MATHI 25:40 - DAÜLANGPÜ LAIHING (BSI)

⁴⁰ Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MATHI 25:40 Referans Kwoze

KANDOK 19:17

Üami taopathü kü phahji hunya, büpai Shembüpa kü lushuohpü vainyüke, hatü büpa kü hathü nyokei shuohhen.

KANDOK 14:31

Üami taopathü kü shüveinya, jom Lingbü kü ne-ienelemnyu, shejao üami nehahneyingpü am kü phahji hunya, Kahvang kü dhüm hunyüke.

MATHI 10:42

hatü üami yung shong hük dangkao ngelei nanglom maanpüthü khongkü hük kü dangkao shuohhenshang, ngei hingmei enyeih, hapa laklei nemahhen.

MARK 9:41

Hingmei ngei am kü enyeih, amphong Khristalei vaipü nangkü üami ngelei men kü yinghen yungshong hük dangkao shuohhen, mekei etao jomei laklei nemahdaipih.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

MATHI 10:40

Üami am mongongshi yah, jomi ngei mongongshi yahnyüke, hatü üami ngei mongongshi yah, jomi ngei shompüba mongongshi yahnyüke.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

1 JOHAN 4:20

Üami, “Ngei Kahvang kü bamnyeih” shei etü laophülei jeihinaü hatü nyahinaüthü kü jiühitnya, hathüyü shahshem; mehenangkü jomi eepü jeihinaü hatü nyahinaüthü kü nebamjema, jomi ne-eepü Kahvang kü bamnüng neaok.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

EPHESIA 5:30

mehenangkü jenü büpalei büm kü phaihan.

GALATIA 5:13

Jeihinaü hatü nyahinaüthü, amphongü bümei touei nyükpeih; shejao ammei bümei hean yah-ei mang nyingnyoi hüshemhühen tenotei, shejao bampai am hüki hük chongphoteituh.

2 SAMUEL 9:7

Davidi, “Mephibosheth” shei nyüktü, “Nüng tenyem; mehenangkü ampa Jonathanei men kü ngei hingmei nüng kü phahji yahyang huhen. Ambü Saulei kahdok kemei nüng kü nyokei shuohhen, hatü nüng düngei ngei mü nükdü hük kü hahhen” shei e.

ROM SHAHSHA APPÜ 8:29

Mehenangkü üam büpai yeihshi mebü nyingei nyu, hathü shao büpai laophülei Halei deiaei anshi leihen jelangpeih; shejüang büpa shemong longpü kü hashongpa leihen.

MATHI 28:10

Hahepak kü Jisui jiji kü, “Tenyem, daiyei ngelei jeihinaüthü kü Galilei heihhen etuh; halei jomi ngei ponghen” shei e.

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

2 SAMUEL 9:1

Davidi, “Jonathanei men kü Saul am shem kü ngei phahji yahyang huhen üpayao aoei nyüla?” shei phe.

2 KORINT 4:5

Mehenangkü hami laophü jung nebaongnyih; hami Jisu Khristayü Shembüpa, hatü hamü Jisulei men kü ammei aathü shei baongnyeih.

JOHAN 20:17

Jisui pinnyü kü, “Nüngi ngei kü laki tedükpha; mehenangkü ngei Opa touei mangaongpih. Shejao ngelei jeihinaüthü touei daiyei jomphong kü, ‘Ngei ngelei Opa hatü ammei Pa, hatü ngelei Kahvang hatü ammei Kahvang touei aongdainyuja’ shei etuh” shei eteke.

2 ONGPATHÜ 4:10

Jenei shem jaandokei büpa shing dungnuk hük lingshuohshah, hatü halei lüng hük, haüdü hük, uoshing hük, hatü awdük hük tuhshuohshah. Mechem büpa jenei peihenshang büpa halei nyempaümtei” shei e.

MATHI 25:39

Mechem nüng tüngpü eeyei nevaijü khoklatei küpshi eeyei nüng kü thümpa?” shei ehen.

MATHI 25:45

Hahepak kü büpai jomphong kü, “Hingmei ngei am kü enyeih, hathü khongkü maanpü hük kü ammi nedükpeyü ngei kü nedükpeih” shei ehen.

LUK SHAHSHA APPÜ 19:38

“Shembüpalei men kü peipü ongpa moihimanpü! Vangsholei chingmei, hatü shaopüba kü müknyinshekhang!”

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

JEREMIAH 39:17

Shejao ngei nüng yanghen shei Shembüpai enyüke; nüngi nyempüthü kü nüng neshuohtükhen.