MATHI 6:22 - DAÜLANGPÜ LAIHING (BSI)

²² Mükü büm shing vangngai. Hanangkü nüngei mük meishi nyujema, nüngei büm kempü vangngai-i maei nyuhen;

MATHI 6:22 Referans Kwoze

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

KOLOSI 3:22

Aathü, ammi kahdoknyü kübü ammei shembü kü lemphü kü jomi eehen hatü mong hahhühen shingvaishi nevai, shejao mongdang kempai Shembüpa kü nyemei ven bangtuh.

EPHESIA 6:5

Aathü, amphongi Khristalei ven bangpükei kahdoknyü kübü ammei shembüthü kü nyemei kheüei mong hüki ven bangtuh;

PHONGSHANTHÜ DOU 2:46

Nyihjeih jomi phopshemei chemi hepak longi tük; jomi shem shem kü aan bhaokei mongongpai hatü mong dhaopai,

ISAIAH 5:20

Ten kü mei shei epüthü, hatü mei kü ten shei epüthü; Vangngai nangjei vangnyak, vangnyak nangjei vangngai leitükpüthü; Vüngnyang nangjei shahyak, shahyak nangjei vüngnyangpü shihpüthü onyükei!

MATHI 5:15

Üpaiyao awdük jaktü mühdowi thuh-ei netuhnyih, shejao awdük ngenshingei ngenei tuhnyeih hatü hapai shemei nyupüthü peü kü vangngai shuohnyeih.