MATHI 26:28 - DAÜLANGPÜ LAIHING (BSI)

²⁸ mehenangkü hapayü longshi shing mang tükpü danghen shingvaishi haipü vangteishuwteipü ngelei iy.

MATHI 26:28 Referans Kwoze

LEVI 17:11

Mehenangkü yangnyu hük yemmü nyuhenü iy kü nyüpeih, hatü ha vaipü nangkü ngei am shingvaishi moidülei moilahen hayü shuohpeih; hapayü yangnyu hükei mang tükhen iy nyüke.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

1 KORINT 11:25

Ha aihük mü aan hahpheikü büpai shao yungshong yah-ei e, “Hapa yungshongü ngelei iy kü vangpüshuwpü ja hük. Meshükpa ammi hapa yinghen, hajükpa ngei deih-ei dangei ha yingtuh.”

1 JOHAN 2:2

hatü büpayü jenei mang shing mang tükhen moila shuohpüba, hatü hayü jenei mang mon nevai, shejao kahdoknyü kempülei mang shingvaishi moila shuohpeih.

HEBREW 13:20

Shaang chingmei Kahvang üpai jenei Jisu Khrista, Mi yombü longpü, nedohnetenpü vangpüshuwpü iy homei dipü kübü yangei leishih,

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

EPHESIA 1:7

Büpai jen kü shuohpü büpalei phahji mop shangshi büpalei iy homei büpa kü jen angei leipü hatü mang tükpü nyüpeih.

ZEKHARIAH 9:11

Mehenangkü ngei am mü iy-i vangteishuwteipü nangkü ngei nüngei nanglak yung neshiüpü kahshalei küpshi nyupü vehen.

KOLOSI 1:14

Büpa kü jen angei leipü hatü mang tükpü nyüpeih.

LUK SHAHSHA APPÜ 22:19

Hapheikü büpai aan hük yah, hatü büpai menvih shuohpheikü büpai ha bhaok, hatü jomphong kü ha shuoh-ei e, “Hapayü am shingvaishi shuohpü ngelei büm. Ngei deih-ei dangei hahtuh.”

KOLOSI 1:20

hatü büpa homei monha Kahvangi dou peü kahdoknyülei vaituh, nevaijü vangsholei vaituh büpa touei mongjemhühen, hatü büpalei shophang iy homei chingmei linghen mong hahpeih.

ROM SHAHSHA APPÜ 5:19

Shennyak hük ven nedanpü homei longi mang shennyakthü leihüpü keiha, shennyak hüki ven danpü homei longi daülangi leihühen.

MARK 14:24

Büpai jomphong kü, “Hapayü longshi shingvaishi haipü vangteishuwteipü ngelei iy.

JEREMIAH 31:31

Ngei Israel hatü Judah am phang mü vangpüshuwpü ja hük linghen nyih ngoikünyüke shei Shembüpai enyüke.

SHAKEI VAMPÜ 7:9

Hapa pheikü ngei veishuohjü iehen neaoki khongnyü longpü hük kahmük, jat, nanglakthü hatü shahlem longi Mi Chehalei ong uoshing touei bhagthuh shola thuhtü jomei lakei palm pükaothü notü nyuteke.

ROM SHAHSHA APPÜ 5:15

Shejao ang kübü thintho-ü mang kei nevai. Mehenangkü shennyak hükei mang homei longi dipü vaijema, hingmei Kahvang phahji hatü shennyak hük, Jisu Khristalei phahji kü ang kübü thintho longi shingvaishi nyeinya changshi nyüpeih.

MARK 1:4

Hanangkü Johan baptükbüi jahpanei vamei mang tükpü danghen nangkü mong lepei yung kü hüngtuh shei chongven.

MATHI 6:12

Hami mih kü mang dükshuohpükei hamei mangao tükshihma.

MATHI 26:27

Hapheikü büpai shong hük yah, hatü menvih shuohtü büpai jomphong kü shuoh-ei, “Am peüi ha kübü yingtuh;

MATHI 26:29

Ngei am kü enyeih, Opalei ongching kü amphong mü nyalingngupai yiü ja yinghen nyih mangngoi thahshi ngei amphong mü hapa nyalingngupai yiü nenyinghen.”

LUK SHAHSHA APPÜ 22:20

Hapa hahpheikü aihük mü büpai yungshong yah-ei e, “Hapa yungshongü amphong shingvaishi yenpü ngelei iy kü vangteishuwteipü ja hük.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?