MATHI 5:7 - DAÜLANGPÜ LAIHING (BSI)

⁷ Phahji hupüthü moihiman; mehenangkü jomphongi phahji danghen.

MATHI 5:7 Referans Kwoze

EPHESIA 4:32

Am hüki hük mü bamteituh, hatü bamtei-aungtei mongdang jüktuh, hatü Khrista kü Kahvangi ammei mang tükpükei hüki hükei mang tükteituh.

2 SAMUEL 22:26

Hingshangpüthü touei nüngi hingshangi hunyüke; Eela neshiüpüthü touei eela neshiüi hunyüke.

MENVIH KESHO 18:25

Hingshangi nyupüthü touei nüngi hingshangi hunyeih, eela neshiüpüthü touei nüngi eela neshiüi hunyüke.

JAKOB 2:13

Üpai phahji nehuhenshang shahphenpeyü phahji nehu-i nyuhen; phahji-i shahphenpü shak kü aokpü dangnyeih.

JAKOB 3:17

Shejao shangphi leipü kihikonü shongpü kü daülangpü, hapheikü chingmei, bampü, inpünyaipü, deih-ei dangaokpü, phahji-i mapü, hatü betjük meipü, baong hanpü neshiüpü hatü akhümmong-üm neshiüpü nyüke.

KOLOSI 3:12

Kahvangi jelangpü hük, daülangpü hatü bampü leshi phahji, bampü, maanpü leipü, nenteiaokpü, munenpü owtuh.

LUK SHAHSHA APPÜ 6:35

Shejao ammei vepathü kü bamtuh, mei dükeishuoh, nyokei danghen shei mongnelemi lueishuoh. Ammei laklei longshi nyuhen, hatü amphongü Chaipübalei hapeüthü vaihen; mehenangkü büpayü menvih neshuohpü hatü nemeipüthü kü bamnyeih.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

KANDOK 19:17

Üami taopathü kü phahji hunya, büpai Shembüpa kü lushuohpü vainyüke, hatü büpa kü hathü nyokei shuohhen.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

DANIEL 4:27

Hanangkü, Oh Ongpa, nüngi ngei epü yahtuh. Mang dou dükpü dohtuh, jiüpü düktuh, hatü nehahneyingpü taopathü kü yahyang shinshang hutuh. Shejüang nüng nedoh-i angeideiyei nyuhen.”

HEBREW 4:16

Hanangkü jen nashingkü yahyang shinshang hatü phahji danghen shingvaishi hapa phahji ong uoshing touei monglongei peishah.

KANDOK 11:17

Phahji yahyang kohpüthüi thintho dangnyüpeih, shejao phahji neshiüpü shennyaki laophü nying lomohnyeih.

1 PETER 2:10

Chem amphongü nanglak nevai-i nyupeih, shejao shaangü Kahvangei nanglakthü; chem amphongü phahji nedangi nyuhampeih, shejao shaang amphongi phahji dangteke.

MARK 11:25

Mechem ammi phopei yaonghen, am hanei am mü nemeitei-i nyujema mang tükeishuoh, shejüang vangsho leipü ammei Pa-i ammei mang tükphahen” shei e.

KANDOK 14:21

Üpai laophülei chingyow yakphongnya, büpai mang thahnyüke, shejao taopathü kü phahjipüthü moihiman.

HOSEA 2:1

Hanangkü jempü Israel am kü “Kahvangei nanglakthü” hatü “Shembüpai bampüthü” shei nyüktuh.

MENVIH KESHO 112:9

Büpai taopathü kü angkü bhenyüke, büpa daülangshemshepü den kü nyunyeih; büpayü wong kohshi, hatü peüi dhüm shuohnyeih.

MENVIH KESHO 112:4

Kangshangpüthü shingvaishi vangnyak kao vangngai kei vamnyeih. Büpayü phahjipü, shinshangpü, hatü daülangpü nyüke.

MENVIH KESHO 37:26

Jom düngei nekaungi shuoh-ei lushuohteinyüke, hatü jomei hapeüthü moihimanpü leinyeih.

1 TIMOTI 1:13

Chem ngei büpa kü ten eyei, shüveipü am, hatü iy-aongmashahüpü am nyu, shejao ngei kü phahji hupeih; mehenangkü ngei ha nenyingi hatü hingnelempai dükteke.

1 KORINT 7:25

Shaang shem neyempüthü nangkü ngeilei Shembüpalei shahkung neshiü, shejao Shembüpalei phahji homei monglemaokpü shennyak hük keiha ngei am kü ngelei chudeih shuohnyeih.

1 TIMOTI 1:16

Shejao ha tata kü üami büpa kü hinglem yangnyuyem danghen shei Khrista Jisui nedohnetenpü büpa nenteiaokpü lappü hük huhen shingvaishi ngei keipü nemeipü mang shennyak kü phahji hupeih.

HOSEA 2:23

Ngei ngelei nanglakthü kahdok kü shingnüngei tuhhen, hatü dahüshehühen; hatü ngei, “Nebamnyih” shei eshuohpüthü küngei bampü huhen. Ngei, “Ngelei nanglak nevai” shei eshuohpüthü kü, “Amphong ngelei nanglakthü” shei nyükhen; hatü jomi, “Nüngü hamei Kahvang” shei ehen.

HOSEA 1:6

Gomer shao büm nekongi lei, hatü yiükha hük büh. Shembüpai Hosea kü, “Pinnyü kü Lo Ruhamah shei mentuh; mehenangkü ngei hajük kü Israel nanglakthü kü nebampih, hatü jom kü mang netükpih.

ISAIAH 57:1

Daülangpüthü mahjü üpaiyao mong kü nyah-ei nedeihnyu; hinglempüthü dijü üpaiyao ha nenyingnyu. Mehenangkü daülangpüthüyü shanghah vongshüh kübü yanglangnyüke,

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

ROM SHAHSHA APPÜ 11:30

Chem amphongao Kahvangei ven nedani nyu, shejao jom ven nedanpü nangkü shaang ammi phahji dangpeih,

2 SAMUEL 17:28

hathüi lüng, chilimji, haümdük, wheat, barley, atta, ngoutükpü aungjük, lihao

KANDOK 11:25

Mih kü shuohpü shennyaki changshi anghen; Üpai mih kü yung dangkao shuohnya, büpai ha nyokei danghen.