46 Hathüyü nedohnetenpü hanghi shingei shühen, shejao daülangpüthü vanyangyem touei shühen.
Üam meshük diyei kahmongei nyu, yangei leihen; hanei nedohnetenpü yangnyu yem touei, hatü hanei veüpong hatü denden mongmangpü touei nyuhen.
Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.
hatü haleipü paoei vamkahen; mei dükpüthü yangnyuyem touei yangei leikahen, hatü mang dükpüthüao nyonghühen shingvaishi yangei leihen.”
Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”
Hapa yangnyu laitap kü men nyangei nenyupüthü hapa aw shemyungei shüktükteke.
Hathüyü Shembüpa, hatü büpalei müknyinshekhang ngan kübü yanei nedohnetenpü mahpü hanghi danghen,
Mehenangkü mangei latü dipü, shejao ang kübü Kahvang thintho-ü Khrista Jisu jenei Shembüpa kü yangnyu nyüke.
Hanangkü mangi dipü kü vanglem lempükei, Jisu Khrista, jenei Shembüpa homei daülangshemshepai yangnyuyem touei müpü homei phahjipai vanglem lempeih.
hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.
Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;
Jom kü nyupü monglem kei-üng ngeiyao Kahvang kü monglemnyeih– hayü daülangpü hatü nedaünelangpü nyiphen yangei leihen.
Hatü büpai jen kü mehe lah, hayü vanyangyem yangnyu khih.
Ammi laophülei phai kü mon haijema, ammi phai kübü ten vethen, shejao ammi Laangha kü haijema, ammi Laangha kübü yangnyuyem vethen.
hatü ha mü lenei ji aa kü shingkong longpü aashi nyüke; hanangkü ham phi leipü nüng lemei heihhüjao neheih-aok, hatü nüng lemeipüthü ham lemei heihhüjao neheih-aoknyu.”
Nüngi büpa kü shuohpüthü peü kü yangnyuyem shuohhen shingvaishi nüngi hangkuthü peü shak kü büpa kü wong shuohteke.
Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.
Hahepak kü jomei Chepalei ongching kü daülangpüthü vanghenyü kei nyahen. Dhaong kohpü peüi bangtuh!
Kahvang bampü kü am nyutuh; vanyangyem lemei müpü jenei Shembüpa Jisu Khristalei phahji kü shesha lemei veituh.
Hapheikü shennyak hük büpa touei peiyei, “Nyuhbü, vanyangyem danghen shingvaishi ngei mehe doumei dükhenang?” shei phe.
Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.
shejao üami ngei shuohpü yung yinghenshang mechemao yung nelehen. Ngei shuohpü yungü jom kü yunglok leiyei vanyangyem touei bhaoei vamhen” shei e.
“Hingmei mü ngei am kü enyeih, üpai ngelei shah banghen hatü ngei shompüba kü hinglemhen yangnyuyem nyüpeih, hatü shahphenpülei nepeihen, shejao dipü kübü yangnyuyem touei lüdaiteke.
Shedailaidaihen hahying teyem, shejao vanyangyem nyuhen hahying yemtuh; hayü Shennyak Ha-i am kü shuohhen. Mehenangkü hapayü Pa Kahvangi büpa kü füoshang shingei nyüke” shei e.
Üami Ha ee, hatü büpa kü hinglemnya, vanyangyem danghen, hatü dohpü nyih kü ngei yangei leishihhen hapayü ngelei Opai-i mongpü nyüke.”
Hahepak kü Paul hi Barnabas nyiphen mong longei e, “Kahvangei shah am kü shong ehen nadang vaipeih. Shejao ammi ha yaktüktü yangnyuyem danghen ham nechang shei am nyingi shahphenpü nangkü shaangü hami Kung am touei lüdainyeih.
Mechem Kung ami ha danpa, jom mongong hatü Kahvang shah kü menvih shuoh, hatü meshüki yangnyuyem danghen je, vaipü am leiteke.