MATHI 7:15 - DAÜLANGPÜ LAIHING (BSI)

¹⁵ Shahshem thibüthü kü lituh; jomi am touei mi-ow owtü peinyüke shejao mongü shuw kei mangshi nyüke.

MATHI 7:15 Referans Kwoze

1 JOHAN 4:1

Bampü küphüthü, laangha peü kü ammi hingtelem, shejao hathüyü Kahvang leipü laanghathü vaila shei dokei veituh; mehenangkü shahshem thibüthü kahdoknyü kü longi vamei daiteke.

MATHI 24:11

Shahshem thibüthü longi vamhen hatü longshi shing lemnyongei mülanghen.

KOLOSI 2:8

Üpaiyao amphong Khrista leipü nevaipü kü yahlak neshiüpü aivang büshah kübü eyei peipü hangkulei kihikon shah hatü kahdoknyü kü vanglem lempü laanghathüi am aa leihüei müei nedaihen lituh.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

2 PETER 3:17

Hanangkü bampü küphüthü, ammi ha yeihshi nyingphei vütei-i shahkung mangpü shennyakthüi pungpü kü am müei nedaihen, hatü am yangei nyupü laphen kübü nedohhen kenhingtuh.

LUK SHAHSHA APPÜ 6:26

Mechem peüi am meipü jung ehenshang onyükei, mehenangkü jomei bühipathüi shahshem thibüthü kü ha dükpeih.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

2 TIMOTI 4:3

Mehenangkü shennyakthüi nyuhpü venpü meipü kü nebanghen hepak hük peikahen, shejao jomi lümpü kü jiüshi ejahen, hatü jomei dhaongi banghahhüpü aimü ejahen nangkü jom shinei nyuhbüthü longi thaihahhen,

PHILIPPI 3:2

Shithü kü lituh, douten dükpüthü kü lituh, phai vetteipüthü kü lituh.

EPHESIA 4:14

Jen hajük kü hashih keiha shennyakthüi mih lueilemhen küpjan ten tempü kon kü yungmok kü phongteipükei nenyuhen hatü nyuhpüvenpü aplük pelük kü nepipohen khih.

GALATIA 2:4

Ham aa leihühen shingvaishi Khrista kü hami dangpü bümei hean kü gühshukhen nangkü shahshem vaipüthü hanei ham touei peipeih.

LUK SHAHSHA APPÜ 12:15

Shao büpai jomphong kü, “Lituh! Maong nyeipü lemphü kübü am yanei nyutuh; mehenangkü mop changshi nyupai shennyak hük yangnyu nenyunyih” shei e.

EZEKIEL 22:27

Jomei lakchongbüthüyü shahhing ne-epü mop danghen shingvaishi shuwi yemhimak jüei shaakpükei nyüke, iy yenhüei jünyüke.

SHAKEI VAMPÜ 16:13

Hahepak kü ngei mang laangha jem luk keiha Dragonei ju, yemhalei ju, hatü shahshem thibülei ju leipü vamküpü ee.

EPHESIA 5:6

Amphong üpa kao angsha shah-i telutelemhah; mehenangkü hathü douthü nangkü ven nedanpüthü touei Kahvang mongshihpü peinyüpeih.

PHONGSHANTHÜ DOU 13:40

Hanangkü thihivamthüi epü ha am kü nejiühühen lituh:

JOHAN 10:12

Üpa mi yombü nevai, shejao lathahbü mon hatü laophülei mi nenyu, büpai shahhishuw peipü eeyei mithü mon tuhphongtü mokdainyeih, hatü shahhishuw peiyei jom shüknyüke hatü yantüknyüke.

MATHI 16:11

Ngei hahying nang epü nevai shei amphongi mekei nenyingpa? Pharisee hatü Sadduke amei daw kü lituh” shei e.

MATHI 16:6

Jisui jomphong kü, “Am thaeimatuh, Pharisee hatü Sadduke amei daw kü lituh” shei e.

MATHI 10:17

Amphongi jom kü lituh; mehenangkü jomi am shahphen shingei müei deihen, hatü Sinagoglei jomi am kü bheiphahen;

ZEKHARIAH 13:4

Hapa nyih, thibüthü peüi laophülei thihivam shah hatü manghkhang nangkü veühen. Mih kü ühinghen mü mum kohpü thibü ow ne-owhen,

EZEKIEL 22:25

Mailangi yemhimak jüei shaakpükei haleipü ongthüi laophülei nanglakthü jütüktü jomei lop hatü mophimo peü aokpükei yahlangnyüke, hatü jomi jüpü nangkü hashih vaümnyü longi vamhünyüke.

EZEKIEL 13:22

Ammei shahshemi daülangpü shennyakei mong maanhüteke, hatü nemeipüthü kü jomei mang lem kübü nyokei leiyei yanghen nevai-i hapa lem kübü lepei neleihen mongnang thongteke.

EZEKIEL 13:16

Jerusalem kü chingmeivangmei neshiüshiüi chingmeivangmei nyüpeih shei Jerusalem nang teteivanei manghkhang eepüthü neshiü’ shei ngei ehen” shei Shembüpa Kahvangi enyüke.

JEREMIAH 29:32

Shembüpai hapakei enyüke: Ngei Nehelam am Shemaiah hatü büpalei hühihathü hanghihühen; ngei ngelei nanglakthü kü mei dükpü eehen mü nanglakthü khongkü büpalei hühiha hükao yemmü netuhhen; mehenangkü büpai Shembüpa khüei yaongteke shei Shembüpai enyüke.

JEREMIAH 29:21

Ngelei men kü amphong kü shahshem teteivanei epü Kolaiahlei cheha Ahab hatü Maaseiahlei cheha Zedekiah nyi nang Jeiyong Shembüpa, Israel Kahvangi hapakei enyüke: “Ngei jomphong Babylon ongpa Nebukadnezzarlei lak kü shuohhen, hatü nüngi eeshi büpai jom jühen.

SHAKEI VAMPÜ 17:6

Hapa nyühayü daülangpüthülei iy, hatü Jisu jung denpü shuohpüthülei iy-i chokei eeteke. Mechem ngei pinnyü eepa, ngei longi yashan.

PHONGSHANTHÜ DOU 13:6

Mechem jomphong shübaong kemeilei Paphos thahshi daipa, jomphongi phongyomteipü Jehoda am shahshem thibü hük Bar-Jisu shei menpü pongteke.

1 ONGPATHÜ 13:18

Hahepak kü Bethel leipü thibü changi büpa kü, “Ngeiyao nüng keipü thibü hih. Shembüpalei shah homei vangsho phongshan hüki, ‘Hahyinghen shingvaishi hapa shennyak nüng mü müei leituh’ shei ephopeih” shei e. (Shejao büpai shahshem eshuohteke.)

DANIEL 11:34

Mechem jomphong lomoh ponghenshang, sheühpü maani danghen, hatü mong kempai nevaijao jom mü omhen.

MATHI 7:14

Mehenangkü yangnyuyem touei müpü lemü shawshipshi, hatü lemü ahshi wongshi, hatü halei daipüthü maani mon.

SHAKEI VAMPÜ 20:10

hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.