MATHI 23:37 - DAÜLANGPÜ LAIHING (BSI)

³⁷ Jerusalem, Jerusalem, am touei shompü thibüthü yaongi shükei jütükpü chingnyü! Ounyüi laophülei ouhathü pinnyülei yangkaok phangei thaipükei ngei ammei hapeüthü thaihen meshükpa kentepa, shejao ammi ha nemong!

MATHI 23:37 Referans Kwoze

RUTH 2:12

Nüngi mehe dükpa, ha kü Shembüpai nüng kü nyemshempha. Shembüpa, Israel Kahvang, üpalei kaokhiyang phangkü loihen nüng peitepa, büpai nüng kü thintho changshi nyemyahphama” shei e.

MENVIH KESHO 91:4

Büpalei yangkaoki nüng unglanghen, büpa jungpai nüng yanglanghen; büpa shahhing epeyü nüngei inyüshung hatü penyüsha.

MENVIH KESHO 17:8

Nüngei mük kü meipü apple betjük keiha nüngi ngei yomei tuhtuh. Nüngei kaokhiyang dhüm phangkü ngei joei tuhtuh.

MENVIH KESHO 36:7

Nüngi bampü meshük douvangang, Oh Kahvang! Longpü maanpü peüi yangkaok dhüm phangkü loihen.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

MENVIH KESHO 63:7

Mehenangkü nüngü ngelei sheühbü, nüngei yangkaok phangkü ngei mongongpai lokhen.

JEREMIAH 35:15

Leiyei leiyei ngei chongphopü thibüthü am touei shompeih, hatü jomi am kü, ‘Am peü laophülei mang lemthü kübü mong leptuh hatü ammei dükhiling yeiyatuh, hatü lebü kahvangthü chongphoei ha pheikü temü. Shejüang am hatü ammei bühipa kü shuohpü kahdokei nyuaokhen’ shei eteke. Shejao ammi ngei epü kü mong neshuoh nevaijü ha nebang.”

MATHI 23:30

hatü ammi, “Hamei bühipathülei nyih kü ham nyulangmeyü thibüthü jüpü kü hean neyahhah shepeih” shei enyüke.

MATHI 22:3

Büpai hapa mo kü omhen thongpü shennyakthü nyüknüng laophülei chongphobüthü shom, shejao jom nepei.

MATHI 5:12

Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

HOSEA 11:2

Shejao meshükpa ngei Israel kü nyükhen, hajükpa jom ngei toueipü yandainyüke. Jomi Baal kü jakpü moila shuohnyüke, hatü jomi lajeithü kü ayingshü jaknyüke.

MENVIH KESHO 57:1

Ngei kü phahjishih, Oh Kahvang, ngei kü phahjishih; mehenangkü nüng kü ngelei laangha loinyeih; nüngei yangkaok dhüm phangkü ngei loihen, mangpü yinglükpalei mangpeihkem thahshi.

1 THESALONIKA 2:15

Jomi Shembüpa Jisu, hatü thihivamthü jütük, hatü hamphongao changtük; jomi Kahvang mongneonghü,

JEREMIAH 44:4

Nedoh-i ngei ngelei chongphobü thibüthü shomei, ‘Ngei nelümbenüng jiühitnalai dou tedük!’ shei etepih.

MATHI 22:6

hatü aopüthüi büpalei chongphobüthü yepei üp, haneiyü jütük.

ZEKHARIAH 1:4

Amphongü ambü ampa am kei tenyu; shongpü thibüthüi jom kü, “Am nemeipü lemthü kübü, hatü douten dükpü kübü leptuh” shei eshuohhamteke shei Jeiyong Shembüpai enyüke. Shejao jomi ngei epü kü dhaong nenonyu, hatü venpü neyahnyu shei Jeiyong Shembüpai enyüke.

HOSEA 11:7

Ngelei nanglakthü ngei toueipü lüdaihen temnyüke. Jomi, “Jaipüba Jeiyong” shei nyüklangmao büpai jom nephoukhen.

JEREMIAH 26:23

Jomi Ijip leipü Uriah müei anei Jehoiakim ongpa touei müei dei, hatü büpai büpa yani bapei jütü büpalei mahng banghnyüha vüteipü mahngchongei yakphong.

JEREMIAH 6:8

Shahvüng shuohpü bangtuh, Oh Jerusalem! Hei nevaijema ngei nüng toueipü nyokei lüdaihen, hatü üpayao nenyui hapa chingnyü lavüngtoiyei tuhphonghen.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

ISAIAH 50:2

Ngei leishingkü mehekei hükao nenyupa? Ngei nyükshingkü mehekei üpaiyao nejangpa? Am angei leihen ngelei lak shohdaipü je? Nevaijü am yanghen ngei wong neshiüpü je? Loh mon lohjü ngei yungchingao jeptüknyeih, ngei yungnyüthü bhih kahdok leitüknyeih; Haleipü nyahthü yung neshiüi, hatü yung lepai dinyüpeih.

SHAKEI VAMPÜ 17:6

Hapa nyühayü daülangpüthülei iy, hatü Jisu jung denpü shuohpüthülei iy-i chokei eeteke. Mechem ngei pinnyü eepa, ngei longi yashan.

LUK SHAHSHA APPÜ 15:28

Hahepak kü büpa mongshih, hatü shem mongei shühen nemong. Hanangkü chepa vamei büpa kü khümei e.

ISAIAH 5:4

Ngei ngelei nyalingngupai kah kü dükpü mü lenei ngei mehe nyeinya dükhenang? Ngei nyalingngupai meipü jükkahen shei ongyangjü, mehekei hapa kü thiokpü phaü ngupai jükpa?

JEREMIAH 32:31

Hapa chingnyüi ngei lingei tuhpü nyih kübü shinnyih thahshi ngei mongshih vamhüpeih; hanangkü ngei toueipü hapa nüngtükhen,

JEREMIAH 36:26

Ha nangjei, ongpai Jerahmeel ongpalei hapeü hük, Azrielei cheha Seraiah hatü Abdeelei cheha Shelemiah hathü kü Barukh nyangbü hatü Jeremiah thibü nyi yeptuh shei shahkung shuoh. Shejao Shembüpai jiji jotük.

HOSEA 7:13

Jomi ngei toueipü lemnyongei lüdaipü nangkü onyükei! Jomi ngei khüei yaongpü nangkü jom mahtükhen! Ngei jom yanghüjao, jomi ngei khüei shahshem enyüke.

MATHI 23:31

Hapakei am nyingi ammü thibüthü jüpüthülei hühihathü hih shei denpü shuohnyüke.