MATHI 6:33 - DAÜLANGPÜ LAIHING (BSI)

³³ Shejao shongei Kahvang ongching hatü büpa daülangshemshepü yemtuh, hatü hathü douthü peü am kü yahphahen.

MATHI 6:33 Referans Kwoze

LUK SHAHSHA APPÜ 12:31

Haleimeyü büpalei ongching nangkü shükteituh, hatü hathü peü am kü yahphahen.”

MATHI 5:6

Daülangshemshepü men kü üami shüaeiyunglenya, jomphong moihiman; mehenangkü jomphong shümoh meihen.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

MENVIH KESHO 37:25

Ngei hashih nyuhampeih, hatü shaang behe leiteke, shejao daülangpü shennyak hük Shembüpai yaktükpü, nevaijü büpalei hühihathü yühahjaiyingei ne-eeangpih.

MENVIH KESHO 37:3

Shembüpa kü hinglemtuh, mei düktuh; shejüang am hapa kahdok kü nyuhen, hatü meishi mongongshi nyuhen.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

ROM SHAHSHA APPÜ 8:31

Shejema hathü nangkü jeni mehe ehenang? Kahvang jen shing nyujema, jen khühen üpa nyüpa?

1 TIMOTI 4:8

Büm shing aülaüei dükpü kü nanglei maani nyüpeih, shejao Kahvang nyingpü kü lem peü kü shaang hatü ngoikahen yangnyu shingvaishi lahpü nyüpeih.

2 KORINT 5:21

Mehenangkü büpa kü jen Kahvang daülangshemshepü leihen shingvaishi jenei men kü büpai mang nenyingpü hük mang leihüteke.

ROM SHAHSHA APPÜ 1:17

Mehenangkü shahjang meipü kü Kahvang daülangshemshepü shakei vamteke; hapayü pangpü kübü dohpü ngoishi hinglempü homei daülangshemshepü; hapakei nyangei nyüke: “Daülangpüthü hinglempai mon nyuhen.”

PHILIPPI 3:9

hatü shahkungnyü leipü peipü ngelei daülangshemshepü nevai, shejao Khrista kü hinglempü homei hinglempü kü laphentü vampü Kahvang leipü daülangshemshepü kü nyuei ngei büpa kü eehen.

1 KORINT 1:30

Büpayü Jisu Khrista kü ammei yangnyu ngamshing; büpayü jen shing Kahvang leipü kihikon, daülangshemshepü, daühüpü hatü angei leibü leipeih;

MATHI 4:17

Hahepak kübü Jisui, “Amphong mong leptuh; mehenangkü vangsho ongching yopailei peiteke” shei baonghen chongpang.

MATHI 3:2

“Mong leptuh; mehenangkü vangsho ongching yopailei nyüke” shei e.

2 THESALONIKA 1:5

Kahvang shahphenpeyü shahhing shei hapai hunyüke, hatü Kahvang ongching mepa shingvaishi amphong shangpong, hapa kü amphong changpü shei ie-aokhen.

ROM SHAHSHA APPÜ 10:3

Mehenangkü Kahvang leipü peipü daülangshemshepü nenyingi laophülei daülangshemshepü linghen yempü nangkü jomi Kahvangei daülangshemshepü neyahnyu.

PHONGSHANTHÜ DOU 28:31

Büpa monglongshi hatü meheyao khüampü neshiüi Kahvang ongching baongei Shembüpa Jisu Khrista jung nyuhteke.

2 PETER 1:11

Mehenangkü hapa lem kü jenei Shembüpa hatü Yemleipü Jisu Khristalei nedohnetenpü ongching kü shühen am shing changshi yahphahen.

1 ONGPATHÜ 17:13

Elijah-i pinnyü kü, “Nüng mongteshang. Shemei leiyei nüngi epükei düktuh; shejao shongei ngei kü shong hapa aan maani yah-ei lingtü ngei kü yahshih; hapheikü mon anha anji shing linghahtuh.

2 PETER 1:1

Simon Peter, Jisu Khristalei chongphobü hatü phongshan hüki jenei Kahvang hatü Yemleipü Jisu Khrista daülangshemshepü homei ham keiha hinglempü douvang kei yahpüthü touei,

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

JEREMIAH 23:6

Büpalei nyihthü kü Judah yanghen, hatü Israel am nyiushemmei kü nyuhen. Büpa kü, “Shembüpayü jenei daülangpüba” shei nyükhen.

ISAIAH 45:24

Jomi ngei nang hapakei ehen: “Shembüpa kü monha daülangpü, hatü wong nyüpeih.” Üami büpa khüei yaongnya, büpa touei peiyei veü ponghen.

1 KORINT 3:22

Paul vaijao, Apollos vaijao, Cephas vaijao, kahdoknyü vaijao, yangnyu vaijao, dipü vaijao, shaangpü vaijao, hatü ngoikahen vaijao peü amphongei,

PHONGSHANTHÜ DOU 20:25

Ngei mü amphong Kahvang ongching jung chongvenei daipüthü üpaiyao sheyü ngelei dhe ne-eeshasha shei ngei nyingdaiteke.

MENVIH KESHO 112:3

Mop hatü angpüdeipeyü jomei shemongsha kü nyuhen, hatü büpa daülangshemshepü den kü nyuhen.

KANDOK 8:18

Ngei mü mophimo hatü dhüm, nemanghen mop, hatü dapüshepü nyüpeih.

KANDOK 10:3

Shembüpai mechemao daülangpüthü aeiyeileyei netuhnyih, shejao büpai nemeipüthü napü kemei küptüknyeih.

KANDOK 28:10

Üami daülangpüthü lemnyong lemei mühenshang, jomi laophüi shohahpü kahsha kü vühen; shejao eela neshiüpüthüi mükjüp meipü danghen.

CHONGVENBÜ 10:2

Kon kohpüthülei mongdang lakdah lemei meenyüpeih, shejao ngapalei mongdangü laknyong lemei meenyüpeih.

ISAIAH 26:9

Ngelei mong kü yanüng nüng young leyei peikünyeih; nepnüng ngelei laanghai nüng ongyangei deihkünyeih. Mechem nüngei shahphenpü kahdoknyülei peiyei nyunya, kahdoknyülei nyupüthüi shahhing ehen nyingnyüke.

ISAIAH 33:6

Ammei nyih kü büpai am shingnüng chongkhenhühen; Büpai yemleipü, kihikon, hatü nyingpühingpü shuohhen; Shembüpa kü nyempeyü Zion amei mop longpü vaihen.

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

JOHAN 5:4

Mehenangkü hepak hepak kü vangsho phongshan yiüei hapa yung jenhamteke. Yung jenshan ieyei üpai shong halei laongei hünghenshang, mehe din vaijao meidaihamteke.