MATHI 26:29 - DAÜLANGPÜ LAIHING (BSI)

²⁹ Ngei am kü enyeih, Opalei ongching kü amphong mü nyalingngupai yiü ja yinghen nyih mangngoi thahshi ngei amphong mü hapa nyalingngupai yiü nenyinghen.”

MATHI 26:29 Referans Kwoze

SHAKEI VAMPÜ 7:17

mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

MARK 14:25

Hingmei ngei eshah, Kahvang ongching kü amphong mü nyalingngupai yiü ja yinghen nyih mangngoi thahshi ngei amphong mü hapa nyalingngupai yiü neyinghen” shei e.

MENVIH KESHO 40:3

Büpai ngelei ju kü kesho ja hük shih, jenei Kahvang kü menvihpü kesho hük. Longshi shingi ha eetü nyemhen, hatü Shembüpa kü hinglemhen.

PHONGSHANTHÜ DOU 10:41

hayü shennyak peü touei nevai shejao Kahvangi denbüthü vaihen jepü hamphong touei hatü büpa yangei leipheikü üami büpa mü hah hatü ying hathü touei vamei huteke.

JOHAN 17:13

Shejao shaang ngei nüng touei peikünyeih, hatü jom kü ngelei mongong changhühen shingvaishi ngei kahdoknyülei hathü enyüpeih.

MATHI 13:43

Hahepak kü jomei Chepalei ongching kü daülangpüthü vanghenyü kei nyahen. Dhaong kohpü peüi bangtuh!

SHAKEI VAMPÜ 14:3

hatü jomi ong uoshing touei, hatü yemmü nyupü yemhathü ali touei, hatü behethü touei kesho ja hük lok. Kahdoknyü leipü angei leilangpü jom 144, 000 mü lenei üpaiyao ha kesho nenying.

LUK SHAHSHA APPÜ 15:32

Shejao jeni mo hah-ei mongongshah; mehenangkü nüngei naüpeü didai-i nyuteke, hatü yem leiteke; büpa mahdai-i nyuteke, shejao dangteke” shei e.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

ISAIAH 53:11

Büpa shangpong pheikü büpai yangnyu vangngai danghen, hatü büpa shangpongpeyü angsha nevai shei nyingei mongonghen. Ngelei hingshangpü chongphobü homei longi dah shakhühen, hatü büpai jomei mangthü kolanghen.

JOHAN 15:11

Ngelei mongong am kü nyuhen hatü am mongongpü changhühen shingvaishi ngei hathü am kü epeih.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 18:20

Melei ngelei men kü nyi nevaijü jem thaiyei nyu, halei ngei jom mü nyüpeih.

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

ZEKHARIAH 9:17

Jom meshük veinyuhüshi hatü dhe meishi chongkahen! Hahyingi nethethü hatü yiünaüi nelathü wong kohhühen.

ZEPHANIAH 3:17

Shembüpa, ammei Kahvang amphong mü nyüke, büpa kü am yanghen wong nyüke. Büpai am kü mongongpü longpü nyuhen, Büpa bampü kü büpaiam kü yangnyu ja lingphahen, Büpai am shak kü mongong longpai mohitap kü kei kesho lokhen.

MENVIH KESHO 104:15

hatü hangku mongonghühen yiü, dhe nyanghen mainga, hatü hangkulei mongdang wong kohhühen hahying vamhünyeih.

MENVIH KESHO 4:7

Hahying hatü yiü changshi nyupü mao nyeishi nüngi ngelei mongkü mongong longpai mahüpeih.

JOHAN 16:22

Hanangkü shaang am tüngnyüke, shejao shao ngei am eehen, hatü am mongonghen, hatü am leipü ammei mongong üpaiyao neyahlanghen.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

ISAIAH 25:6

Hapa kahshangei Jeiyong Shembüpai nanglakthü peü shingvaishi hahying peü changshi, hatü meipü yiü omshi mo hük temhen.

SOLOMONEI KESHO 5:1

Ngei ngelei pemongei peitepih, ngelei naüpeü, ngelei shembünyü; ngei myrrh mü vong meipü meli thaitepih. Ngei ngelei nyahdük hatü nyahjiü hahtepih; ngei ngelei yiü hatü amma yingtepih. Hahtuh, Oh küphüthü, hatü moh-ei yingtuh, Oh ngei bampüthü.

MATHI 26:28

mehenangkü hapayü longshi shing mang tükpü danghen shingvaishi haipü vangteishuwteipü ngelei iy.

MATHI 26:30

Jomphongi kesho hük loktü Olive Kahshangei aong.