MATHI 23:35 - DAÜLANGPÜ LAIHING (BSI)

³⁵ shejüang kahdok shak kü daülangpüthülei iy yenpü am shak kü nyuhen; Abel kübü heihdaipü phopshem hi moidü nyi aa kü ammi jüpü Barakhiahlei cheha Zekhariahlei iy thahshi nyuhen.

MATHI 23:35 Referans Kwoze

ZEKHARIAH 1:1

Darius ong vaipü bong nyi mü lenyang shetpabü kü Shembüpalei shah Iddolei cheha Berekhiah, Berekhiahlei cheha, Zekhariah thibü touei peiyei eteke:

HEBREW 11:4

Hinglempai Abeli Kain mao nyeinya Kahvangi yahbenüng moila shuoh. Hapa homei büpayü daülangpü shennyak shei yah, hatü Kahvangi büpalei moila kü mong hah; büpa didai shejao büpai hinglempü homei shaangao shah enyüke.

KAHBHAO 4:8

Shaang Kaini chenaü Abel kü, “Ji kahlei shashah” shei e. Mechem jiji kahlei shaei nyupa, Kaini chenaü Abel jütük.

SHAKEI VAMPÜ 18:24

Nüng kü thibü hatü daülangpüthülei iy, hatü kahdoknyü kü jütükpüthülei iy lüpshi nyüke.”

JEREMIAH 26:15

Shejao ammi ha nyingtuh, ammi ngei jütükjema, ammi laophü nying kü mang neshiüpü iy ammei chingnyü, hatü halei nyupüthü kü yenhüpü vaikahen; hingmei ammi danshi hathü shah ehen shingvaishi am touei Shembüpai ngei shompeih.”

2 ONGPATHÜ 24:4

hatü nyeinya vaishi büpai mang neshiüpü iy longi yenhü. Mehenangkü büpai Jerusalemü mang neshiüpü iy yenpai mahü, hatü Shembüpai mang tükhen nemong.

2 ONGPATHÜ 21:16

Büpai Judah am mang thahhüei Shembüpa touei mehe mang ha jomi dükpü mü Manasseh-i Jerusalem jung phihük kübü jung phihük thahshi mang neshiüpü kü iy longi yenhü.

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

LUK SHAHSHA APPÜ 11:51

Abelei iy kübü moidü hi Daülangpü Shing nyi aa kü jüpü Zekhariah thahshi. Hih, ngei am kü enyeih, hapa denhivan kü ha yühen.

JEREMIAH 26:23

Jomi Ijip leipü Uriah müei anei Jehoiakim ongpa touei müei dei, hatü büpai büpa yani bapei jütü büpalei mahng banghnyüha vüteipü mahngchongei yakphong.

ISAIAH 26:21

Kahdoknyülei nyupüthü kü jomei mang nangkü hanghi shuohhen shingvaishi Shembüpai büpa nyushing leipü vamei daikünyüke. Kahdoknyüi pinnyü shak kü iy yenpü küpei neaokhen; pinnyüi mahpüchahpüthü joei neaokhen.

JEREMIAH 2:34

Yemhimak jüpülei iy nevai, shejao nüngei ashakviha kü mang neshiüpü shennyakthülei iy lüpshi dangteke; Henüng douthü kemei vamei tuhtü,

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

BHEI-IE 35:33

Am nyupü kahdok tenyettük. Jüteishangteipai kahdok nyettüknyeih; lebü shennyak jüpü mang paütükhen lem neshiüpih.

ISAIAH 14:21

Chebü chepai pungpü nangkü jomei hühihathü jühen pangtuh; Jom hajük kü kahdoknyü kü vanglem lemhen mü nevamhen, nevaijü jomei chingnyüthüi kahdoknyü kü nejümhen.

JEREMIAH 26:8

Shejao Shembüpai büpa kü etuh shei epü lemphü nanglakthü kü Jeremiah-i ekümhinüng, ngongpathü, thibüthü hatü nanglakthü peü thaiyei büpa yep, hatü, “Nüng jühen!

PHONGSHANTHÜ DOU 5:28

“Hami amphong kü hapa men jung nenyuhhen hami am kü ngeükhüam wongmü shuohphei, shejao hatouei amphongi Jerusalemü ammei nyuhpüvenpai mateke, hatü amphongi hapa shennyakei iy ham shak kü kohühen temnyu khih” shei e.