MATHI 5:6 - DAÜLANGPÜ LAIHING (BSI)

⁶ Daülangshemshepü men kü üami shüaeiyunglenya, jomphong moihiman; mehenangkü jomphong shümoh meihen.

MATHI 5:6 Referans Kwoze

JOHAN 4:14

shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.

MENVIH KESHO 107:9

Mehenangkü büpai yungle meihünyeih, hatü aeipüthü doumei-i mahünyeih.

JOHAN 6:27

Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.

MENVIH KESHO 145:19

Büpa kü nyempüthüi lümpü peü büpai jiühünyeih; jomi nyükpü büpai danei büpai jom yanglangnyeih.

JOHAN 7:37

Mo dohpü hatü longpü nyih, Jisui yaongtü wong mü lenei, “Üam yung lenya, ngei touei peikei, hatü yingtuh,

SHAKEI VAMPÜ 7:16

Jom hajük kü halei nük ne-aeihen, hajük kü yung nelehen; vanghenyüi jom kü nekethen, hatü nyahpüshampai jom neshamhühen;

LUK SHAHSHA APPÜ 6:21

Shaang am aeipüthü moihiman, mehenangkü am shümoh meihen. Shaang am theppüthü moihiman, mehenangkü amphong nyihen.”

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

LUK SHAHSHA APPÜ 1:53

Büpai aeipüthü doumei-i mahü, hatü shemmeithü lakkong deitük.

ISAIAH 65:13

Hanangkü Shembüpa Kahvangi hapakei enyüke: Ngelei chongphobüthüi hahhen, shejao amphong aeiyei nyuhen; Ngelei chongphobüthüi yinghen, shejao am yung leyei nyuhen; Ngelei chongphobüthüi mongonghen, shejao am veühühen;

MENVIH KESHO 65:4

Nüngei shemei nyuhen nüngi jetü müei peipüthü mongong. Nüngei shem meipai ham hüshemei nyuhen.

ISAIAH 25:6

Hapa kahshangei Jeiyong Shembüpai nanglakthü peü shingvaishi hahying peü changshi, hatü meipü yiü omshi mo hük temhen.

MENVIH KESHO 84:2

Shembüpa nyushing deihpai ngelei laangha ongyangnyeih, hatü shomeiyingnyeih. Vanyangyem Kahvang kü ngelei mongdang, hatü ngelei phai mongongpai loknyeih.

LUK SHAHSHA APPÜ 6:25

Shaang moh-ei nyupüthü onyükei, mehenangkü amphong aeihen. Amphong shaang nyipüthü onyükei, mehenangkü mahng thephen hatü younghen.

ISAIAH 41:17

Mechem taopa hatü ne-angpüthüi yung yemhen, hatü ha nedangi yung lepai jomei üng üdaihenshang, Ngei, Shembüpai jom kü janghen, Ngei, Israel Kahvangi jom netuhphongpih.

MENVIH KESHO 63:5

Hahying meipai hüshempükei ngelei laanghai hüshemhen, hatü mongongpai ngelei ju-i nüng vihhen.

MENVIH KESHO 17:15

Shejao ngei payü daülangshemshepü kü ngei nüngei dhe eehen; ngei mechem paohen, nüng lepü kü eeyei ngei mong hüshemhen.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

ISAIAH 66:11

Naü hüki laophülei nyühaüm kü choipükei, amphong hüshemei mongonghen; Pinnyü kübü moihiman aüh-ei yenpai am moh-ei yinghen.

KANDOK 10:24

Nemeipüthüi mepa kü nyemnya, hapaang jom kü peijahen, shejao daülangpüthü napeyü shuohhen.

KANDOK 21:21

Üpai daülangshemshepü hatü bampü yemnya, büpai yangnyuyem, moihiman, hatü dhüm dangnyüpeih.

JEREMIAH 31:25

Ngei nyiupünangpüthü nyiumeihühen, hatü aeipai wong nekohpüthü hüshemhühen.