MATHI 23:34 - DAÜLANGPÜ LAIHING (BSI)

³⁴ Hanangkü ngei am kü thibüthü, nyingpühingpüthü hatü shahkung nyuhbüthü shomphahen; ha khong kübü hanei ammi jühen, shophang kü aphen, hatü hanei Sinagoglei üphen, hatü jila hük kübü hük shei changteiyei anghen,

MATHI 23:34 Referans Kwoze

MATHI 13:52

Büpai jomphong kü, “Hanangkü vangsho ongching shingvaishi nyuhtükpü shahkung nyuhbüthüyü shem shembü hük laophülei mop tuhshing leipü mop chang mop ja peü ngaipükei nyüke” shei e.

KOLOSI 1:28

Peü Khrista kü behe leihühen shingvaishi kihikon kempai peü kü shahvüng shuoh-ei, peü kü nyuh-ei hami baongpeyü büpa hih.

PHONGSHANTHÜ DOU 13:1

Shaang Antiokh leipü attoilei thibü hatü nyuhbüthü nyuteke. Jomphongü Barnabas, Simon, üpa kü Niger shei nyük, Cyrene am Lucius, Herod governor mü nyuei longpü Manaen, hatü Saul nyu.

MATHI 10:23

Mechem jomi am kü jila hükei shüveiphahen, hükpalei nyaidaituh; mehenangkü hingmei ngei am kü eshah, Shennyak Ha yiüshekü amphong Israel jilathü peü kü daiyei nekemi nyuhen hih.

SHAKEI VAMPÜ 11:10

hatü kahdoknyü kü nyupüthüi jom shak kü mongongteihen hatü moeitapei thintho jeiteihen; mehenangkü hapa thibü nyi-i kahdoknyü kü nyupüthü kü longi shüveiteke.

HEBREW 11:37

Jomphong kü yaongi shükei, nyi anei püvet longkhoih-i vetei, yani bapei jüteke; jomphong kü mishuw hatü yumshuw yah-ei owhü, taoeinangei shüveiyei hanghiyei angteke.

1 KORINT 3:10

Kahvangi ngei kü shuohpü phahji aimü lahhinpü shem vebü keiha ngei chongnyiam lingtepih, hatü ha shangkü hanei ami venyüke. Shejao shem vebü peüi hapa shangkü mekei venya kenhinghen vongbong.

1 KORINT 2:6

Shejao hapa den kübü kihikon, nevaijü mahdaihen demtükpü vanglem lembüthülei kihikon nevaijao hami behethü mü kihikon shah enyeih.

PHONGSHANTHÜ DOU 15:32

Judas hi Silas, üpa nyi thihivam kei nyu, hepak yah-ei nangthong shah hatü wong kohhen shah e.

PHONGSHANTHÜ DOU 14:19

Shejao Antiokh hatü Ikonium leipü peipü Jehoda ami khongnyü jomi yawh-ei yah. Hapheikü jomi Paul kü yaongi shüktü didainyeih shei deihshi chingnyü pedaülei shüei ngaiyei tuh.

PHONGSHANTHÜ DOU 12:2

Büpai Johanei chenaü Jakob yani jü.

PHONGSHANTHÜ DOU 11:27

Hahepak kü thibüthü hanei Jerusalem leipü Antiokhlei yiü.

PHONGSHANTHÜ DOU 5:40

hatü jomi phongshanthü nyükei shüei hathü kü bheiteke. Hapheikü jomi hathü kü Jisulei men kü shah ne-ehen ngeükhüam shuohtü deishihtük.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

JOHAN 20:21

Jisui shao jomphong kü, “Amphong mü chingmei nyutuh. Opa-i ngei shompükei ngeiyao amphong shomnyeih” shei e.

JOHAN 16:2

Jomi am Sinagog leipü changtükhen. Hingmei, am jüpüthüi hapakei dükpai Kahvang kü khümnyeih shei deihhen hepak hük ngoikünyüke.

LUK SHAHSHA APPÜ 24:47

hatü Jerusalem kübü pangei jatthü peü kü mong leppü hatü mang tükpü jung baonghen.

KANDOK 11:30

Daülangpüthülei betjükü yangnyu pü; hatü üpai laangha müei leinya, büpayü kon kohpü.

1 THESALONIKA 2:16

hatü Kung am yanghen shingvaishi ham kü chongteven shei khüampai shennyak peü mü khetnyüke. Hapakei dükpai jomi jomei mang hanggo mahünyüke, shejao shompülei Kahvang mongshih jom shak kü peiteke.

2 SHÜPPÜKENGPÜ 24:21

Shejao jomi büpa khüei yaong, hatü ongpalei ngeükhüam homei jomi büpa yaongi shükei phopshem chingshelei jütük.

JEREMIAH 26:8

Shejao Shembüpai büpa kü etuh shei epü lemphü nanglakthü kü Jeremiah-i ekümhinüng, ngongpathü, thibüthü hatü nanglakthü peü thaiyei büpa yep, hatü, “Nüng jühen!

JEREMIAH 36:26

Ha nangjei, ongpai Jerahmeel ongpalei hapeü hük, Azrielei cheha Seraiah hatü Abdeelei cheha Shelemiah hathü kü Barukh nyangbü hatü Jeremiah thibü nyi yeptuh shei shahkung shuoh. Shejao Shembüpai jiji jotük.

MATHI 23:31

Hapakei am nyingi ammü thibüthü jüpüthülei hühihathü hih shei denpü shuohnyüke.

2 ONGPATHÜ 21:10

Shembüpai büpalei chongphopü thibüthü homei ha eteke: