MATHI 24:14 - DAÜLANGPÜ LAIHING (BSI)

¹⁴ Hatü hapa ongching shahjangmei kahdoknyü peü lemei denpü hük vaishi jatthü peü kü chongvenhen; hapheikü dohpü ngoikahen.

MATHI 24:14 Referans Kwoze

SHAKEI VAMPÜ 14:6

Hapheikü ngei lebü vangsho phongshan kahdoknyülei nyupüthü kahmük, jat, shahlem laolao hatü nanglakthü touei baonghen shingvaishi shahjangmei kotü vangsho jiamei piyei ee.

ROM SHAHSHA APPÜ 10:18

Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

MATHI 10:7

Am daishingkü, “Vangsho ongching yopailei nyüke” shei ha shahjangmei baongeishuoh.

MATHI 9:35

Hapheikü Jisui chingnyü chingha peülei daiyei jomei Sinagoglei nyuh, hatü ongching jung shahjangmei baongei, din lemphü hatü tüngpüthü meihüei dai.

KOLOSI 1:6

am touei peipü homei danei nyüke. Kahdoknyü kempülei hapai betjük jükei longpü keiha ammi ha danpü nyih kübü amphong touei hapa shahjangmei-i betjük jükteke, hatü hingshangi Kahvang phahji nyingteke.

MATHI 24:6

Amphongi vehok hokpü ngeü hatü vehok shahjang danhen; shejao am mongteshang; mehenangkü hayü vamküshasha, shejao dohpü ngoihen shao-üng nyüpeih.

MATHI 4:23

Jisui Galil peü thümei Sinagoglei nyuh-ei, hatü ongching jung shahjangmei chongvenei lemphü dinlem meihüei hatü nanglakthü khongkü tüngpü lemphü meihüei dai.

PHONGSHANTHÜ DOU 17:6

Jomi jiji nedangi Jason hatü vaipüthü hanei chingnyü kü vanglem lempüthü touei shüei deiyei, “Kahdoknyü shakhimong leitükpü shennyakthü hatoueiyao peiteke,

EZEKIEL 7:10

Veituh, hapa nyih peiteke! Lomoh-aühaühen ngaiheyei vamteke. Üpteilenteipü madaiteke, changmeileüpüpü vangsho kü shongdaiteke.

SHAKEI VAMPÜ 3:10

Mehenangkü ammi ngelei shah munenei bangteke; kahdoknyü kü nyupüthü peü touei dokhen hepak hük ngoikünyüke, ha dokpü hepak kü ngei am yangei tuhhen.

PHONGSHANTHÜ DOU 20:25

Ngei mü amphong Kahvang ongching jung chongvenei daipüthü üpaiyao sheyü ngelei dhe ne-eeshasha shei ngei nyingdaiteke.

MATHI 24:3

Mechem büpa Olive Kahshangei uoshi nyupa, nanglomthü mon lomei büpa touei peiyei, “Nüng yiükahen nyangeihepü hatü kahdoknyü den dohpü mekei hatü mechem nyukahen ha ham kü eshih” shei e.

SHAKEI VAMPÜ 16:14

Hathüyü kahshih laanghathü Jeiyong Kahvangei longpü nyih kü vehok hokhen shingvaishi kahdoknyü bahiyang peü kübü ongthü touei nanglakthü nyükei thaihühen nyangeihepü dou dükei daipü nyuteke.

LUK SHAHSHA APPÜ 4:5

Hapheikü kahshih-i büpa müei an, hatü büpa kü kahdoknyü ongchingthü peü hutü,

PHONGSHANTHÜ DOU 1:2

büpai jepü phongshanthü kü Laangha Daülangpü homei nyuhpheikü büpa vangsholei manganlangpü nyih thahshilei jung ngei nyangteke.

PHONGSHANTHÜ DOU 11:28

Jomphong khongkü Agabus shei menpü hük yaongei kahdoknyü peü kü münghishaü mangshi nyuhen khih shei Laangha homei tetei e, hatü hapayü Klaudius-i vanglem lempü hepak kü vamteke.

MATHI 18:19

Shao hingmei ngei am kü enyeih, kahdoknyülei shennyak nyi mongjemtü mehe yühenshang vangsho leipü Opa-i ha am kü dükhen.

LUK SHAHSHA APPÜ 2:1

Hathü nyih kü Augustus ongpai kahdoknyü peü kübü men nyanghen shingvaishi ngeükhüam hük shuoh.

MARK 13:10

Shongpüba kü jat peü touei shahjangmei baonghen.

PHONGSHANTHÜ DOU 17:31

Mehenangkü büpai jepü shennyak hüki shahhingi kahdoknyü shahphenhen büpai nyih itei nyüke. Büpai hapayü büpa yangei leishihpü homei hangku peü kü denpü shuohnyüke.

PHONGSHANTHÜ DOU 19:27

Hapa jenei bhei leihpü menten leidaihen vongshüh mon nevai, shejao longpü Artemis nyüha kahvangei men ne-ienelemi leidaihen, hatü Asia hatü kahdoknyü kemei pinnyü kü khümhen neshiüi pinnyülei müknyinshekhang mahdaihen khih” shei e.

HEBREW 1:6

Hatü shao mechem büpai kahdoknyülei laophülei hashongpa shompa, büpai hei epeih: “Kahvangei vangsho phongshanthü peüi büpa kü khümtuh.”

HEBREW 2:5

Jeni shaang eteipü ngoikahen kahdoknyü jung Kahvangi vangsho phongshanthü kü lanei neshuohangpih.