MATHI 27:19 - DAÜLANGPÜ LAIHING (BSI)

¹⁹ Mechem büpa shahphenpü uoshingei uoshi nyupa, chenyüha-i büpa kü, “Hapa mang neshiüpü shennyak kü meheyao tedük; mehenangkü shinnyih ngei büpa nangkü mangh hük kü ngei longi shanghahpeih” shei shah shomei e.

MATHI 27:19 Referans Kwoze

MATHI 27:24

Hanangkü mechem Pilati meheyao nedükaokhen khih shei nyingpa, shejao mophicheü pangdainyu khih shei veiaokpa, büpai yung maani yah-ei khong touei lak hüh-ei, “Hapa shennyak dipü mang ngei nekohen; ammi mongpükei dükpü vaite” shei e.

1 PETER 2:22

“Büpai mang nethah, hatü büpalei ju kübü shahshem hükao nevam.”

JOHAN 19:13

Mechem Pilati hathü shah danpa, büpai Jisu chingshelei müei anei, “Yaongdü” nevaijü Hebrew shah mü “Gabbatha” shei epü shingei shahphenpü uoshing kü uoteke.

LUK SHAHSHA APPÜ 23:47

Mechem veshan kho hük shak kü mübüi mehe vam, ha eepa, büpai Kahvang kü menvih shuoh, hatü “Hingmei, hapa shennyakü daülangpü vaipü khih” shei e.

KANDOK 29:1

Longi lohhah pheikü üpai mong vaanei nyuhenshang, yanglem neshiüi topshi mahhen.

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

MATHI 27:4

Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

MATHI 2:22

Shejao mechem büpai chepa Herod nangjei Arkhelaus-i Judea kü vanglem lemnyükeja shei danpa, büpa halei leihen nyem, hatü mangh mü eshuohpü nangkü büpa Galil kahdokei leidai.

MATHI 2:19

Mechem Herod didaipa, Ijiplei Joseph kü mangh mü Shembüpalei phongshan hük vamei,

MATHI 1:20

Shejao mechem büpai hapa dükhen temei nyupa, Shembüpalei phongshan hük büpa touei mangh kü peiyei, “David ha Joseph, nüngi laophülei nyüha vaishi Mary yahhen tenyem; mehenangkü pinnyülei koshi nyupü naü-ü Laangha Daülangpü kübü nyüpeih.

ZEKHARIAH 9:9

Longi mongongtuh, Oh Zion nela! Wongmü lentuh, Jerusalem yiükha! Veituh, ammei ongpa am touei, daülangshemshepü kü, hatü yemleipü kotü nenteiaokpai gadu chebaongha dok shangkü uotü am touei peikünyüke.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

BHEI-IE 12:6

“Ngei epü bangtuh: Mechem am mü thibüthü nyuhen, ngei jom touei manghkhang homei shakei vamnyüpeih; Ngei jomphong mü mangh kü eteinyüpeih.

KAHBHAO 31:29

Ngei nüng kü lak shihhen aokshi nyüpeih, shejao meya ampalei Kahvangi ngei kü, ‘Jakob kü ten vaituh mei vaituh shah phahükao ne-ehen lituh’ shei ephopeih.

KAHBHAO 31:24

Shejao Aram am Laban touei yanüng mangh mü Kahvang yiüei büpa kü, “Jakob kü ten vaituh mei vaituh shah phahükao neehen lituh” shei e.

LUK SHAHSHA APPÜ 23:41

Jiyü jiüpü kü ponghahnyeih, mehenangkü jilei doui shangpü dangpeih. Shejao hapa shennyaki meheyao nejiüpü nedük” shei eteke.

KAHBHAO 31:11

Kahvangei phongshani mangh mü ngei kü, “Jakob” shei nyük, hatü ngei, “Ngei hammü nyüpeih” shei e.

MATHI 27:18

Hapayü mükhakpü homei büpa yepei shuohpü khih shei büpai nyingdai.

PHONGSHANTHÜ DOU 12:21

Itteipü nyih Herodi ong-ow temtü ong uoshingei uotü nanglakthü touei shah e.

PHONGSHANTHÜ DOU 18:12

Shejao mechem Gallio-ü Akhaia kü Rom governor nyupa, Jehoda am hoi jemtü Paul yepei shahphen shingei dei.

PHONGSHANTHÜ DOU 18:16

Büpai jomphong shahtap leipü yantük.

PHONGSHANTHÜ DOU 18:17

Hahepak kü jom peüi Sinagog leipü lakchongbü Sosthenes yepei shahtap shelei üpteke, shejao Gallio-i ha kü yaakeiyao nevei.

PHONGSHANTHÜ DOU 25:6

Büpa jom mü nyih shet nevaijü nyih an nyupheikü Kasarealei lei, hatü nyihphei büpa shahphen shingei uo, hatü Paul büpa touei müei deikei shei ngeükhüam shuoh.

PHONGSHANTHÜ DOU 25:10

Pauli, “Ngei ongpalei shahphen shingei yaonghen nanyüpeih; hatouei ngelei shahphenhen vongbong. Ngei Jehoda am kü meheyao pungei nedük ha nüngiyao meishi nyingei nyüke.

PHONGSHANTHÜ DOU 25:17

Mechem jom ngei mü ponghen hatouei peiküpa, shahphen shingei thaihen kaaei nenyui nyihphei-üng nyükpeih, hatü hapa shennyak müei deikahen ngeükhüam shuohpeih.