MATHI 8:3 - DAÜLANGPÜ LAIHING (BSI)

³ Büpai lak haongei büpa kü düktü, “Ngei mongnyüpeih, nüng meidaituh” shei e. Shaang tou aa kü hapa ngomdin meidai.

MATHI 8:3 Referans Kwoze

LUK SHAHSHA APPÜ 5:13

Jisui büpalei lak deiyei hapa shennyak kü düktü, “Ngei mongnyüpeih, nüng daüdaituh” shei e, hatü lak mü leihshi hapa ngomma meidai.

MENVIH KESHO 33:9

Büpai shah e, hatü kahdoknyü vampeih; büpai ngeükhüam shuoh, hatü peü vampeih.

2 ONGPATHÜ 5:14

Hanangkü büpa yiüei Kahvang shennyaki epü keiha Jordan yungyenei nyetpa thahshi hingteke, hatü büpalei büm hashihlei büm kei lei, hatü din chadai.

MARK 1:41

Jisui shinshangei deih, hatü büpalei lak deiyei büpa kü haongtü, “Ngei mongnyüpeih, nüng meidaituh!” shei e.

JOHAN 5:21

Pa-i dipü kübü yangei leitü jom kü yangnyu shuohpükei Ha-iyao büpai mongpüthü kü yangnyu shuohnyeih.

MARK 4:39

Büpa paoei vanglük kü loh, hatü yungching kü, “Nendaituh” shei e. Hahepak kü vanglük dohdai hatü peü nendai.

2 ONGPATHÜ 5:11

Shejao Naamani mongshih-ei, “Ngei touei büpa vamei yaongtü Shembüpa, büpalei Kahvang men kü nyüktü makaw kü büpalei laki dükei ngelei ngomdin meiphahen je shei deihpeih shei eyaki lüdai.

KAHBHAO 1:3

Hapheikü Kahvangi, “Vangngai vamtuh” shei e, hatü vangngai vam.

JOHAN 11:43

Büpai ha epheikü büpai ngeü longpai lenei, “Lazar vamkei!” shei e.

LUK SHAHSHA APPÜ 7:14

Hapheikü büpa heih-ei mahngshung kü dük, hatü hapa paipüthü yaong. Büpai, “Nethepa, ngei nüng kü enyeih, paotuh!” shei e.

MARK 9:25

Mechem Jisui khongnyü chemi mokei heihjapü eepa, büpai mang laangha kü loh-ei, “Hapa naü shah ne-ehüi hatü dhaongi nedani shümlangpü mang laangha, ngei nüng kü shahkung shuohnyeih, büpa kübü vamdaituh, hatü ne-yei büpa kü teshü!” shei e.

MARK 7:34

Büpai vangsho philei veitü ngülu heetü, “Ephphatha!” lappai, “Mük vamtuh” shei e.

MARK 5:41

Büpai pinnyülei lak kü düktü pinnyü kü, “Talitha kum” lappai, “Lamei, paotuh” shei e.

JOHAN 15:24

Üpaiyao mangdükpü dou ngei jomphong touei nedüklangmeyü jomi mang nethahhah shepeih. Shejao shaang jomi ha eeteke, hatü ngei hatü Opa henjiphen kü jiühitnyüke.

MÜLANGPÜ 4:7

Hahepak kü Shembüpai, “Shao nüngei lak ashak mongei thutuh” shei e. Hanangkü büpai büpalei lak ashak mongei thuteke, hatü mechem büpai lak aokei ngaipa, büpalei lebü hangshuw kei meidaitü chongjateke.

MATHI 12:13

Hapheikü büpai hapa shennyak kü, “Nüngei lak lantuh” shei e. Büpai lak lanshingkü lebü kei meidai.

LUK SHAHSHA APPÜ 4:27

Elisha thibü hepak kao Israel kü ngombüthü longi nyu, shejao Syria am Naaman mü lenei üpayao nemeihü.”