MATHI 25:31 - DAÜLANGPÜ LAIHING (BSI)

³¹ Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

MATHI 25:31 Referans Kwoze

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

MATHI 19:28

Jisui jomphong kü, “Ngei amphong kü shahhing eshah, dou peü ja leipü mü mechem Shennyak Ha laophülei müknyinshekhangpü ong uoshing kü uohen, am üami ngei phei mütepa, hathüi ong uoshing anpünyi kü uotü Israel phang anpünyi kü shahphenhen.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

MARK 8:38

Hanei ami hapa mükbongjuyung hatü mang shennyakthü den kü ngelei men hatü ngelei shah kü vin nedejema, Shennyak Ha Palei müknyinshekhang kü daülangpü vangsho phongshanthü mü yiüshingkü jom shingvaishi vin nedehen” shei e.

JUD SHAHSHA APPÜ 1:14

Adam kübü hüshomhülai nyetpabü Enokh-i hathü nang hei tetei epeih: “Veituh, Shembüpai büpalei daülangpü vangsho phongshan haja dok kü haja müei yiükünyüke;

MENVIH KESHO 9:7

Shejao Shembüpayü den kü ong uoshing kü uoteke, büpai shahphenhen ong uoshing lingteke.

JOHAN 1:51

Shao büpai büpa kü, “Hingmei mü ngei nüng kü enyeih, nüngi vangsho shaden aptüktü Shennyak Ha shak kü vangsho phongshanthü aongpü leipü eehen hih” shei eteke.

LUK SHAHSHA APPÜ 9:26

Shennyak hanei-i ngei hatü ngelei shah nangkü vin nedejema, mechem Shennyak Ha laophülei müknyinshekhang hatü Palei müknyinshekhang kü daülangpü vangsho phongshanthü mü yiühenshang, büpa shingvaishi vin nedehen.

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

SHAKEI VAMPÜ 20:11

Hapheikü ngei longpü ong uoshing shola hatü halei uopüba ee; kahdok vangsho büpa toueipü nyaidaikemi ee, hatü jom shingvaishi shing neshiüi leidai.

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

MARK 14:62

Jisui, “Ngei hih, hatü nüngi Shennyak Ha Jeiyong Kahvangei lakdah philei uotü vangsho phum shangkü yiüküpü eehen” shei jangei e.

MATHI 26:64

Jisui büpa kü, “Nüngiang eteke. Shejao ngei nüng kü enyeih, shaang mebü nüngi Shennyak Ha Jeiyongpalei lakdah philei uotü phum shangkü yiüküpü eehen” shei e.

HEBREW 1:8

Shejao Hapeü nang büpai ha epeih, “Nüngei ong uoshing, Oh Kahvang, den den kü nyüke, hatü daülangpü lenshuoh-ü nüngei ongchingei lenshuoh.

1 THESALONIKA 4:16

Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

PHONGSHANTHÜ DOU 1:11

Jijinyi-i, “Galil am, mehekei amphongi vangshangei veishi hatouei yaongnya? Hapa aihük Jisu üpa am toueipü vangsholei anlangi eenya, hapa kei-üng büpa yiükahen” shei eteke.

LUK SHAHSHA APPÜ 22:69

Shejao shaang mü leitü Shennyak Ha Kahvangei ngan kü lakdah philei uohen” shei e.

MATHI 25:6

Shejao vangnyak jiam kü, “Veituh, yiükyahpa peiteke! Büpa mü pongteinüng peikei” shei len.

1 SAMUEL 2:10

Üami Shembüpa khüei yaongnya lomohhen. Büpai jom khüei vangsho leipü vangmuk khunghen; Shembüpai kahdok junghijang ngoishi shahphenhen. Büpai laophülei ong kü wong shuohhen, hatü laophüi thiteiphuei jepü kü ngan shuohhen.

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.