MATHI 5:16 - DAÜLANGPÜ LAIHING (BSI)

¹⁶ Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

MATHI 5:16 Referans Kwoze

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

TITUS 2:7

Doumei peü kü nüng nyingi lappü meipü hutuh, hatü nüngi nyuhpü kü shahhing, hatü mih yepei leiaokhen mü nyuhtuh,

JOHAN 15:8

Ammi betjük longi jükpai ngelei nanglomthü khih shei huhen; hapai Opa müknyinshekhanghühen.

EPHESIA 5:8

Mehenangkü chem am shangmang nyuhampeih, shejao shaang Shembüpa kü amphongü vangngai. Vangngai hathü kei nyutuh;

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

1 PETER 4:14

Khristalei men kü am kü yaüphüjema, am moihimanpü; mehenangkü müknyinshekhangpü Laangha, Kahvang Laangha am kü nyuishi nyüke.

1 PETER 2:9

Shejao amphongü vangnyak kübü thamapü vangngai touei am nyüklangpü büpalei yashanpü douthü jung baonghen nyükei jelangpü li, ongpalei ngongli, daülangpü jat hatü Kahvangei nanglakthü nyüke.

ISAIAH 58:8

Shejüang ammei vangngai vanghela aongpükei nyahen, hatü am meihen lomi vamkahen; Ammei Yemleibü am she shongkahen, hatü Shembüpalei müknyinshekhang ammei ngaümpheilei mükahen.

TITUS 3:14

Nyihjeih nadang lanaokhen shingvaishi, hatü meheyao nanglei neshiüi nenyuhen shingvaishi doumei kü lanei shuoh-ei dükhen nanglakthü kü nyinghütuh.

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

HEBREW 10:24

hatü bampü hatü doumei dükhen nangkü hüki hük mü nangthongteishah.

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

1 PETER 4:11

Üpai chongvennya, Kahvang shah kü epükei chongventuh. Üpai chongphonya, Kahvangi shuohpü wongi chongphotuh; shejüang doulem peü kü Jisu Khrista homei Kahvang müknyinshekhanghen. Büpa kü müknyinshekhang hatü ngan den den kü lompü vaihütuh. Amen.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

1 PETER 3:1

Nyühathü, ha aihük mü amphongi laophülei baha phangkü nyutuh; shejüang jom hanei Kahvangei shah kü hingnelemjao, shah ne-e-i ammei dükhiling meipü homei jom mong lepei leiaokhen;

PHONGSHANTHÜ DOU 9:36

Shaang Joppalei nanglom hük Tabitha, (Greek shah mü Dorkas) shei menpü nyu. Pinnyü-ü düngei doumei dükpü hatü taopathü kü sheühhamteke.

1 TIMOTI 5:25

Hapa keiha doumeiyao ngaiheyei eenyeih, hatü hathü ngaiheyei ne-eejao joshi nenyuaokpih.

MATHI 5:45

shejüang amphongü vangsholei nyupü Palei hapeüthü vaihen; mehenangkü büpai nemeipüthü hatü meipüthü kao aihük mü vanghenyü aonghünyeih, daülangpüthü hatü nedaünelangpüthü kao vang keihünyeih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

1 TIMOTI 5:10

Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

1 TIMOTI 2:10

shejao Kahvang kü dhüm shuohpü nyühathü kei jiübenüng doumei-i owtuh.

GALATIA 1:24

Hatü ngei nangkü jomi Kahvang müknyinshekhangpeih.

ISAIAH 61:3

Mongtok mongshang kü Zionlei nyupüthü kü depla nangjei nethe meipü ong athen, mahng theppü nangjei mongongpü mainga, mongmahdaipü laangha nangjei dupü-oupü owhiai shuohhen shompeih. Jomphong keyü Shembüpai laophülei müknyinshekhang huhen shingvaishi büpai sheipü daülangshemshepü longkhampüthü shei nyükhen.

TITUS 3:4

Shejao mechem Kahvang jen Yemleipübalei phahji yahyang hatü bampü shakei vampa,

1 KORINT 14:25

hatü büpalei mongdangei joshi nyupü peü shakei nyingdaihen. Hanangkü büpa aümei shatü, “Hingmei, Kahvangü am khong mü nyüke” shei eyei Kahvang kü khümhen.

LUK SHAHSHA APPÜ 11:2

Büpai jomphong kü e, “Opa, nüngei men daülangpü vaituh. Nüngei ongching peikei.

MATHI 9:8

Mechem khongi ha eepa, jomphong nyempai ma, hatü hangku kü hapa keipü wong shuohpü Kahvang kü müknyinshekhang.

MATHI 23:5

Mih-i eehen shingvaishi jomi dou peü düknyüke; mehenangkü jomi jomei phaishuw pela longshi lingnyüke hatü ashakmai lushi ownyüke.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

MATHI 23:9

Amphongi kahdoknyülei üpa kao opa shei tenyük; mehenangkü ammei Pa hük vangsholei nyüpeih.

MATHI 6:9

Amphongi hapakei phoptuh: “Vangsholei nyupü hamei Opa, nüngei men daülangpü vaituh.

MÜLANGPÜ 34:35

Israel ami Mosalei dhe nyapü ee, hatü Mosai shao Shembüpa mü eteinüng mangdai thahshi ashaki büpalei dhe kü jümlang.