MATHI 21:5 - DAÜLANGPÜ LAIHING (BSI)

⁵ “Zion nela kü etuh, Veituh, ammei ong am touei, nenteiaokpai gadu dok shangkü, gadu cheha kü uotü peikünyüke.”

MATHI 21:5 Referans Kwoze

ISAIAH 62:11

Shembüpai kahdoknyü dohpü thahshi hapakei baongteke: “Zion nela kü etuh, veituh, ammei Yemleipüba peikünyüke! Veituh, büpai thintho koei peikünyüke!”

ISAIAH 12:6

Wongmü lentuh, hatü mongongpai kesho loktuh, Oh Zion nanglakthü; mehenangkü Israel amei Daülangpü Hük am mü nyüke.”

KAHBHAO 49:10

Judah ami ongpalei lenshuoh nopü, hatü vanglem lembülei lenshuoh nopü kübü neyanhen. Jatthüi büpa kü bom ühhen, hatü büpa touei ven bangei aümei khümhen.

HOSEA 1:7

Shejao Judah nanglakthü kü ngei bampü huhen, hatü ngei jom yanghen, hatü hayü lah-i, yani, vehoki, koyeithüi nevaijü koyei veshanthüi nevai, shejao Shembüpa, jomei Kahvangi yanghen” shei e.

ISAIAH 40:9

Kahshang shaopülei aongtuh, Oh Zion, shahjang meipü baongeishuoh; Wongmü ngeüwong antuh, Oh Jerusalem, shahjang meipü yaneishuoh. Nyempü neshiüi etuh; Judah jilathü kü, “Ammei Kahvang peikünyüke” shei eyeishuoh.

EZEKIEL 37:24

Ngei chongphobü David keipü ong hüki jom kü ong vaihühen, hatü jom peü shak kü mi yombü hük mon nyuhen. Jomi ngelei shahkungnyü phei mühen, hatü ngelei vanglemthü kenhingei noteihen.

EZEKIEL 34:24

Ngei, Shembüpayü jomei Kahvang vaihen, hatü ngelei chongphobü Davidü jom khongkü ong vaihen. Ngei, Shembüpai ha etepih.

MATHI 11:29

Nüngi ngelei pang paituh, hatü ngei leipü nyinghahtuh; mehenangkü ngeiyü mongdangei nenteiaokpü hatü inyainyemi nyüpeih, hatü nüngei laangha shing nyiumei danghen.

MATHI 2:6

“Nüng, Judah kahdok kü nyupü Bethlehem, Judah am longhivang khongkü nüng mekei etao maanpü nevai; mehenangkü nüng kübü, ngelei Israel nanglak mi yomhen vanglem lembü hük vamhühen.”

MATHI 2:2

“Jehoda amei ong hük bühpü melei nyüke? shei pheyei pei. Hamphongi büpalei litha heong philei eepeih, hatü büpa kü khümhen peiküpeih” shei e.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

2 KORINT 10:1

Khrista nenteiaokpü hatü inpünyaipü homei ngei, Pauli am kü khümei enyeih– ngei am mü dhe dhe gongei thaijü veüpükei nyunyeih, shejao mechem yanei daihen am touei monglongshi nyunyeih.

MENVIH KESHO 9:14

shejüang ngei Zion nelathülei penyüshalei ngei nüngei menvih baonghen, hatü nüngi yangphopü kü mongonghen.

1 ONGPATHÜ 10:26

Solomoni koyei khari hatü koyeithü longi thaiyei tuh; büpalei koyei khari kho anpüali hatü koyeithü haja anpünyi nyu; büpai hathü hanei Jerusalemei hatü hanei lebü chingnyüthülei tuh.

1 ONGPATHÜ 1:33

ongpai jomphong kü, “Amphong mü ngelei chongphobüthü mütuh, hatü ngelei ha Solomon ngelei gadu kü uohütü Gihonei müei yiütuh.

2 SAMUEL 16:2

Ongpai Ziba kü, “Mehekei nüngi hathü koei peiküpa?” shei e. Ziba-i, “Gadu-ü ongpa am shemi uoteihen shingvaishi, aan hatü betjükü ongpalei shennyakthüi hahhen, hatü yiü-ü jahpanei nyiueinangei nyupüthüi yinghen deiküpeih” shei e.

SHAHPHENBÜTHÜ 12:14

Büpa yeshang pinyi hatü hüpeüthü baha hapüan gadu pejempüan müteipüthü nyuteke. Abdoni Israel am vangbong shet thahshi müteke.

SHAHPHENBÜTHÜ 5:10

Hapa jung etuh, amphong gadu shola kü, hatü ashak chetlüpü kü uopüthü, hatü lem kü kampüthü.

SHAHKÜP 17:16

Ongpai büpa shingvaishi koyei longi ne-anghen nevaijü koyei shakhen shingvaishi nanglakthü shao Ijiplei neleishihhen; mehenangkü Shembüpai am kü, “Am ne-yei hapa lem kü nyokei neleihen” shei eteke.

BHEI-IE 24:19

Jakob kübü vanglem lembü hük vamkahen, hatü nemah-i aopüthüao li hümei mahtükhen.”

JOHAN 1:49

Nathanaeli jangei, “Nyuhbü, nüngü Kahvang Ha khih! Nüngü Israel amei Ongpa khih!” shei e.

MATHI 21:6

Nanglom nyi daiyei Jisui epükei dük.

LUK SHAHSHA APPÜ 24:27

Hapheikü Mosa kübü pangei thibüthüi nyangpü laithü kübü büpa jung epü peü nih-eikhoei eteke.