MATHI 23:32 - DAÜLANGPÜ LAIHING (BSI)

³² Shejema ambü ampa ami pangei tuhpü mang lomei düktuh.

MATHI 23:32 Referans Kwoze

KAHBHAO 15:16

Den alipabü kü nüngei hühihathü hatouei nyokei leihen; mehenangkü Amor amei mang shao-üng maei mangaong” shei e.

BHEI-IE 32:14

hatü shaang, hamü, amphong mangei hühihathü, Israel am shangkü Shembüpalei mongshih nyeinya koei peihen mü ambü ampa amei shing kü yaongshi nyüke.

1 THESALONIKA 2:16

hatü Kung am yanghen shingvaishi ham kü chongteven shei khüampai shennyak peü mü khetnyüke. Hapakei dükpai jomi jomei mang hanggo mahünyüke, shejao shompülei Kahvang mongshih jom shak kü peiteke.

JEREMIAH 7:26

shejao jomi ngei epü nebang, nevaijü mong neshuoh; shejao jomei ngaümvang vaanei nyupeih. Jomei chebü chepa mao jom-üng nyeinya nemei-i dükpeih.

JEREMIAH 32:18

Nüngi haja longi kü bamnyeih, shejao nyühipalei mang nangkü jomei hapeüthü kü nüngi hanghi shuohnyeih, Oh longpü hatü wong kohpü Kahvang, nüngei menü Jeiyong Shembüpa,

EZEKIEL 20:4

Nüngi jomei shahphenhen je, Oh shennyak ha? Nüngi jomei shahphenhen je? Shejema jomei bühipai dükpü jiühitnalaipü douthü nyinghütuh,

MATHI 23:31

Hapakei am nyingi ammü thibüthü jüpüthülei hühihathü hih shei denpü shuohnyüke.

MATHI 23:33

Amphong biüthü, hatü biüei hapeüthü! Molo aw kü shukhen kübü am mekei yangaokhen?