MATHI 6:19 - DAÜLANGPÜ LAIHING (BSI)

¹⁹ Ammi hapa kahdoknyülei laophü shing mop tejao; melei thep hatü düithungi hahtüknya, hatü gühpai shem mangei shüei gühlangnya.

MATHI 6:19 Referans Kwoze

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

LUK SHAHSHA APPÜ 12:21

Hanangkü laophü shing mop yowtü Kahvang touei shemmei neleipüthü hapakei nyuhen” shei e.

KANDOK 16:16

Hon mao kihikon danghen-üng mekei meipa! Ngin mao nyingpühingpü yahhen mekei meipa!

KANDOK 11:4

Mongshihpü nyih kü mopü nanglei neshiü, shejao daülangpüthüyü dipü kübü yangdainyeih.

LUK SHAHSHA APPÜ 18:22

Mechem Jisui ha danpa, büpai büpa kü, “Shao lemhüki taoei nyüke. Nüngi angpü peü yutü hapa lop taopathü kü shuohtuh, hatü nüng vangsholei mop nyuhen, hapheikü ngei phei mükei” shei e.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

LUK SHAHSHA APPÜ 12:33

Ammei mopthü yutü taopathü kü shuohtüktuh. Ammi laophü shing chang neleibenüng loptuw linghahtuh, gühpa yopailei nepei, thepi nehahpü vangsholei mechemao nemahnemenhen mop jaotuh.

ZEPHANIAH 1:18

Shembüpa mongshih anpü nyih jomei hon hi ngini jom neyangaokhen; Büpa mongshihpü awlah-i kahdoknyü peü shamtükhen; mehenangkü büpai kahdoknyü kü nyupüthü peü ngangahük kü dohtükkemhen.

LUK SHAHSHA APPÜ 18:24

Jisui büpa kü veitü, “Mop angpüthü shingvaishi Kahvang ongchingei shühenü meshük wongpüang!

MENVIH KESHO 62:10

Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.

MENVIH KESHO 39:6

Hingmei peüha vangdhüm laang keiha longteinyüke; meheyao nevaihen kü shangpongei nyunyüke; Jomi thaiyei shüngnyüke, shejao ha üpai yahlanghennenyingnyu.

MATHI 19:21

Jisui büpa kü, “Nüngi changpüshapü leihüjema leituh, hatü nüngi angpü peü yutuh, hatü ha lop taopathü kü shuohtuh; shejüang nüng vangsholei mop nyuhen; hapheikü peikei, ngei phei mükei” shei e.

JOB SHAHSHA APPÜ 31:24

Ngei hon kü monglemei daülangpü hon kü, “Nüngü ngelei monglem” shei eyei nyujema;

CHONGVENBÜ 2:26

Kahvangi büpa monghahhüpü shennyak kü kihikon, nyingpühingpü hatü mongong shuohnyeih, shejao mang shennyakü mop thaiyei yowhen hatü Kahvang monghahhüpü shennyak kü shuohtükhen dousho shuohnyeih. Hapayao angsha, vanglük phei changteipü mon khih.

MÜLANGPÜ 22:2

Gühpa hük nyak kü mih-ei shem apei shüpü yepei jütükjema, büpa jütükpü shennyak kü jüpü mang neshiü.

JOB SHAHSHA APPÜ 24:16

Nyak kü jomi shem vaüpei shünyüke; nyihnüngü shem küptü themnyüke. Jomi vangngai kü meheyao nedükhünyu.

MATHI 6:20

Halei meyü am shing vangsholei mop jaohahtuh; haleiyü thepi nevaijü düithungi nehahnyih, hatü gühpai shem mangei shüei negühnyih.

LUK SHAHSHA APPÜ 12:39

“Shejao ha nyingtuh: shem shembüi paoh mepa hepak kü gühpa peihen nyinglang meyü büpai yomei nyuhah shepeih hatü shem nebenhühen vaipeih.