MATHI 25:21 - DAÜLANGPÜ LAIHING (BSI)

²¹ Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 25:21 Referans Kwoze

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

LUK SHAHSHA APPÜ 16:10

Üami maanpü kü monglemaok, longpü kao monglemaokhen; hatü üami maanpü kü shahhing ne-e, longpü kao shahhing ne-ehen.

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

2 TIMOTI 2:12

jeni munenjema, jenao büpa mü vanglem lemhen; jeni büpa nelahjema, büpaiyao jen nelahhen;

SHAKEI VAMPÜ 3:21

Üpai vehok neünya, ngei vehok neütü Opa mü büpalei ong uoshing kü uopükei büpaao ngei mü ngelei ong uoshing kü uohen shing shuohhen.

JOHAN 14:3

Ngei daiyei am shing shing hük tempheikü ngei nyipabü yiüei ngei mü nyuhen shingvaishi ngei am yahhen, hatü ngei melei nyu, halei amphongao nyuhen.

JOHAN 17:24

Opa, nüngi ngei kü shuohpüthü ngei melei nyu, halei jomao nyuhen, hatü nüngi ngei kü shuohpü ngelei müknyinshekhang jomi eehen ngei nanyüpeih; mehenangkü nüngi ngei kü kahdoknyü chongnyiam lingshekü ngei kü bampeih.

SHAKEI VAMPÜ 2:10

Am mepa shangponghen nyu, ha kü tenyem. Am kü dokhen shingvaishi kahshih-i am hanei yah-ei khoklatei shükhen mü nyüke lituh, hatü nyih an shing am shangponghen. Dipü thahshi hinglemtuh, hatü ngei am kü yangnyu athen shuohhen.

MATHI 24:45

Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

PHILIPPI 1:23

Ngei ha nyi aa kü thamapü kü nyüpeih. Ngei diyei Khrista mü nyudaihen ha-üng nyeinya meipü khih;

SHAKEI VAMPÜ 7:17

mehenangkü ong uoshing jiamei Mi Chehayü jom mi yombü vaihen, hatü büpai jom yangnyuyem yunglok touei mühen, hatü Kahvangi jomei mük kübü mükphi peü thittükhen.”

ROM SHAHSHA APPÜ 2:29

Halangmao üpai monglei nyu büpayü hingmeipü Jehoda am, hatü hingshangi japtükpeyü mongdangei shahhidou; hapayü nyingnyoi dou nevai laangha dou. Hapa keipü shennyakü mih leipü nevai Kahvang leipü dupü-oupü dangnyeih.

LUK SHAHSHA APPÜ 12:44

Hingmei ngei am kü enyeih, büpai hapa shennyak büpalei mop shangkü khei vaiyei tuhhen.

MATHI 25:46

Hathüyü nedohnetenpü hanghi shingei shühen, shejao daülangpüthü vanyangyem touei shühen.

MATHI 24:47

Hingmei ngei enyeih, büpai büpalei mopthü peü kü veihen hük jeyei tuhhen.

SHAKEI VAMPÜ 21:7

Üami vehok neühen hathüi mükjüp danghen, hatü ngei jomei Kahvang vaihen, hatü jomphongü ngelei hapeüthü vaihen.

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

2 KORINT 10:18

Laophü nyingi meipeih shei deihhahpü hapai nevai, shejao Shembüpai meiangpeih shei deihpü shennyak yahnyüpeih.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

2 KORINT 5:9

Hanangkü hami hapa büm shem kü nyujao nevaijü yanei daijao büpa mong hahhühenü hamei mükhong.

KANDOK 14:35

Ongpa hüki kon kohpü chongphobü kü mong hahnyeih, shejao büpa mongshihpü hapa hai dou dükpü chongphobüi ponghahnyeih.

KANDOK 28:20

Shahhing epü shennyakü moihimani maei nyuhen, shejao üpai shemmei leihen shaoksheünya, mechemao nehanghi-i nenyupih.

1 TIMOTI 3:13

Üami deacon dousho meishi chongphonya, jomi menmei dangnyeih, hatü Khrista Jisu kü hinglempü kü monglongshi eaoknyeih.