MATHI 5:8 - DAÜLANGPÜ LAIHING (BSI)

⁸ Thentoimongdang daülangi nyupüthü moihiman; mehenangkü jomphongi Kahvang eehen.

MATHI 5:8 Referans Kwoze

MENVIH KESHO 24:4

üam lak hatü mongdang daülangi nyu; üami pü lajei kü nekhüm, nevaijü shahshemi nelahnya, hathü yaongaokhen.

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

KANDOK 22:11

Üpai daülangshemshepü mongdang, hatü phahji yahyang shah ehen bamnya, ongpayü büpalei küphü vaihen.

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

TITUS 1:15

Daüshi nyupü am keyü lemphü daüshi nyüpeih, shejao üam sheihdai hatü hingnelem, jom shingvaishi meheyao daülangpü neshiü. Jomei sholi mongdang kemei sheihdaiteke.

MENVIH KESHO 15:2

Üpai eela neshiüi kamnya, hatü mehe jiü, ha düknya, mongdang kübü shahhing enya;

PHONGSHANTHÜ DOU 15:9

hatü hinglempai jomei mong daühüei büpai jom hatü jen aa kü meheyao baong hanei nenoang.

MENVIH KESHO 73:1

Hingmei Kahvangü Israel am, hatü mongdang daülangpüthü kü meinyüpeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

MENVIH KESHO 18:26

daüshi nyupüthü touei nüngi daülangi hunyeih. shejao laülüki nenyupüthü touei nüngi kon kohshi düknyüke.

1 KORINT 13:12

Mehenangkü jeni shaangü aina kü kei neleki pumshi eenyüke, shejao hapheikü jeni dhe dhe gongei eehen. Shaang ngei hanei mon nyingnyeih, shejao Kahvangi ngei meishi nyingpükei ngei pheilei peü lomei nyinghen.

SHAKEI VAMPÜ 22:4

Jomi büpalei dhe eehen, hatü büpalei men jomei shangbalei nyuhen.

KAHBHAO 32:30

“Hanangkü Jakobi hapa shing kü Peniel shei men; mehenangkü büpai ngei Kahvang dhe dhe gongei eetepih shei e, shejao ngelei yangnyu yangei nyüpeih” shei e.

MENVIH KESHO 51:6

Hingmei nüngi mongei shahhing nyupü ha lümnyüke; hanangkü ngelei mongdang mongpalei nüngei kihikonnyuhshih.

2 SAMUEL 22:27

Daülangpüthü touei nüngi daülangi hunyüke, hatü kaokpüthü touei nüngi kaokei hunyüke.