MATHI 25:34 - DAÜLANGPÜ LAIHING (BSI)

³⁴ Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

MATHI 25:34 Referans Kwoze

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.

SHAKEI VAMPÜ 13:8

Kahdoknyü kü nyupü peü, üamei men jütükpü Mi Chehalei yangnyu laitap kü kahdoknyü chongpanghinüng men nyangei nenyu, hathüi hapa kü khümhen.

MATHI 20:23

Jisui jomphong kü, “Amphongi ngelei yungshong kübü yingaokhen, shejao ngelei laknyong lakdah kü uohenü ngei shuohhen nevai, shejao hapayü Opai-i üam shing tem, hathü shing vaikahen” shei e.

SHAKEI VAMPÜ 17:8

Shelei nyupü nüngi eepü yemha, shaang nenyu; pinnyü shaongdoh neshiüpü kahsha leipü vamei mahhen temei daikahen. Kahdoknyü kü nyupü shennyakthü kahdoknyü chongnyiam lingshekü üamei men yangnyu laitap kü nyangei nenyu, hathüi yemha kü veitü yashanhen. Mehenangkü ha shelei chem nyu, shaang neshiü, pheilei shao vamkahen.

HEBREW 4:3

Kahvangi epü keiha jen üami hinglem, ha nyiushemmei kü shühen, “Jomi ngelei nyiushemmei kahdokei neshüaokpih, shei ngei mongshihpai lahtükpeih.” Büpai kahdoknyü lingpü hepak kü büpalei dou temtükjao büpai ha epeih.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

HEBREW 11:16

Shejao jomi meipü kahmük ongyang, lappai, vangsho amei kahmük. Hanangkü Kahvangü jomei Kahvang shei nyükhen kü veüei nedeih; mehenangkü büpai jom shing chingnyü hük temshuohteke.

1 KORINT 15:50

Jeihinaü hatü nyahinaüthü, ngei mehe enya, hayü hapa hih: iy hatü phai-i Kahvang ongching mükjüp danghen neaok, nevaijü mahbenüngi nemahbenüng dangnüng neaok.

MATHI 25:41

Hapheikü büpalei laknyong philei nyupüthü kü, “Amphong thaüvaü hetdaipüthü, ngei toueipü lüdaituh, hatü kahshih hatü büpalei phongshanthü shing tempü nedohnetenpü awlei shütuh;

ISAIAH 6:5

Ngei, “Onyükei!” shei lenteke. “Ngeiyü yahlak neshiü! Mehenangkü ngeiyü jubenyeijaang nedaüpü shennyak, hatü ngeiyü jubenyeijaang nedaüpü shennyakthü mü nyunyüpeih; shejao ngelei müki Ongpa, Jeiyong Shembüpa eeteke.”

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

1 KORINT 2:9

Shejao nyangei nyupükei, “Kahvangi büpai bampüthü kü mehe temei nyu, hayü mepa mükiyao ne-ee, mepa dhaongiyao nedan, nevaijü üpa hangkulei mongdang kao deih-ei nele.”

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 19:29

Üami ngelei men kü laophülei shem, jeihinaü, nyahinaü nevaijü nyühipa, hapeüthü nevaijü kahthü tuhphong, jomphongi kho hükpa nyeishi danghen hatü yangnyuyem danghen.

MATHI 13:35

Hapayü thibü homei epü jiühühen shingvaishi vamteke: Ngei shahlapi ngelei ju aphen, kahdoknyü linghinüng joshi nyupü douthü jung ehen.

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

2 TIMOTI 2:12

jeni munenjema, jenao büpa mü vanglem lemhen; jeni büpa nelahjema, büpaiyao jen nelahhen;

GALATIA 5:21

mükhakpü, chokpümokpü, hahngayungpe hatü hakeipü douthü vamteke. Ngei shelei shuohpükei ngei am kü shahvüng shuohnyeih: Üami henüng keipü douthü düknya, Kahvang ongching mükjüp nedangpih.

1 KORINT 6:9

Ten dükpüthü Kahvang ongching nedangaokpih shei ammi nenyingpü je? Am telutelemhah! Iyjeiphailei, lajei khümpü, mükbongjuyung, baha büm yupüthü, bahai baha mü, nyühai nyüha mü mükbongjuyungpü,

LUK SHAHSHA APPÜ 19:38

“Shembüpalei men kü peipü ongpa moihimanpü! Vangsholei chingmei, hatü shaopüba kü müknyinshekhang!”

MATHI 5:19

Hanangkü üami hathü shahkungthü khongkü maanpü hük dangkao manghenshang, hatü mih kü hapakei dükhen nyuhhenshang, vangsho ongching kü peü mü maanpü shei nyükhen; shejao üami hathü dükhen hatü nyuhhenshang vangsho ongching kü longpü shei nyükhen.

MATHI 3:2

“Mong leptuh; mehenangkü vangsho ongching yopailei nyüke” shei e.

ZEPHANIAH 3:15

Shembüpai ammei hanghi yahlangteke, büpai ammei vepa ngaümphei yaaktükteke. Shembüpa, Israel amei Ongpa am mü nyüke; am hajük kü mehe kao nenyempih.

DANIEL 9:25

Hapa nyingtuh: Jerusalem lingei leihen ngeükhüam shuohpü hepak mebü thiteiphutükpü ongpa peipü thahshi hapta nyet nyukahen; hapta pejempünyi kü Jerusalem chingshongthü hatü veyomshing ne-yei linghen shejao hapayü shangpong yakyingpü hepak vaikahen.

ISAIAH 33:22

Mehenangkü Shembüpayü jenei shahphenbü; Shembüpayü jenei shahkung shuohbü; Shembüpayü jenei ongpa, büpai jen yangphahen.

ISAIAH 9:7

Büpalei longhiong ngan longkhan longhen, hatü chingmeivangmei nedoh-i nyuhen. Büpai David ongpalei ong uoshing, hatü büpalei ongching kü shahhing hatü daülangshemshepai, shaang mebü dohpü neshiüi vanglem lemhen. Jeiyong Shembüpa nyakpükenpai ha dükkahen.

MENVIH KESHO 2:6

“Ngei Zion kü hatü ngelei daülangpü shangtao kü Ong hük uohütepih” shei enyüke.

SHAKEI VAMPÜ 5:10

nüngi hathüyü ongching, hatü jenei Kahvang chongphopü ngongpathü leihüteke, hatü jom kahdoknyülei vanglem lemhen.”

1 PETER 1:9

mehenangkü ammi hinglempü kübü vampü laangha yemleipü ammi dangnyüke.

HEBREW 9:26

Hakei vailangmeyü kahdoknyü linghinüng Khrista leiyei leiyei shangponghen vaipeih. Shejao shaang büpai hapa dohpü den kü büpa laophü nying moila shuohpai mang yaktükhen shingvaishi den shing chem mon peipeih.

2 TIMOTI 4:8

Shaang mü leitü ngei shingvaishi daülangshemshepü ong athen hük shahhing shahphenpü Shembüpai hapa nyih ngei kü shuohhen temei nyüke, hatü hayü ngei kü mon nevai, shejao büpa yiükahen ongyangei danpüthü peü kü shuohhen.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

ROM SHAHSHA APPÜ 8:17

hatü hapeüthü vaijema, shejema mükjüp yahpü am, Kahvangei mükjüp hatü Khrista mü chemi mükjüp yahpü am leinyüke– ha vaipü nangkü jenao büpa mü müknyinshekhanghen shingvaishi jeni büpa mü hanghinyüke.

PHONGSHANTHÜ DOU 15:18

ha nyinghüphei kü hepak longi daiteke.’ ”

PHONGSHANTHÜ DOU 3:26

Mechem Kahvangi büpalei ha yangei leishihpa, ammei mang lemthü kübü lepei am kü moihimanhen shingvaishi büpai shongei büpa am touei shompeih.

JOHAN 19:15

Jomi lenei, “Büpa jütuh! Büpa jütuh! Büpa shophang kü aptuh!” shei len. Pilati jomphong kü, “Ngei ammei Ongpa shophang kü aphühen je?” shei phe. Ngongpathüi jangei, “Kaisar mü lenei hamei ong neshiüpih” shei e.

JOHAN 12:13

Hanangkü jomi phenhavunglak bhagei büpa mü pongteinüng, “Hosanna! Üpa Shembüpa, Israel Ongpalei men kü peikünya moihimantuh!” shei lenyaki peiteke.

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

LUK SHAHSHA APPÜ 11:28

Shejao büpai, “Üami Kahvangei shah danei düknya, hathüang moihiman!” shei e.

MARK 10:40

shejao ngelei laknyong hatü lakdah philei uohenü ngei shuohhen nevai, shejao hapayü üam shing temei nyu hathü shing hih” shei jangei e.

MATHI 27:37

Büpalei shangjing kü jomi büpa khüei, “Hapayü Jisu, Jehoda amei Ongpa” shei nyangtü büpa kü thenhü.

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 21:5

“Zion nela kü etuh, Veituh, ammei ong am touei, nenteiaokpai gadu dok shangkü, gadu cheha kü uotü peikünyüke.”

EPHESIA 5:5

Iyjeiphailei, nedaünelangpü shennyak nevaijü hahnempü (hayü lajei kü khümpü hük) üpayao Khrista hatü Kahvang ongching kü mükjüp neshiüpih shei ha nyingtuh.

KANDOK 11:17

Phahji yahyang kohpüthüi thintho dangnyüpeih, shejao phahji neshiüpü shennyaki laophü nying lomohnyeih.

MATHI 25:40

Ongpai jomphong kü, “Hingmei ngei am kü enyeih, amphong maanpü ngelei jeihinaüthü kü mepa ammi düktepa, hayü ngei kü dükpeih” shei jangei ehen.

MARK 10:17

Jisu yen daihen layaong shingkü shennyak hük mokei heih-ei aümei shatü büpa kü, “Nyuhbü meipü, vanyangyem mükjüp danghen shingvaishi ngei mehe dükhenang?” shei phe.

LUK SHAHSHA APPÜ 11:50

shejüang kahdoknyü linghinüng thibüthülei iy yenhüpü kemei hapa denhivan kü yühen;

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

HEBREW 1:14

Vangsho phongshanthü peü Kahvang chongphopü laanghathü, yemleipü mükjüp danghenthü touei büpai chongphohen nangkü shompüthü nevaipü je?