MATHI 7:2 - DAÜLANGPÜ LAIHING (BSI)

² Nüngi mih-ei shahphenpü ha yah-ei nüng kao shahphenhen, nüngi mih kü dakpü shongdak lakshingi nüng kao dakhen, nevaijü nüngi mih kü shetpü lüng aihüki nüng kao shethen.

MATHI 7:2 Referans Kwoze

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

MARK 4:24

Shao büpai jomphong kü, “Ammi mehe kü bangnya, ha kü mong shuohtuh; ammi meshük dokei shuoh, hajük dokei danghen, hatü nyeishiyao am kü shuohhen.

LUK SHAHSHA APPÜ 6:38

Shuohtuh, hatü ha am kao yahphahen. Meishi dakei, shüngei, jeenei aüh-ei daktü mih kü mekei shuoh, hapa shongdak lakshing nyokei danghen.”

OBADIAH 1:15

Jatthü peü khüei Shembüpalei nyih ngoikünyüke. Ammi mih kü dükshuohpükei am kao dükphahen, ammi dükpü douthü ammei shangjingei nyokei leikahen.

SHAKEI VAMPÜ 18:6

Pinnyüi shuohpükei pinnyü kao yah-eishuoh, hatü pinnyülei dou kü shing nyi shemeishuoh; pinnyüi vukpü pati kü ühivan shing nyi vukeishuoh.

2 KORINT 9:6

Ha deihtuh: Üpai kaungshi hainya, kaungshi vethen, hatü üpai bhashahshi hainya bhashahshi vethen.

SHAHPHENBÜTHÜ 1:7

Hahepak kü Adoni-bezeki, “Ngelei nükdü phangei ongthü pejempüan jomei lakphiennyü hatü laphiennyü dehtüktü nükkuk homei hahshi nyuhampeih. Ngei mehe hathü kü dükshuohpa, shaang Kahvangi ha ngei kü nyokei yahphopü khih” shei e. Jomphongi büpa Jerusalemei yah-ei lei, hatü büpa halei didai.

JEREMIAH 51:24

“Ammei müki eeshi ngei Babylon hatü halei nyupüthü kü jomi Zion kü nemeipü dükpü nangkü ngei ha shemhen” shei Shembüpai enyüke.

1 SAMUEL 15:33

Shejao Samueli, “Nüngei yani nyüthü longi hapeü neshiüpükei leitük, hapakei anyüao hapeü neshiüpü keiha nyemnyu” shei etü büpai Gilgal leipü moidü touei Agag khih mü deh-ei jütük.

MENVIH KESHO 109:17

Büpai thaüvaühen kennyüke, büpa kü thaüvaü hettuh. Büpai moihiman nena, ha büpa touei taishi lüdaituh.

ISAIAH 33:1

Üamiyao am leipü negühgüh-i, üamiyao am kü nelunelemlemi güh-ei lueilempüthü! Mechem ammi gühpü dohhenshang, am leipü gühlanghen, mechem ammi mih kü lueilempü dohhenshang am kü lueilemhen.

JEREMIAH 34:17

Hanangkü Shembüpai hapakei enyüke: Ammi ngelei shah nebang; amphongi jempü Israel am kü bümei hean neshuohpü nangkü shaang ngei am kü bümei hean shuohnyeihhapa bümei heanü yan, cham hatü münghishaü homei mahhen shuohnyeih shei Shembüpai enyüke. Ngei amphongü kahdoknyü jatthü peü touei jiühitbenüng leihühen.

MATHI 6:14

Mehenangkü ammi mih kü mang tükjema, vangsho leipü ammei Pa-i am kao mang tükphahen;

MÜLANGPÜ 21:24

mük kü mük, bha kü bha, lak kü lak, la kü la,

SHAHPHENBÜTHÜ 5:27

Büpa doei shateke; büpa pinnyülei la tüngei shükteke; Büpa doei shükpü shingei büpa di.

2 SAMUEL 21:5

Jomi ongpa kü, “Israel kahmük kü hamei li hümtükhen hatü jütükhen shei üami kon lingnya,