MATHI 24:43 - DAÜLANGPÜ LAIHING (BSI)

⁴³ Shejao ha nyingtuh: Shem shembüi mepa hepak kü gühpa peihen ha nyingei nyulangmeyü büpa neshi-i nyuhen, hatü shem mangei gühpa neshühen vaipeih.

MATHI 24:43 Referans Kwoze

LUK SHAHSHA APPÜ 12:39

“Shejao ha nyingtuh: shem shembüi paoh mepa hepak kü gühpa peihen nyinglang meyü büpai yomei nyuhah shepeih hatü shem nebenhühen vaipeih.

MATHI 24:44

Hanangkü amphongao temei nyutuh; mehenangkü nedeihpü hepak kü Shennyak Ha yiükahen.

MATHI 20:11

Mechem jomi lat dangpa, jomi kah shembü khüei langmaanei,

KANDOK 7:19

Ngelei baha shemei neshiü; büpa tailu yen kü lüdaiteke.

MATHI 14:25

Nepnüng dhom mü büpa yung shangkü kamei jomphong touei leiteke.

MATHI 24:42

Hanangkü thaeimaei nyutuh; mehenangkü mehe nyih ammei Shembüpa yiükahen ammi nenying.

MATHI 25:10

Mechem jomphongi ha shaknüng lüdaipa, yiükyahpa pei, hatü üam temei nyu, büpa mü yiükjing molei dai, hatü sha küplang.

MATHI 25:13

Hanangkü thaeimaei nyutuh; mehenangkü amphongi nyih hatü hepak jung nenying.

MARK 6:48

Vanglük nyong philei lükpü nangkü jomi longi wongshi ai yatpü ee; büpa dhom mü jomphong philei yung shangkü kamei heihjateke. Büpa jomphong touei heih.

MARK 13:35

Hanangkü thaeimaei nyutuh; mehenangkü ammei shembü om kü hi, nevaijü nyak jiam kü hi, nevaijü ouga-oulüng kü hi nevaijü dhom mü leikahen ammi nenying,

LUK SHAHSHA APPÜ 12:38

Büpa nyak jiam kü leijao, pibom kü leijao mükpaonathaei nyupü chongphobüthü moihiman.”

LUK SHAHSHA APPÜ 21:36

Hepak peü kü am mükpaonathaei nyutuh, hatü vamkahen nyupü douthü kübü yanghen, hatü Shennyak Ha touei yaongaokhen mü phopei nyutuh.”

SHAKEI VAMPÜ 3:3

Ammi mehe yah hatü dan, ha deih-ei dangtuh; hapa ven bangtuh hatü mong leptuh. Am shipü kübü nepaojema, ngei gühpa hük keiha peikahen, hatü ngei mepa hepak kü peikahen ammi nenyinghen.

SHAKEI VAMPÜ 16:15

“Veituh, ngei gühpa hük keiha peikünyeih! Üpai thaeimaei owhiai temtü nyu, hatü bümkong veübenüng nehu-i dai moihiman.”

JOB SHAHSHA APPÜ 24:16

Nyak kü jomi shem vaüpei shünyüke; nyihnüngü shem küptü themnyüke. Jomi vangngai kü meheyao nedükhünyu.