MATHI 25:29 - DAÜLANGPÜ LAIHING (BSI)

²⁹ Mehenangkü üami ang, hathü kü nyeishi shuohhen hatü changshi anghen, shejao üam ne-ang, jomi maani angpao yahlanghen.

MATHI 25:29 Referans Kwoze

MATHI 13:12

Üami ang, hathü kü nyeishi shuohhen, hatü jom nyeishi anghen; shejao meheyao ne-angpü am leipü maani nyupeyao yahlanghen.

LUK SHAHSHA APPÜ 8:18

Hanangkü nüngi mekei bangnya kenhingei deihtuh; mehenangkü üami ang, hathü kü nyeishi shuohhen; hatü üami ne-ang, jomi mehe anghen shei deih, hayao yahlanghen.

MARK 4:25

Mehenangkü üami ang, hathü kü nyeishi shuohtükhen; hatü üam meheyao ne-ang, jomei maani nyupü dangkao yahlanghen” shei e.

JOHAN 15:2

Ngei kü nyupü betjük nejükpü kaothü büpai langtüknyeih, hatü betjük jükpü kao shao nyeishi jükhen shingvaishi büpai hapa kao daütüknyeih.

LUK SHAHSHA APPÜ 10:42

shejao dou hük mon nanyüke. Mary-i meipüba hean jehahteke, hatü ha pinnyü leipü neyahlanghen.”

SHAKEI VAMPÜ 2:5

Mepa kübü am vüei nyüpa, ha deih-ei dangtuh; mong leptuh, hatü ammi shongei dükpü dou düktuh. Hei nevaijema ngei am touei peiyei ammei awdük vangngai ha shing leipü yahlanghen.

JOHAN 11:48

Jeni büpa hei-üng tuhjema peüi büpa kü hinglemdaihen khih, hatü Rom am peiyei jenei phopshem hatü kahmük nyiphen mangtükhen khih” shei e.

MATHI 21:41

Jomphongi büpa kü, “Büpai hathü nemeipüthü lomoh-ei dihühen, hatü büpai hapa nyalingngupai kah betjük vaümpü hepak kü büpalei phaihan jiüshi shuohhen lebü kah phuopü am kü shuohtükhen” shei e.

YOUNG LAI 2:6

Büpai pe hük keiha büpa khümshing, hatü büpalei ashakshem nihtük; Shembüpai Zion kü mohitap, hatü Sabbath dohtük; Büpa mongshihpai ong hatü ngongpa chemi yaktükkem.

HOSEA 2:9

Hanangkü mechem hah menkahen, ngei hapa hah hatü yiünaü yahlanghen, hatü ngei ngelei phümphah ashak, hatü nyemin ashak büm leipü nyiuklanghen.

MATHI 25:28

Hanangkü büpa leipü lop yahlangtuh hatü phaihan haja an nyupüba kü shuohtüktuh.