MATHI 24:45 - DAÜLANGPÜ LAIHING (BSI)

⁴⁵ Shejema hingmeipü hatü kon kohpü chongphobü üpaang? Büpayü shembüi laophülei shem leipü lebü chongphobüthü shak kü hepak jiüshi hahying hanei shuohhen shembü shaei tuhpüba hih.

MATHI 24:45 Referans Kwoze

MATHI 25:21

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

MATHI 25:23

Büpalei shembüi büpa kü, “Meiteke, meipü hatü monglemaokpü chongphobü; nüngi maanpü dou kü monglemaokshi nyuteke, ngei nüngü dou longi kü shembü vaihühen; nüngei shembü mongongpü touei shütuh” shei e.

HEBREW 3:5

Shaang Mosayü chongphobü hük keiha Kahvangei shem am peü touei pheilei denpü ehen douthü nang denpü shuohhen mong phenei shuohteke.

2 TIMOTI 2:2

hatü denpü longi homei nüngi mepa ngei leipü danpa, ha mih kao nyuh-aokhen monglemaokpü shennyakthü kü koeishuoh.

1 TIMOTI 1:12

Ngei wong kohhüpü Khrista Jisu, jenei Shembüpa kü ngei mongongnyeih; mehenangkü büpai ngei hingshangi nyüke shei nyingei ngei büpalei dousho kü jeteke.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

PHONGSHANTHÜ DOU 20:28

Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.

LUK SHAHSHA APPÜ 19:17

Büpalei shembüi “Meiteke, chongphobü meipü! Mehenangkü nüngi maanpü dou kü mong shuohpü nangkü nüngi chingnyü an kü veituh” shei e.

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

MATHI 10:16

Veituh, ngei amphongü shuw chi kü mi keiha shomnyeih; hanangkü biü keiha nahshi nyutuh, hatü athuba keiha lapja-i nyutuh.

MATHI 25:2

Jom ngayü nelipü hatü jom ngayü kon kohshi nyuteke.

MATHI 7:24

Hanangkü üami ngelei hathü shah bangei düknya, hathüyü kon kohpü shennyak hük yaong shangkü laophülei shem vepü hük leshi nyüke.

EZEKIEL 34:2

Shennyak ha, Shembüpa Kahvangi hapakei enyüke shei Israel am mi yombüthü khüei teteivanei etuh: Oh, Israel am mi yombüthü, amphongi laophü mon moh-ei hahtü mithü nehaümnyu.

KANDOK 14:35

Ongpa hüki kon kohpü chongphobü kü mong hahnyeih, shejao büpa mongshihpü hapa hai dou dükpü chongphobüi ponghahnyeih.

KANDOK 28:20

Shahhing epü shennyakü moihimani maei nyuhen, shejao üpai shemmei leihen shaoksheünya, mechemao nehanghi-i nenyupih.

MATHI 24:46

Shembü nyokei leishingkü dou dükei nyupü chongphobüyü moihiman.

MÜLANGPÜ 36:4

Hanangkü shem vepü mistrithüi dou tuhphongtü,

RUTH 2:6

Hapa shennyaki, “Pinnyü-ü Naomi mü leipü Moab am khih.

EZEKIEL 46:24

Hahepak kü büpai ngei kü, “Hapayü nanglakthüi shuohpü moila phopshemei chongphopüthüi cheühen shing hih” shei ngei kü ephüteke.