MATHI 27:43 - DAÜLANGPÜ LAIHING (BSI)

⁴³ Büpai Kahvang kü hinglemnyüke; shaang Kahvangi mongjema büpa nyemyangshuoh; mehenangkü büpai, ‘Ngeiyü Kahvang Ha’ shei epeih” shei eteke.

MATHI 27:43 Referans Kwoze

MENVIH KESHO 22:8

“Büpai Shembüpa kü hinglemnyüke; Shembüpai büpa nyemyangshuoh. Büpai büpa kü monghahnyüke; hanangkü büpai büpa nyemyangshuoh” shei jomienyüke.

JOHAN 10:36

‘Ngeiyü Kahvang Ha’ shei epü nangkü Opai daütüktü kahdoknyülei shompü hüki thaüvaüei enyüke shei ammi eaokhen je?

JOHAN 19:7

Jehoda ami büpa kü jangei, “Hamei shahkung hük nyüpeih, hatü hapa shahkung aimü büpa dihen jiüteke; mehenangkü büpai büpayü Kahvang Ha hih shei epeih” shei eteke.

JOHAN 10:30

Opa hatü ngeiyü hük.

MATHI 27:40

hatü “Phopshem mangtü nyih jem mongkü veaokhen shei epü-ü, laophü nying yangtuh! Nüngü Kahvang Ha vaijema shophang leipü shühkei” shei e.

ISAIAH 37:10

“Judah ongpa Hezekiah kü ha eyeishuoh: ‘Jerusalemü Assyria ongpalei lak kü neshuohpih’ shei epü nüngi hinglempü Kahvangi lupülempü kü tevü.

ISAIAH 36:18

‘Shembüpai jen yangphahen’ shei eshi Hezekiah-i müpü lemnyong kü am tekam. Assyria ongpalei lakmong leipü mepa jatei kahvangi laophülei kahmük yangei nyüpa?

ISAIAH 36:15

Shembüpa kü hinglemtuh shei Hezekiah-i am kü yawhpü kü tevü. ‘Shembüpai jen yangphahen, büpai hapa chingnyü Assyria ongpalei lak kü neshuohtükpih’ shei enyüke.

MENVIH KESHO 71:11

“Kahvangi yaktükpü hapa shennyak phei changei daiyei yeptuh; mehenangkü büpa yanghen üpayao neshiü” shei jomi eteinyüke.

MENVIH KESHO 42:10

Ngelei büm kü dihen mü ma yahtü nyüpeih; ngelei vepathüi ngei kü yaüei, “Nüngei Kahvang melei nyüpa?” shei düngei enyüke.

MENVIH KESHO 14:6

Am nemeipüthüi taopathülei küpjan bentüknyüke, shejao Shembüpayü jom loishing.

MENVIH KESHO 3:2

Longshi shingi ngei kü, “Kahvangi büpa neyangaokpih” shei enyüke.

MATHI 27:54

Shaang mechem veshan kho hük shak kü mübü hatü büpa mü Jisu yomei nyupüthüi pedi vükpü hatü vampü douthü eepa, jom longi nyem hatü jomi, “Hingmei, büpayü Kahvang Ha vaipü khih” shei etei.

LUK SHAHSHA APPÜ 23:35

Nanglakthü veiyei yaongshi nyu, shejao mübüthüi büpa kü yaüeilungei, “Büpai mih yangteke; büpayü Kahvangei Messiah, jelangpü hük vaijema büpa nyingi nyemyang” shei e.

LUK SHAHSHA APPÜ 23:37

hatü, “Nüngü Jehoda amei Ong vaijema, nüng nyingi yangtuh” shei e.