MATHI 24:31 - DAÜLANGPÜ LAIHING (BSI)

³¹ hatü büpai laophülei vangsho phongshanthü amit ngeü longpü mü shomei büpai jelangpüthü kahdok vaungjung aliphen kübü, hatü vangsho jung hük kübü hük dohpü thahshi thailanghen.

MATHI 24:31 Referans Kwoze

1 THESALONIKA 4:16

Mehenangkü Shembüpa laophü nyingi vangsho leipü ngeü longpü mü vangsho phongshan longpülei ngeü mü, hatü Kahvangei amit ngeü mü yiükahen, hatü Khrista kü shiyei nyupüthü shongei paohen.

MARK 13:27

Hahepak kü büpai kahdoknyü vaungjung ali kü kahdok dohpü kübü vangsho dohpü ngoishi büpalei vangsho phongshanthü shomei büpai jelangpüthü thailanghen.”

ISAIAH 27:13

hatü hapa nyih amit longpü vünghen. Üamphong Assyria kahdokei mahei nyu, hatü üam Ijiplei wüpküpei nyu, hathüi Shembüpa kü khümhen shingvaishi daülangpü Jerusalem Kahshangei nyokei leikemhen.

1 KORINT 15:52

ngangahük kü müknyep mong-aa kü dohpü amit vüngjü yeiyadaihen. Mehenangkü amit vüngkahen, hatü diyei nyupüthü mechemao nedihen mü yangei leihen hatü jen peü yeiyadaihen.

ISAIAH 11:12

Büpai jatthü kü khüamlung hük huhen, hatü wüpküpei nyupü Israel am thailanghen, hatü Judah am kahmük vaungjung ali kü haidaipü peü leilanghen.

MATHI 13:41

Shennyak Ha-i büpalei vangsho phongshan shomhen, hatü büpalei ongching kü mang thahhüpüthü hatü mang dükpüthü peü thaihen,

2 THESALONIKA 2:1

Jenei Shembüpa Jisu Khrista yiükahen nang hatü jen büpa mü chemi thaihen nangkü jeihinaü hatü nyahinaüthü,

EPHESIA 1:10

Hapa küpjanü mechem ha vamhen hepak ngoihenshang, Khrista shangjing vaitepü büpa kübü douthü, vangsho hatü kahdoknyü kübü douthü kemei thailanghen.

JOHAN 11:52

hatü jat hük shing mon nevai shejao haidaipü Kahvang hathü thaiyei leihen jung teteivanei eteke.

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.

ISAIAH 45:22

Ngei touei mong lepei leikei, hatü yemleipü yahtuh kahdoknyü hangkuli peü! Mehenangkü ngei mon Kahvang, hatü lebü üpayao neshiüpih.

ISAIAH 43:6

Ngei pehe leipü am kü, “Jom leishihtuh” hatü apshaphi leipü am kü, “Jom shongei tetuh” shei ehen. Ngelei yeshangthü tailu kahdok leipü, hatü ngelei yiükhathü kahdok dohpü leipü,

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

ZEKHARIAH 2:6

“Leikei, leikei! Apsha kahdok leipü nyaidaikei” shei Shembüpai enyüke; mehenangkü ngei am vangsho jung ali kü yantükpeih, shei Shembüpai enyüke.

ISAIAH 60:4

Mük vamei am shinei veituh; jom peü thaitü am touei peikünyüke; Ammei yeshangthü tailu kahdok leipü peikünyüke, hatü ammei yiükhathü jomei lakei paümshi leikünyüke.

ISAIAH 49:18

Ammei mük vamei am shineileyei veituh; ammei nanglakthü peü chemi thaitü am touei peikünyüke. Ngeiyü vanyangyem Kahvang, ammi hathü kemei ownyülangha kei, doidainyüi ow owpükei hathü owhen.

ISAIAH 13:5

Jom tailu kahmük leipü peikünyüke; vangsho jung dohpü leipü peikünyüke. Hapayü kahdoknyü kemei mahtükhen Shembüpai büpalei mongshih vehok phunglang ow ownyüke.

SHAKEI VAMPÜ 7:1

Hapheikü ngei vangsho phongshan ali kahdoknyü vaungjung ali kü kahdoknyü kü nevaijü yungching kü nevaijü mepa pü kao vanglüki nelükhen shingvaishi kahdoknyü vanglük ali kü düktü ee.

ZEKHARIAH 9:14

Hahepak kü Shembüpa jom shak kü vamhen; büpalei lahhan klang keiha kaphen; Jeiyong Shembüpai amit vünghen, hatü büpa pehephi leipü alüngleple kei mokhen.

SHAHKÜP 30:4

Amphong vangsho phangkü tailu kahdokei changtüklangmao, haleipao Shembüpa, ammei Kahvangi thailanghen hatü müei leilanghen.

SHAKEI VAMPÜ 8:2

Hapheikü ngei vangsho phongshan nyet Kahvang touei yaongshi jomphong kü amit nyet yahshuoh-ei ee.

ROM SHAHSHA APPÜ 10:18

Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”

MATHI 28:18

Hahepak kü Jisui jomphong touei heih-ei e, “Vangsho hatü kahdoknyü kü ngan peü ngei kü shuohteke.

MATHI 24:22

Hathü nyih shoh-ei neleilangmeyü üpayao neyangaokhen vaipeih, shejao jelangpüthülei men kü hapa nyih Kahvangi shohtükpeih.

ZEKHARIAH 14:5

Judah am ongpa Uzziah hepak kü pedi jenpü kü nyaipükei kahshang handaitü Azel thahshi vampü kahji kü am nyaiyei daihen. Hahepak kü Shembüpa, ngelei Kahvang büpalei phongshanthü büpa mü yiükahen.

DANIEL 7:2

Ngei, Danieli yanüng manghkhang kü vangsho jung ali kübü vanglük vamei longpü yungching kü lükei eepeih.

ISAIAH 42:10

Shembüpa kü kesho ja hük lokeishuoh, kahdoknyü dohpü jung ngoishi büpa menvihpü loktuh! Yungchingi ngeü antuh, hatü haleipü yemhamakhathüi, yungkung kahdokthüi hatü halei nyupüthüi menvih kesho loktuh.

MENVIH KESHO 81:3

Lenja kü amit vüngtuh, sheepa kü ammei mo nyih vüngtuh.

MENVIH KESHO 67:7

Kahvangi jen kü moihimanphahen, hatü kahdok dohpü thahshi peüi büpa kü nyemhen.

SHAKEI VAMPÜ 11:15

Hapheikü nyetpabü vangsho phongshani büpalei amit vüng, hatü vangsholei ngeü longpü vamei e: “Kahdoknyü ongchingü jenei Shembüpa, hatü büpalei Messiahlei ongching leidaiteke, hatü büpai den den kü ong vaihen.”

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

ZEKHARIAH 9:10

Ngei Ephraim leipü koyei kharithü, hatü Jerusalem leipü vehok koyeithü yahlanghen, hatü vehok phunglang mangtükhen shei Shembüpai enyüke. Büpai jatlithü kü chingmeivangmei baonghen; Büpa vanglem lempü yungching kübü yungching ngoishi, hatü Euphrates yungyen kübü kahdok dohpü ngoishi nyuhen.

SHAKEI VAMPÜ 1:20

Ngelei lakdah philei litha nyet, hatü hon awdük shemshing noshi eepü doujo nangü ha hih: litha nyet-ü attoi nyet kübü phongshan nyet, hatü awdük shemshing nyet-ü attoi nyet hih” shei eteke.

MÜLANGPÜ 19:16

Nyih jempabü dhom kü baümtapei nyupü nanglakthü peü nyemei kheüshi kahshangei klang vangteng hatü phum thihteke, hatü amit ngeü longpai vüngteke.

SHAHKÜP 4:32

Amphong mangbüh shekü peihdaipü nyihthü kü yemhümao, Kahvangi kahdoknyü kü hangkuli lingpü nyih kübü hapakei longpü lemhükao vamla nevaijü hapa keipü lemhük dangkao danla? Vangsho jung hük kübü jung hük dohpü thahshi yemei veihümao.

ZEKHARIAH 6:5

Hapa phongshani, “Hathüyü kahdoknyü peü shak kü Shembüpa touei nyupü vamei daiküpü vangsho laangha ali khih” shei ngei kü e.

MATHI 24:24

Mehenangkü shahshem khristathü hatü shahshem thibüthü vamkahen hatü nyangeihepü hatü yashanyale douthü dükei longshi shing lemnyongei mülanghen; aokjema jelangpüthüao lemnyongei mülanghen.

MATHI 24:32

Adhapü kübü amphongi ha nyingtuh: Mechem adhapü kü nien neenei phenlak vampü eehenshang shao yopailei ngoikünyüke shei nyingnyüke.

HEBREW 12:19

amit vüngpü nevaijü shah epü ngeü danpüthüi jomphong kü hapa keipü shah hajük kü te-epha shei ehen mü nyupü shingei nepei;