MATHI 25:36 - DAÜLANGPÜ LAIHING (BSI)

³⁶ ngei bümkong nyushingkü ammi ngei kü ashakviha shuoh, ngei tüngei nyushingkü ammi ngei kü jung, ngei khoklatei nyushingkü ammi ngei kü thümpeih” shei ehen.

MATHI 25:36 Referans Kwoze

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.

HEBREW 13:3

Nüngao khoklatei jom mü nyunyu keiha khoklatei nyupüthü deih-ei dangtuh; nüng kü shüveiphünyu keiha shüveipü ponghahpüthü deih-ei dangtuh.

HEBREW 10:34

Ammi khoklatei nyupüthü kü bampü hu, hatü ammei douhinang aetlangjao mongongshi nyupeih; mehenangkü meipüba hatü den den mop nyüpeih shei am nyingi nyingteke.

PHONGSHANTHÜ DOU 20:35

Ha peü kü ngei am kü hapakei dou dükpü homei Shembüpa Jisulei shah deih-ei dangtü wong nekohpüthü kü sheühhen khih shei ngei am kü lappü hük shuohtepih; mehenangkü büpai, “Yahhahpü leimeyü yahshuohpüüng meipüba” shei eteke.

LUK SHAHSHA APPÜ 3:11

Büpai jangei jomphong kü, “Üpa bhagthuh nyi nyu, büpai neshiüpüba kü hük hantuh, hatü üpai hahying ang, büpaiyao hapakei hantuh” shei e.

MATHI 25:43

ngei yenpa hük kei nyu, shejao ammi ngei mongongshi neyah, bümkong nyushingkü amphongi ngei kü ashakviha neshuoh, tüngei hatü khoklatei nyushingkü ammi ngei kü nethüm” shei ehen.

EZEKIEL 34:4

ammi wong nekohpüthü kü wong koh-ei neleihü, tüngpü kü nejung, maju nethüng, paüeiyonei lüdaipüthü müei nelei, mahdaipüthü neyem, shejao kangeishungei loh-ei mangei jom shak kü vanglem lemteke.

EZEKIEL 18:7

Büpai üpa kao neshüveinyu, shejao büpai lahtü luhahpü hang jiüshi shemtüknyüke, büpai negühnyu shejao taopathü kü hahying shuohnyüke, hatü bümkong nyupüthü kü ashakviha shuohnyüke.

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.

EZEKIEL 18:16

Büpai üpa kao neshüveinyu, nevaijü mih kü hang lushuohtü lahtuh shei ne-enyu. Büpai negühnyu, shejao taopathü kü hahying shuohnyüke, hatü bümkong nyupüthü kü ashakviha shuohnyüke.

MATHI 25:37

Hahepak kü daülangpüthüi büpa kü, “Shembüpa, mechem hami nüng aeipü eeyei hahhen shuohpa, nevaijü nüng yung leyei nyushingkü yinghen lemhük shuohpa?