MATHI 26:64 - DAÜLANGPÜ LAIHING (BSI)

⁶⁴ Jisui büpa kü, “Nüngiang eteke. Shejao ngei nüng kü enyeih, shaang mebü nüngi Shennyak Ha Jeiyongpalei lakdah philei uotü phum shangkü yiüküpü eehen” shei e.

MATHI 26:64 Referans Kwoze

DANIEL 7:13

Yanüng manghkhang kü ngei veishi nyushingkü, veiheni shennyak hük leshi phumi ngeihtü vamei Aivangpa touei peiyei yaong.

MARK 14:62

Jisui, “Ngei hih, hatü nüngi Shennyak Ha Jeiyong Kahvangei lakdah philei uotü vangsho phum shangkü yiüküpü eehen” shei jangei e.

MENVIH KESHO 110:1

Shembüpai ngelei Shembüpa kü, “Ngei nüngei vepathü nüngei la phangei mangshouptük thahshi ngelei lakdah philei uotuh” shei e.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

LUK SHAHSHA APPÜ 21:27

Hahepak kü jomi Shennyak Ha ngan hatü müknyinshekhang kü phum shang kü yiüpü eehen.

MATHI 24:30

Hahepak kü Shennyak Ha nyangeihepü phumshangei vamhen, hatü kahdoknyü jatthü peü thephen. Jomi Shennyak Ha vangsho phumthü shangkü uotü ngan hatü müknyinshekhang longpü kü yiüpü eehen,

MATHI 26:25

Büpa luhahpü Judasi büpa kü, “Nyuhbü, hingmei ngei nevai je?” shei e. Büpai, “Nüngi eteke” shei jangei e.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

1 THESALONIKA 4:16

Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

PHONGSHANTHÜ DOU 1:11

Jijinyi-i, “Galil am, mehekei amphongi vangshangei veishi hatouei yaongnya? Hapa aihük Jisu üpa am toueipü vangsholei anlangi eenya, hapa kei-üng büpa yiükahen” shei eteke.

JOHAN 18:37

Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

LUK SHAHSHA APPÜ 22:70

Jom peüi büpa kü, “Shejema, nüngü Kahvang Ha je?” shei phe. Büpai jomphong kü, “Ngeiyü ha khih shei ammi enyüke” shei e.

MATHI 27:11

Shaang Jisu governor touei yaong, hatü governor-i büpa kü, “Nüngü Jehoda amei Ong je?” shei phe. Jisui, “Nüngi enyüke” shei e.

ROM SHAHSHA APPÜ 14:10

Mehekei nüngi laophülei nyahinaü hatü jeihinaü kü shahphen shuohnya? Nevaijü mehekei nüngi laophülei jeihinaü nevaijü nyahinaü kü ne-ienelemnya? Mehenangkü jen peü Kahvangei shahphenpü uoshing touei yaonghen.

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

MATHI 8:20

Jisui büpa kü, “Mahuthü yaongdung nyüke, hatü shangouhathü shing jep nyüke, shejao Shennyak Ha shangjing haüshing meleiyao neshiü” shei e.

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

MATHI 22:44

‘Shembüpai ngelei Shembüpa kü, nüngei vepathü nüngei la phangei mangtuh thahshi nüng ngelei lakdah philei uotuh’ shei e.

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

LUK SHAHSHA APPÜ 22:69

Shejao shaang mü leitü Shennyak Ha Kahvangei ngan kü lakdah philei uohen” shei e.