MATHI 5:12 - DAÜLANGPÜ LAIHING (BSI)

¹² Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

MATHI 5:12 Referans Kwoze

LUK SHAHSHA APPÜ 6:23

Ha nyih am mongmeituh, hatü mongongpai phaukteituh; mehenangkü vangsholei ammei thintho longpü nyüke; mehenangkü jomei bühipathüi thibüthü kü hapakei dükhampeih.

JAKOB 1:2

Ngelei jeihinaü hatü nyahinaüthü, mechem ammi menüng keipü dokpü heühenshang hayü meheyao nevai, shejao mongong shei deih-ei dangtuh;

KOLOSI 3:24

Laklei vaishi SHEMBÜPAleipü mükjüp danghen shei ammi nyingei nyüke. Hapayü Shembüpa Khrista amphongi chongphonyeih.

1 PETER 4:13

Shejao Khrista shangpongpü kü hean yahnyeih shei deihpai mongmeituh; shejüang büpalei müknyinshekhang shakei vamshingkü am mongmeihen hatü mongongpai lenhen.

KOLOSI 1:24

Shaang ngei ammei men kü shangpongpü kü mongongnyeih, hatü Khristai büpalei büm lappai, attoi shingvaishi shangpongpü kü mepa taoei nyu, ha ngelei phai kü changhünyeih.

ROM SHAHSHA APPÜ 5:3

Ha mon nevai, shejao shangpongpai munenpü vamnyeih shei nyingei jeniyao jen shangpongpü kü changmeinyeih,

RUTH 2:12

Nüngi mehe dükpa, ha kü Shembüpai nüng kü nyemshempha. Shembüpa, Israel Kahvang, üpalei kaokhiyang phangkü loihen nüng peitepa, büpai nüng kü thintho changshi nyemyahphama” shei e.

MENVIH KESHO 58:11

Nanglakthüi, “Hingmei daülangpüthü shing laklei nyüke; hingmei kahdoknyü kü shahhing shahphenpü Kahvang nyüke” shei ehen.

ISAIAH 3:10

Daülangpüthü kü am-üng vangmei khih shei eyeishuoh; Mehenangkü jomi laophülei lak kübü vampü hahshi nyuhen.

KANDOK 11:18

Nemeipü ami mang lat dangnyeih, shejao üpai daülangshemshepü hainya, hingshangpü thintho danghen.

2 SHÜPPÜKENGPÜ 36:16

shejao Shembüpai laophülei nanglak kü longi mongshih-ei meilem neshiüi manglei thahshi jomi Kahvangei shahjang kobüthü kü ne-ienelem, büpalei shahthü yaktük hatü thibüthü kü yaüteke.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

HEBREW 11:6

Hinglempü neshiüi Kahvang mong hahhühenü neaokbenüng; mehenangkü üami büpa touei peihenshang, büpa nyüpeih shei hinglemhen vongbong hatü büpa yempüthü kü laklei shuohnyeih.

1 THESALONIKA 2:15

Jomi Shembüpa Jisu, hatü thihivamthü jütük, hatü hamphongao changtük; jomi Kahvang mongneonghü,

PHILIPPI 2:17

Shejao jakpü moila hatü am hinglempü moila kü ngei yiü cheipü keiha ngei am peü mü mongongnyeih hatü mongmeinyeih,

1 ONGPATHÜ 18:13

Mechem Jezebeli Shembüpalei thibüthü jütükkempa, ngei Shembüpalei thibüthü kho hük müei daiyei yaongsha nyi kü pinyipüan baong johütü hahying üh-ei angpü ngelei shembü kü üpaiyao ne-ephaangpü je?

2 KORINT 4:17

Mehenangkü hapa maanpü hatü kansho hük shangpongpü homei ham shing shetei neaokpü nedohnetenpü müknyinshekhang temnyanyüke;

PHONGSHANTHÜ DOU 5:41

Jomphong shahtap leipü vamei daishingkü jom mongong; mehenangkü hapa men nangkü ne-ienelem ponghahhen shangpeih shei deih.

MATHI 6:16

Mechem am shüaeiyunglehen, akhümmongümthü kei dhe mangei tehu; mehenangkü jomi mih kü shüaeiyunglenyeih shei huhen shingvaishi dhe yimnyüke. Hingmei ngei am kü enyeih, jomi jomei laklei danglangteke.

1 KORINT 3:8

Sheibü hatü yung shihpü nyiphen aihük mükhong nyüpeih, hatü jijiphen laophülei dou aimü lat danghen.

LUK SHAHSHA APPÜ 6:35

Shejao ammei vepathü kü bamtuh, mei dükeishuoh, nyokei danghen shei mongnelemi lueishuoh. Ammei laklei longshi nyuhen, hatü amphongü Chaipübalei hapeüthü vaihen; mehenangkü büpayü menvih neshuohpü hatü nemeipüthü kü bamnyeih.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

PHONGSHANTHÜ DOU 16:25

Nyak jiam kü Paul hi Silas nyi Kahvang kü phopei hatü kesho lokei nyu, hatü khoklatei küppüthüi jiji kü bangei nyu.

LUK SHAHSHA APPÜ 13:34

“Oh Jerusalem, Jerusalem, thibüthü jüpü hatü halei shompüthü kü yaongi shükei jüpü chingnyü! Meshükpa ngei ounyüi ouhathü pinnyülei yang phangei thaiyei tuhpükei ammei hapeüthü thaiyei tuhhen kenpa, shejao ammi ha nemong!

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

MENVIH KESHO 19:11

Hathüi nüngei chongphobü kao kihikon shuohnyeih; hathü noteijü laklei nyüpeih.

2 SHÜPPÜKENGPÜ 16:10

Hapa thibüpai ha eshuohpü nangkü Asa longi mongshih; büpa longi mongshih-ei büpa yepei khoklatei tuh. Hahepak kü-üng nanglak hanei kü longi nemei-i shüvei.

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

JEREMIAH 26:8

Shejao Shembüpai büpa kü etuh shei epü lemphü nanglakthü kü Jeremiah-i ekümhinüng, ngongpathü, thibüthü hatü nanglakthü peü thaiyei büpa yep, hatü, “Nüng jühen!

1 ONGPATHÜ 22:8

Israel ongpai Jehoshaphat kü jangei, “Jeni Shembüpa kü phehen meyü shao lebü shennyak hük, Imlahlei cheha Mikaiah nyüpeih, shejao ngei büpa kü jiühitnyeih; mehenangkü büpai chemao ngei kü meipü jung ne-ephünyih; düngei nemeipü mon ephünyeih” shei e. Jehoshaphati jangei, “Nüngi hapakei te-e” shei e.

1 ONGPATHÜ 21:20

Ahabi Elijah eeyei büpai, “Oh ngelei vepa, nüngi ngei eepü je?” shei e. Elijah-i jangei, “Hih, ngei nüng eetepih. Mehenangkü nüng nyingi Shembüpa touei mehe mang ha dükhen yutükpü nangkü,

HEBREW 11:26

Ijip amei mop leimü Khristalei men kü shangponghen nyeinya longpü mop shei büpai deih; mehenangkü büpai shesha leipü laklei kü veishi nyuteke.

2 ONGPATHÜ 1:9

Hahepak kü ongpai Elijah touei veshan pinyipüan shak kü mübü hük mü veshan pinyipüan shom. Shangching hükei uoshi nyupü Elijah touei büpa aongei büpa kü, “Oh Kahvang shennyak, chem leikütuh shei ongpai enyüke” shei e.

1 ONGPATHÜ 19:2

Hanangkü Jezebeli Elijah touei phongmokbü shomei, “Ha thibüthü kü nüngi dükpükei ngenyih hapa hepak kü ngei nüng kao nedükjema, kahvangi ngei kao hapakei nevaijü hapa mao nyeishi nyemdükpha” shei e.

JEREMIAH 37:14

“Hapakei nevaipih! Ngei Babylon am tuhphongnyu nevai” shei Jeremiah-i e. Shejao Irijah-i büpai epü kü nebangi büpai Jeremiah yepei lakchongbüthü touei müei dei.

PHILIPPI 1:29

Mehenangkü hapayü Khristalei men kü hinglemhen mon nevai, shejao büpa shingvaishi shangponghenao am kü shuohpeih.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

HEBREW 11:33

Jomi hinglempü homei ongchingthü neütük, shahhingi vanglem lem, lahtükpü dang, mailangthülei juao küptük,

JAKOB 5:10

Jeihinaüthü, shangpongpü kü munenpü lappü vaishiyü Shembüpalei men kü epü thibüthü yahtuh.