MATHI 5:3 - DAÜLANGPÜ LAIHING (BSI)

³ Laangha kü taopü nyingpüthü moihiman; mehenangkü vangsho ongching jomphongei.

MATHI 5:3 Referans Kwoze

ISAIAH 66:2

Hathü douthü kemei ngelei laki lingpeih; hanangkü hathü kemei ngelei shei Shembüpai enyüke. Shejao üpai maanpü leiyei mong lepnya, hatü nyemei ngelei shah bangnya, ngei henüng shennyak lümnyeih.

KANDOK 29:23

Shennyak hük changmeipai laophü-üng vünyüpeih, shejao maanpü leipü shennyaki dhüm dangnyüpeih.

MENVIH KESHO 34:18

Shembüpayü mongdang mangpüthü yopailei nyüke, hatü laangha mangpüthü yangnyeih.

KANDOK 16:19

Changmeipüthü mü dounyünangba hantei leimeyü, taopathü mü maanpü leiyei nyupü-üng meipüba.

LUK SHAHSHA APPÜ 18:14

Ngei am kü enyeih, lebü leimeyü hapa shennyakang dahshakei shemei leidai; mehenangkü üami laophü nyingi longpü leinya maanpü leihen, shejao üami laophü nyingi maanpü leihen, longpü vaihen.

2 SHÜPPÜKENGPÜ 7:14

ngelei men kü nyükpü ngelei nanglakthüi maanpü leiyei phopei ngelei dhe yemjema, hatü nemeipü lem kübü mong lepjema, ngei vangsho leipü ha danei jomei mang tükhen hatü jomei kahdok meihühen.

MENVIH KESHO 51:17

Kahvang touei yah-aokhenüng moilayü laangha mangpü; mongdang mangpü hatü mongleipü mongdang, nüngi ha neyaktükpih, Oh Kahvang.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

ISAIAH 61:1

Shembüpa Kahvangei laangha ngei kü nyüpeih, mehenangkü Shembüpai ngei jepeih; Büpai ngei tokvaihanghipüthü touei shahjangmei kohen, mongdang mangdaipüthü meihühen, Wüpküpei nyupüthü kü bümei baonghen, hatü khoklatei nyupüthü laihühen;

2 SHÜPPÜKENGPÜ 34:27

nüngi hapa shing hatü haleipü nanglakthü nangkü nüng mong lepei Kahvang touei maanpü leipü nangkü; nüngi maanpü leiyei nüngei ashakviha shaakei ngei touei theppü nangkü ngeiyao nüngi phoppü dantepih shei Shembüpai enyüke.

MIKA 6:8

Oh shennyak, mehe mei büpai ha am kü eteke. Shembüpai jen leipü yüpeyü ha khih: Mehe shahhing ha dükhen, düngei bampü huhen, hatü jenei Kahvang mü munenei kamhen.

LUK SHAHSHA APPÜ 11:28

Shejao büpai, “Üami Kahvangei shah danei düknya, hathüang moihiman!” shei e.

MENVIH KESHO 112:1

Shembüpa men longtuh! Shembüpa kü nyempü shennyak, hatü büpalei shahkungnyü kü mongongpü shennyak moihiman.

MENVIH KESHO 1:1

Üami nemeipü shennyakthüi shahnying epü lem kü nemü, nevaijü mangthülei lem kü nekam, nevaijü mih kü yaüpülungpü khongkü neom, jom moihimanpü.

JOB SHAHSHA APPÜ 42:6

Hanangkü ngei etükpeyü nejiü shei ngei lahnyeih, hatü ngei bhihla hatü depla kü hoiyei mong lepnyeih.”

MATHI 11:25

Hahepak kü Jisui e, “Ngei nüngei men longnyeih, Opa, vangsho hatü kahdoknyü Shembüpa; mehenangkü nüngi hathü douthü kon kohpü hatü nahpülangpüthü kübü jolang hatü aküngnaühathü kü ha shakei vamhüteke.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

MARK 10:14

Shejao mechem Jisui ha eepa, büpai jomphong kü mongshih-ei, “Maanpü hashihthü ngei touei peihütuh; jom kü tekhüamshuoh; mehenangkü Kahvang ongchingü hathü keipülei hih.

MATHI 13:16

Shejao ammei mükthü moihiman; mehenangkü hathüi eenyüke, hatü ammei dhaongi dannyüke.

ISAIAH 30:18

Hanangkü Shembüpai am kü phahjihen dannyüke, hatü büpai am kü shinshanghen yaongnyüke. Mehenangkü Shembüpayü shahhing Kahvang; Büpa kü omdanpü peü moihiman!

MENVIH KESHO 146:5

Jakob Kahvangi sheühhahpü amü moihiman, Shembüpa, jomei Kahvang kü monglempüthü moihiman!

2 SHÜPPÜKENGPÜ 33:12

Büpa shanghahpü nangkü büpai Shembüpa büpalei Kahvangei dhe yem, hatü chebü chepalei Kahvang touei longi maanpü lei.

MENVIH KESHO 41:1

Taopa kü bampü am moihiman; shanghahpü nyih Shembüpai jom yanglangnyeih.

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

2 SHÜPPÜKENGPÜ 33:23

Shejao chepa Manasseh-i mong leppü keiha büpa Shembüpa touei mong lepei nelei; Amoni mang nyeinya thah.

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

JOHAN 20:29

Jisui büpa kü, “Nüngi ngei eepü nangkü hinglemnyu je? Üami ne-ee shejao hinglemnya, jomphong moihiman” shei e.

MATHI 24:46

Shembü nyokei leishingkü dou dükei nyupü chongphobüyü moihiman.

MENVIH KESHO 84:12

Oh Jeiyong Shembüpa, üpai nüng kü hinglem, büpayü moihimanpü.

SHAHKÜP 8:2

Shembüpa, ammei Kahvangi bong pinyi thahshi jahpanei am müei daiyei ammei mong kü deihpü nyinghen hatü ammi büpalei shahkung ven bangüla shei shanghah shomei am kü dokpü deih-ei dangtuh.

JAKOB 1:10

hatü shemmei vaipü jeihinaü hüki büpa phangpa laphenei shapü nangkü mongmeituh; mehenangkü mophimo-ü phaü leipü chübong keiha laaidaihen.

KANDOK 8:32

Hanangkü shaang, ngelei hapeüthü, ngei epü kü bangtuh: Ngelei lem kü kampüthü moihiman!

2 SHÜPPÜKENGPÜ 33:19

Büpai phoppü, hatü mekei Kahvangi büpai phoppü yahpa, büpalei mang peü hatü büpa hingnelempü, hatü büpa mong lep shekü vaümchongthü hatü Asherah nyüha kahvangei lajeithü hatü lebü lajeithü lingei tuhpa, hathü kemei thibüthülei laitap kü nyangei nyüke.

SHAKEI VAMPÜ 22:14

Laophülei bhagthuh dhotüktü nyupüthü moihiman; mehenangkü jomphongü yangnyu pü kübü betjük hahhen jiüpü nyüpeih, hatü peshaden homei chingnyülei shüaokhen.

SHAKEI VAMPÜ 19:9

Hahepak kü vangsho phongshani ngei kü, “Ha nyangtuh: Mi Cheha shem yempü mo kü üam kü nyük moihiman!” Shao büpai, “Hathüyü hingshangpü Kahvangei shah” shei eteke.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

MENVIH KESHO 128:1

Üami Shembüpa kü nyem, hatü büpalei lemthü kü kamnya, moihiman.

MATHI 11:6

Üami ngei kü huluh neshuoh jom moihiman” shei e.

MATHI 8:11

Ngei am kü enyeih, heong heshü kübü longi peikahen hatü vangsho ongching kü Abraham, Isak hatü Jakob mü chemi hahyinghen,

MATHI 3:2

“Mong leptuh; mehenangkü vangsho ongching yopailei nyüke” shei e.

MATHI 19:14

shejao Jisui, “Maanpü hashihthü ngei touei deikei, hathü kü tekhüamshuoh; mehenangkü vangsho ongchingü hapa keipüthü shing hih” shei e.

LUK SHAHSHA APPÜ 22:29

Opa-i ngei kü ongching hük shuohpü keiha ngeiyao amphong kü ha shuohnyeih;

LUK SHAHSHA APPÜ 22:30

shejüang ammi ngelei ongching kü ngelei nükdülei hahhen yinghen aokhen, hatü ammi Israel jat anpünyi kü shahphenei uohen.

SHAKEI VAMPÜ 3:17

Mehenangkü ammi, “Ngeiyü shemmei hih, ngei lemphü nyüpeih; meheyao netaonyih” shei enyüke. “Shejao amü lomoh aühaü mong kü nemeipü, taopü, mükphüngpü hatü bümkong kü nyüke shei nenyingnyu.