MATHI 5:9 - DAÜLANGPÜ LAIHING (BSI)

⁹ Chingmei lingpüthü moihiman; mehenangkü jomphong kü Kahvang hathü shei nyükhen.

MATHI 5:9 Referans Kwoze

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

ROM SHAHSHA APPÜ 12:18

Aokjema nüngi aokpüshük peü mü chingmei kü nyutuh.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

MENVIH KESHO 120:6

Chingmei kü jiühitpüthü mü ngei luangi nyutepih.

ROM SHAHSHA APPÜ 8:14

Mehenangkü Kahvang Laanghai müpüthü peü Kahvangei hapeüthü nyüke.

LUK SHAHSHA APPÜ 6:35

Shejao ammei vepathü kü bamtuh, mei dükeishuoh, nyokei danghen shei mongnelemi lueishuoh. Ammei laklei longshi nyuhen, hatü amphongü Chaipübalei hapeüthü vaihen; mehenangkü büpayü menvih neshuohpü hatü nemeipüthü kü bamnyeih.

2 KORINT 13:11

Dohpülei, jeihinaü hatü nyahinaüthü, selam. Changpüshapü leihen mükhong tuhtuh, ngei khümpü kü bangtuh, mong hük mü nyutuh, chingmei kü nyutuh; bampü hatü chingmei Kahvang am mü nyukahen.

KOLOSI 3:13

Hüki hük mü nenteiaoktuh, hatü hüki hük khüei nyujema mang tükteituh. Shembüpai am kü mang tükpükei tükteituh,

MENVIH KESHO 34:12

Am üami yangnyu nanya, hatü mei dangei nyih longi mongongshi nyuhen üami lümnya?

MATHI 5:48

Vangsho leipü Pa keiha amphong changpüshapü leituh.

2 KORINT 5:20

Hanangkü hamphongü Khrista shing lembüthü; mehenangkü Kahvangi hamphong homei nanglakthü kü nyükhen phepü nangkü Khristalei men kü hami khümnyeih, Kahvang mü mongjemei leituh.

PHONGSHANTHÜ DOU 7:26

Nyihphei Israel am nyi deyei chongjai jiji aa kü chingmei linghühen shei peiyei, “Anji, anjinyiyü jeihinaü khihma; mehekei hüki hük mü hakei denya?” shei e.

MATHI 5:45

shejüang amphongü vangsholei nyupü Palei hapeüthü vaihen; mehenangkü büpai nemeipüthü hatü meipüthü kao aihük mü vanghenyü aonghünyeih, daülangpüthü hatü nedaünelangpüthü kao vang keihünyeih.

1 SHÜPPÜKENGPÜ 12:17

Davidi jom mü pongteinüng heih-ei jom kü, “Ammi ngei mü mongjem ponghen, ngei kü sheühhen peiküpü vaijema, ngei am mü mongdang hük leihen; shejao ammi ngelei vepathü touei ngei kü lueilemhen peiküpü vaijema, ngelei laki ten meheyao nedükjao jenei bühipathülei Kahvangi ha eehen hatü am kü shahphenhen.” shei e.

1 KORINT 6:6

Shejao vaipü am hüki vaipü am hük khüei shahphen shingei hatü nevaipü am touei dainyu je?

PHILIPPI 4:2

Ngei Euodia hatü Sentekhe nyi kü Shembüpa kü mong hük leiyei mongjemhen khümnyeih.

LUK SHAHSHA APPÜ 20:36

Jom hajük kü nedihen; mehenangkü jomphongü vangsho phongshanthü kei nyuhen. Jomü yangei leipülei hapeüthü vaipü nangkü jomü Kahvangei hathü.

EPHESIA 4:1

Hanangkü mepa nangkü amphong nyük, ha nyükpü shangshi ammei yangnyu nyuhen ngei, Shembüpa kü khoklatei küpbüi am kü khümnyeih.

ROM SHAHSHA APPÜ 8:16

hapa Laanghai jenei laangha mü jenü Kahvangei hapeüthü shei denpü shuohnyüke,

ROM SHAHSHA APPÜ 8:19

Mehenangkü lingpü douthüi Kahvangei hathü shakei vampü ongyangei dannyüke;