MATHI 28:6 - DAÜLANGPÜ LAIHING (BSI)

⁶ Büpa hamü nenyu; mehenangkü büpai epükei büpa yangei leidaiteke. Heihkei, büpa lempü shing kü veihümao.

MATHI 28:6 Referans Kwoze

MARK 16:6

Shejao büpai jiji kü, “Tenyem, anjiyü shophang kü aptükpü Nazareth am Jisu yemnyu khih. Büpa yangei leidaitih; büpa hammü nenyu. Büpa lempü shing kü veituh.

MATHI 12:40

Mehenangkü Jonah nyih jem, ya jem nyah-ei vom mongei nyupü keiha Shennyak Hayao nyih jem ya jem kahdok mongei nyuhen.

MATHI 16:21

Hahepak kü pangei Jisui büpalei nanglomthü kü büpa Jerusalemei daihen, hatü behethü, ngongpathü hatü shahkung nyuhbüthülei lakmongei longi shangponghen, hatü jühen hatü nyih jempabü kü yangei leihen shei ehen chongpang.

LUK SHAHSHA APPÜ 24:23

shejao jomi büpalei mahng ne-ee, shejao jomphong nyokei leiyei hamphong kü vangsho phongshan eepeih, hatü hathüi büpa yangei leidaitih shei eshuohpü jung eküpeih.

LUK SHAHSHA APPÜ 24:44

Hapheikü büpai jomphong kü, “Hathüyü ngei amphong mü nyushi am kü epü shahthü hih– Mosa shahkung, thihivam laithü hatü menvih kesho kü ngei nang nyangei nyupü peü dhaümkahen” shei eteke.

MATHI 27:63

“Longpüba, hapa peileipai yemmü nyushi, ‘Ngei nyih jem angtü yangei leikahen’ shei epü deih-ei dangnyüke.

JOHAN 2:19

Jisui jomphong kü, “Hapa moila shem bentü nyih jem mongkü shao vehen hih” shei e.

MARK 8:31

Hapheikü büpai jomphong kü nyuhhen pangei, Shennyak Ha longi shangponghen hatü behethü, ngongpathü hatü shahkung nyuhbüthüi büpa yaktükhen, hatü jühen, hatü nyih jem pheikü yangei leihen.

JOHAN 10:17

Mehenangkü ha tata kü Opai ngei kü bamnyeih, mehenangkü nyipabü anlanghen shingvaishi ngei ngelei yangnyu lanei shuohnyeih.

LUK SHAHSHA APPÜ 24:12

Shejao Peter yaongei mahngchongei mokei heih; büpai aümei shatü veiyei shüshihjü büpai nyemin ashak mon ee; hapheikü büpai hapa vampü kü thamaei shemei lei.

MATHI 20:19

hapheikü jomi büpa Kung am kü yaühühen, üphen hatü shophang kü aphen, hatü nyih jempabü kü yangei leihen” shei e.

MATHI 17:23

hatü jomi büpa jühen, hatü nyih jempabü kü büpa yangei leihen” shei e. Hapai jomphong longi mongshang.

MATHI 17:9

Jomphong kahshang leipü leishingkü Jisui jomphong kü, “Shennyak Ha dipü kübü yangei manglei thahshi hapa manghkhang jung üpa kao te-e” shei ngeükhüam shuoh.

PHONGSHANTHÜ DOU 2:24

Shejao Kahvangi büpa dipü hanghi kübü bümei leihüei yangei leishih; mehenangkü dipülei ngani büpa shümei netuh-aok.