25 Hanangkü ngei enyeih, nüngi mehe hahhen, mehe yinghen nevaijü mehe owhen shei nüngei büm nangkü nüng mongteshang. Hahying mao yangnyu, hatü ashakviha mao büm longpü nevaipü je?
Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,
Ammei mongshang peü büpa touei tuhphongtuh; mehenangkü büpai am kü jungnyeih.
Büpa, üpai laophülei Ha shümei netuh, shejao jen peü shingvaishi büpa lanei shuoh, büpai büpa mü jen kü lemphüli neyahphahen je?
Nüngei hanggovih Shembüpa kü nyanphongtuh, hatü büpai nüng yangei tuhhen; büpai daülangpüthü mechemao nedohüpih.
Hanangkü, “Hami mehe hahhen?” nevaijü, “Hami mehe yinghen?” nevaijü, “Hami mehe owhen?” shei am mongteshang.
shejao yangnyu chudeih mongshang, mopi yawhpüyangpü hatü peikahen lebü douthü deihpü peinyüke; hapai shahjangmei lümlangtü betjük nejüki leitüknyüke.
Mechem jomi am lanei shuohhen, ammi mekei ehen, mehe ehen shei mongteshang; ammi mehe ehen ha hepak kü ngei am kü yahphahen.
Am mongshang neshiüi nyemnyu shei ngei deihnyeih. Shem neyempü shennyakü Shembüpalei dousho aokhen, mekei etü Shembüpa mongmeihühen deihshi nyunyeih;
Hanangkü ngenyihpü jung deih-ei mongteshang; mehenangkü ngenyih-ao ngenyihpülei mongshang koei peikahen. Shinnyihpülei mongshang shinnyih shing changshi nyüpeih.
Veshan dousho kü chongphopü hüki büpa dok kübü veshan lakchongbü mong hahhühen nangkü büpai nanglakei shahhidou kü ne-omteinyih.
Hüh chi kü vüpeyü hathü, jomi shah dannyüke, shejao jomi jomei lem kü kamshingkü jomphongü yangnyu mongshang, mophimo hatü yangnyu mongongmongle kü kenpai luplangtü betjük liyei neshümnyu.
Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.
Mechem jomi am Sinagoglei, vanglem lembüthü hatü wong nopüthü touei müei deihenshang, am yanghen nangkü mekei ehen, mehe ehen shei mongteshang;
Mechem jomi am shahphen shingei deiyei lanei shuohtükhen, ammi mehe ehen shei yeihshi tenyem; shejao hahepak kü mehe ephahenshang, ha eyeishuoh; mehenangkü hayü ammi enyu nevai, Laangha Daülangpai enyeih.
Ammi laophü shing dou longpü yemnyu je? Hathü teyem. Mehenangkü ngei nanglakthü peü kü shanghah koei peihen shei Shembüpai enyüke, shejao nüng melei daihenshang ngei nüng kü yanglem yemei yanghühen.”