü peipü shahjang:

2 PETER 1:21

Mehenangkü thihivam shah-ü shennyaki mongpü kübü nevam, shejao Laangha Daülangpai jom müpai shennyakthüi Kahvang leipü yah-ei epeih.

2 ONGPATHÜ 15:5

Shembüpai ongpa kü dipü nyih thahshi ngomdin bahhü; hanangkü büpayü hayaoha khaatei lebü shem kü nyu. Ongpalei cheha Jothami ongshem kü veiyei nanglakthü kü vanglem lem.

2 ONGPATHÜ 15:32

Israel kü Remaliahlei cheha Pekah-i ong vaipü bong nyipabü kü Uzziahlei cheha Jothami Judah kü ong vaiteke.

2 ONGPATHÜ 16:1

Remaliahlei cheha Pekah Israel kü ong vaipü bong anpünyetpabü kü Jothamei cheha Ahaz-i Judah kü ong vaiteke.

2 ONGPATHÜ 18:1

Israel kü Elahlei cheha Hoshea-i ong vaipü bong jempabü kü Hezekiahlei cheha Ahaz-i Judah kü ong vaiteke.

2 SHÜPPÜKENGPÜ 28:1

Ahaz ong vaishingkü nyübüh bong kukha nyu, hatü büpai Jerusalemei bong anpüvok ong vaiteke. Chebü David kei nevai-i, büpai Shembüpa touei mehe jiü, ha nedük.

2 SHÜPPÜKENGPÜ 29:1

Hezekiah ong vaishingkü büpa nyübüh bong hapünga nyu, hatü büpai Jerusalemei bong hapüshü ong vaiteke. Chenyü-ü Zekhariahlei yiükha Abijah shei menpü nyu.

ISAIAH 7:1

Mechem Jothamei cheha, Uzziahlei chehü Ahaz ongpai Judah kü vanglem lemei nyupa, Aram am Rezin ongpa hatü Remaliahlei cheha Pekah, Israel amei ongpa nyi Jerusalem hahhen shingvaishi aong, shejao jomi nehah-aok.

MIKA 3:9

Ha bangtuh, am Jakob phang mübüthü, hatü am Israel phang kü vanglem lembüthü, ammi shahhing yaktüknyüke, hatü jiüpü peü nyongnyongi lingtüknyüke.

ISAIAH 1:2

Bangtuh, Oh vangshothü, dhaong shaangtuh, Oh kahdoknyü! Mehenangkü Shembüpai eteke: “Ngei hashihthü haümei laongteke, shejao jomphongi ngei khüei yaongteke.