MATHI 4:23 - DAÜLANGPÜ LAIHING (BSI)

²³ Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

MATHI 4:23 Referans Kwoze

MATHI 9:35

Hapheikü Jisui chingnyü chingha peülei daiyei jomei Sinagoglei nyuh, hatü ongching jung shahjangmei baongei, din lemphü hatü tüngpüthü meihüei dai.

MARK 1:39

Büpai Galil peü lemei daiyei Sinagogthülei shahjangmei chongven hatü mang laanghathü changtük.

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

LUK SHAHSHA APPÜ 7:22

Hanangkü büpai phongmokbüthü kü, “Leituh, hatü ammi mehe ee, hatü dan ha Johan kü eyeishuoh: Mükphüngpüthüi eenyüke, lakhopüthü kamnyüke, ngombüthü meidainyüke, aangdaipüthüi dannyüke, didaipüthü yangei leishihnyüke, taopathü kü shahjangmei chongvennyüke.

MATHI 11:5

Mükphüngpathüi eenyüke, la khopüthü kamaoknyüke, ngombüthü daüdainyüke, aangdaipüthü dannyüke, didaipüthü yangei leishihnyüke hatü taopathü kü shahjangmei chongvennyüke.

MATHI 13:54

laophülei ching yemei leiyei Sinagoglei nanglakthü kü nyuhhen chongpang, hatü nanglakthüi büpa kü yashanei, “Hapa shennyaki meleipü kihikon, hatü yashanpü dou dükhen ngan dangpa yo?” shei phe.

MARK 1:21

Jomphong Kapernaumei heih, hatü mechem Sabbath nyih ngoipa, büpa Sinagoglei shüei nyuhteke.

MENVIH KESHO 103:3

Büpai nüngei mang kemei tüknyeih, nüngei din kemei meitüknyeih.

ROM SHAHSHA APPÜ 10:15

Ha nyangei nyüke: “Hatü jom neshom pheikü mekei etü jomi büpa jung baonghen? “Shahjangmei kopüthülei la mekei nethe meipüang!”

LUK SHAHSHA APPÜ 8:1

Hapheikü müshi büpai chingnyü chinghathülei Kahvang ongching shahjangmei baongei dai. Nanglom anpünyi büpa mü nyu,

MARK 6:2

Sabbath nyih büpai Sinagoglei nyuhhen pang, hatü büpai nyuhpü danpüthü peü yashan. Jomi, “Hapa shennyaki hathü meleipü danghahpa yo? Yashanyalepü douthü dükhen mü büpa kü menüng keipü kihikon shuohpa yo? Büpai mekeipü yashanyale douthü düknya?

MATHI 24:14

Hatü hapa ongching shahjangmei kahdoknyü peü lemei denpü hük vaishi jatthü peü kü chongvenhen; hapheikü dohpü ngoikahen.

MATHI 12:9

Büpa hatoueipü daiyei Sinagoglei shü,

JOHAN 18:20

Jisui jangei, “Ngei kahdoknyü kü ngaiheyei etepih; ngei düngei Jehoda am peü thaipü Sinagog hatü phopshemei nyuh-ei nyuhampeih. Ngei joei meheyao ne-eangpih.

LUK SHAHSHA APPÜ 13:10

Shaang büpa Sabbath kü Sinagog hükei nyuh-ei nyu.

LUK SHAHSHA APPÜ 9:11

Mechem khongnyüi ha danpa, jomphongao büpa phei mü, hatü büpai jomphongao mongongshi yah, hatü jomphong kü Kahvang ongching jung eshuoh, hatü tüngpü meihahhüpüthü meishuoh.

LUK SHAHSHA APPÜ 5:17

Nyih hük büpa nyuh-ei nyushingkü Galil, Judea hatü Jerusalem leipü peipü Pharisee am hatü shahkung nyuhbüthü büpa yopailei uoshi nyu, hatü tüngpüthü meihühen ngan Shembüpa kü nyu.

MARK 6:6

Jomi hingnelempü kü büpa yashan. Hapheikü büpai shinpü chingthü kü nyuh-ei dai.

MARK 3:10

Mehenangkü büpai tüngpü longi meihüpü nangkü din nyupüthü peü büpa kü honghen hungtei hungteitü thai.

MARK 1:14

Shaang Johan yepei khoklatei tuhpheikü Jisui Galilei Kahvangei shahjangmei chongvenei pei,

MENVIH KESHO 74:8

Jom nyingi, “Hami jom neütükhen” shei enyüke, Jomi kahdok kübü Kahvangei daülangpü shing peü awi haptük.

PHONGSHANTHÜ DOU 20:25

Ngei mü amphong Kahvang ongching jung chongvenei daipüthü üpaiyao sheyü ngelei dhe ne-eeshasha shei ngei nyingdaiteke.

PHONGSHANTHÜ DOU 18:4

Sabbath nyih ieyei kü büpai Sinagoglei shah shükteiyei nyu, hatü büpai Jehoda hatü Greek am lepei leihen khe.

JOHAN 6:59

Büpai hathüyü Kapernaumei Sinagoglei nyuhpü hepak kü eteke.

LUK SHAHSHA APPÜ 10:9

Haleipü tüngpüthü meihütuh hatü jom kü, ‘Kahvang ongching am yopailei nyüke’ shei etuh.

LUK SHAHSHA APPÜ 6:17

Jisui büpalei nanglomthü mü kahji hükei yiüei yaong. Büpalei nanglom khongnyü longpü hük mü khong longpü hük Judea, Jerusalem hatü Tyre hi Sidon yungkung kübü peipüthü nyu.

MATHI 14:14

Mechem büpa yungkungei heihpa, büpai khongnyü longpü ee, hatü büpai jom kü shinshangei deih, hatü jom tüngpü meihü.

MATHI 13:19

Mechem hanei ami hapa ongching jung epü shah bangtü nyingei neyahhen, mongdangei mehe sheili haiyei tuh, kahshih peiyei ha aetei lüdainyeih; lemshongei haipü sheiliyü ha hih.

MATHI 3:2

“Mong leptuh; mehenangkü vangsho ongching yopailei nyüke” shei e.

JOHAN 7:1

Hapheikü Jisu Galilei kamtei. Büpai Judea philei neheihhü; mehenangkü Jehoda ami büpa jühen lem yemei nyuteke.

LUK SHAHSHA APPÜ 20:1

Nyih hük büpa phopshemei nanglakthü kü nyuh-ei shahjang meipü chongvenei nyushingkü ngongpathü hatü shahkung nyuhbüthü, hatü behethü peiyei,

LUK SHAHSHA APPÜ 4:14

Hapheikü Jisui Laangha Daülangpai maei Galilei nyokei lei, hatü büpa jung shinpü kahmük peü lemei yanei dai.

LUK SHAHSHA APPÜ 6:6

Lebü Sabbath hük kü büpai Sinagog hükei shüei nyuh, hatü halei shennyak hük lakdahphi didaitü nyu.

LUK SHAHSHA APPÜ 7:21

Hahepak kü jiüshi Jisui dinlem longi, chamhilem, hatü mang laangi yeppüthü, hatü mükphüngdaipüthü kü mük aphüei nanglakthü longi meihüei nyu.

LUK SHAHSHA APPÜ 9:60

Shejao Jisui büpa kü, “Dipüthüi jomei mahng nyemvühah, shejao nüng payü daiyei Kahvang ongching baongtuh” shei e.

LUK SHAHSHA APPÜ 16:16

Johan thahshi shahkungthü hatü thihivam shahthü baongteke; ha hepak kübü Kahvang ongching shahjangmei baongteke, hatü peüi halei aetteiyei shühen khenyüke.

PHONGSHANTHÜ DOU 28:31

Büpa monglongshi hatü meheyao khüampü neshiüi Kahvang ongching baongei Shembüpa Jisu Khrista jung nyuhteke.