MATHI 21:35 - DAÜLANGPÜ LAIHING (BSI)

³⁵ Shejao kah phuopü ami büpalei chongphopüthü yepei hük kü üp, hük jütük, hatü hük kü yaongi shük.

MATHI 21:35 Referans Kwoze

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

PHONGSHANTHÜ DOU 7:52

Mepa thihivam kü ambü ampai neshüveipa? Jomi Daülangpü Hük peikahen shei tetpüthü peü jühampeih, hatü shaang amphongü büpa yuhahpü hatü jüpü am leiteke.

MATHI 5:12

Am mongongtuh hatü mongmeituh; mehenangkü vangsholei ammei laklei longpü nyüpeih; am shekü nyupü thibüthü kao hapa keiha jomi shüveipeih.

SHAKEI VAMPÜ 6:9

Mechem büpai ngapabü füoshang appa, ngei moidü phangei Kahvangei shah nangkü, hatü jomi denpü shuohpü nangkü jütükpüthülei laangha eeteke;

JEREMIAH 2:30

Angsha kü ngei ammei nanglakthü kü shüveipü khih, shejao jomi yeanpü neyahnyu. Aeipü mailangi keiha ammi ammei thibüthü ammei yani jütükpeih.

2 SHÜPPÜKENGPÜ 16:10

Hapa thibüpai ha eshuohpü nangkü Asa longi mongshih; büpa longi mongshih-ei büpa yepei khoklatei tuh. Hahepak kü-üng nanglak hanei kü longi nemei-i shüvei.

1 ONGPATHÜ 22:24

Hahepak kü Kenaanahlei cheha Zedekiah aongei Mikaiahlei dhe kü aptü, “Nüng kü ha ephahen mü Shembüpalei laanghai ngei tuhtü mepa lem kü daipa?” shei e.

1 ONGPATHÜ 19:10

Büpai jangei, “Ngeiyü Shembüpa, Jeiyong Kahvangei men kü longi nyakeikenpü shennyak, shejao Israel ami nüng mü vangeishuwpü yaktük; nüngei moidüthü benei yaktük, hatü nüngei thibüthü peü jütük, shaangü ngei mon aopü khih, hatü shaang jomi ngeiyao jütüknüng yemnyüke” shei e.

1 ONGPATHÜ 19:2

Hanangkü Jezebeli Elijah touei phongmokbü shomei, “Ha thibüthü kü nüngi dükpükei ngenyih hapa hepak kü ngei nüng kao nedükjema, kahvangi ngei kao hapakei nevaijü hapa mao nyeishi nyemdükpha” shei e.

1 ONGPATHÜ 18:13

Mechem Jezebeli Shembüpalei thibüthü jütükkempa, ngei Shembüpalei thibüthü kho hük müei daiyei yaongsha nyi kü pinyipüan baong johütü hahying üh-ei angpü ngelei shembü kü üpaiyao ne-ephaangpü je?

1 ONGPATHÜ 18:4

Mechem Jezebeli Shembüpalei thibüthü jütükpa, Obadiah-i thibüthü kho hük müei daiyei yaongsha nyi kü pinyipüan baong shüshihtü jotük, hatü hahying shuohteke.)

JEREMIAH 26:8

Shejao Shembüpai büpa kü etuh shei epü lemphü nanglakthü kü Jeremiah-i ekümhinüng, ngongpathü, thibüthü hatü nanglakthü peü thaiyei büpa yep, hatü, “Nüng jühen!

JEREMIAH 37:15

Jomphongi Jeremiah kü mongshih-ei üpteke hatü laknyangbü Jonathanei shemei khoklat vaishi halei küpphongteke.

MATHI 21:34

Mechem betjük vaümhen hepak ngoipa, büpai laophülei chongphobüthü hapa kah phuopü am touei büpalei phaihan yahhen shom.

MATHI 21:36

Shao büpai lebü chongphobüthü sheleipü kao nyeishi shom, hatü hathüi jomphong kao aihük mü dük.